STOP DESAFUIZAMENTOS

 

Unhas 200 persoas manifestáronse

polas rúas de Ferrol contra os

desafiuzamentos.

REDACCIÓN FERROL |
Actualizado 29 Diciembre 2012.-

un momento da protesta realizada pola tarde-
 Daniel Alexandre                                         

A Plataforma Stop Desafiuzamentos Ferrolterra congregou onte a máis de dous centenares de persoas nunha manifestación que partiu de diante do edificio da Xunta e discorreu pola rúa Real até a praza de Armas. A protesta contra os desafiuzamentos coincidiu con outras que se celebraron en diversas cidades gellegas.

 

Os manifestantes, entre os que figuraban concelleiros dos grupos municipais do PSOE, Esquerda Unida e BNG, marcharon tras unha pancarta na que podía lerse: "Nin casas sen xente, nin xente sen casas", e coreaban consignas tales como: "Stop desafiuzamentos", "Non, non, non á lei hipotecaria" e "Non son suicidios, son magnicidios". Tamén portaban fotografías dos membros do goberno local do PP acompañadas da frase "Stop desafiuzamentos".

 

Ao termo da marcha, diante do pazo municipal, deuse lectura a un comunicado esixindo que as administracións se fagan cargo da defensa e asesoramento legal "das familias que son vítimas dunha auténtica persecución bancaria", creando puntos de atención comarcal ou municipal financiados polos orzamentos públicos en colaboración cos colexios de avogados.

 

Ao mesmo tempo, piden responsabilidades políticas e penais no conxunto da banca, a paralización de todos os procesos de desafiuzamento, a dación en pago con efecto retroactivo acompañada da opción de aluguer social e un parque público de aluguer social das vivendas "usurpadas" pola banca.

 

A portavoz da plataforma convocante concluíu dicindo que o dereito á vivenda debe estar á marxe do mercado, "porque non volveremos pagar os desmáns dous poderosos".

 

Diario de Ferrol.-

 

 

Cartaz e Volantina - Este venres 28 de Decembro, Manifestación unitaria contra os desafiuzamentos e o acoso financeiro

 

 

 

 

 

Esta Asociación veciñal O Rosario- Inferniño, APOIA esta mobilización na defensa da cidadanía de afectados polos desafiuzamentos a consecuencia das políticas levadas a cabo pola especulación mobiliaria e bancaria.

 

Non aprobamos baixo ningún concepto os desafiuzamentos que atentan contra os dereitos constitucionais da cidadanía.

 

Dación en pago e aluguer de vivenda pública

 

Obriga municipal de dispor dun parque de vivendas de aluguer PÚBLICAS.

 

- Investigar os fraudes e especulacións das vivendas e súas hipotecas.

 

 

 

- Manifestación do día 28 ás 7 h da tarde no Edifi. da Xunta de Galicia.

 

Saúde

 

a directiva.-

 

 -------------------------------------------------------------------------------------

 

 

 

 

NIN CASA SEN XENTE, NIN XENTE SEN CASA !!
Este venres 28 de Decembro, Manifestación unitaria contra os desafiuzamentos e o acoso financeiro

A Comisión Dereito a unha Vivenda Digna - Stop Desafiuzamentos Ferrol Terra,  que forma parte da Rede de Apoio Mutuo, acordou convocar unha Manifestación, en Ferrol, o Venres 28 de Decembro, ás 7 da Tarde, con saída desde a Praza Amada Garcia, diante do Edificio Administrativo da Xunta de Galicia, pasando pola Rúa Real, para rematar diante do Pazo Municipal, na Praza do Concello, onde se lerá un Manifesto Unitario, logo pasara-se a micro-aberto.

MANIFESTACIÓN UNITARIA CONTRA OS DESAFIUZAMENTOS E O ACOSO FINANCEIRO


Mobilizaremo-nos para:

Demandar

• a paralización dos desafiuzamentos
• o recoñecemento por lei da dación en pago, acompañada da opción do alugueiro social
• a creación dun parque de vivenda pública para garantir o dereito á vivenda

Denunciar o fraude hipotecario e

Reclamar o dereito a unha vivenda digna.

Esta mobilización, está encadrada dentro dunha convocatoria xeral que de forma coordinada, acordamos as diferentes plataformas e colectivos que actuamos na Galiza.


E a nivel local:

Por un parque público de vivenda municipal, para alugueiro social e para situacións de emerxencia. Censo de vivenda municipal, Xa !

Pola creación dun Punto Comarcal de Atención e Defensa, onde a cidadanía afectada por unha ameaza de desafiuzamento, poda atopar un lugar de información, asesoramento e defensa, financiados polas diferentes administracións públicas e en colaboración co colexio de advogad@s.

No facebook:

facebook Stop Desafiuzamentos Ferrol Terra


Evento no facebook:

http://www.facebook.com/events/572492036099900/


Baixar Cartaz da convocatoria:

https://docs.google.com/open?id=0B137ZqzfFFqMUDhKZlRHeEdNYmM


Baixar volantina da convocatoria:

https://docs.google.com/open?id=0B137ZqzfFFqMaXpOR1lqTFpTdUE

||||||||||||||||||||

--



Rede Social de Ferrol Terra

Encontro | Foro | Rede de Apoio Mutuo | Arméria Soc Coop

Directorio (Teléfonos, Correos, Blogues e Web)

http://redesocialdeferrolterra.blogspot.com.es/

|||||||||||||||||||||||||||||||||

--
ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com
www : orosario-inferninho.blogspot.com

TOXOS E FROLES - C.C.CARVALHO CALERO.

 

 

 

 

Esta Asociación veciñal O Rosario-Inferniño, convida a toda a veciñanza a disfrutar da música tradicional galega do REAL CORO TOXOS E FROLES de Ferrol,  este vindeiro Venres, día 28 ás 19,30 h no Salón de actos do Centro Cultural Municipal CARVALHO CALERO.

 

 

 

 

Esta función corresponde as actividades ofertadas nos CIRCUÍTOS CULTURAIS-2012 da concellaría de Cultura do Concello de Ferrol.

 

Entrada libre a toda a cidadanía.

 

 

A directiva.-

 

 

 

Feliz Aninovo-2013

 

 

 

A xunta directiva desta Asociación

 

veciñal O Rosario-Inferniño

 

desexavos ,

 

 

FELICES FESTAS E UN MELLOR

 

 ANINOVO-2013.

 

 

 

 

 

 - A directiva.-

Concentración -

 

 

 

Este Xoves ás 19,30 h estaremos na Praza Amada Garcia - Edif. da Xunta- para denunciar os RECORTES do BEN COMÚN, estado de benestar, vivenda e calidade democrática.

 

 

 

 

  

www : orosario-inferninho.blogspot.com

 

RESCATE CONCESIÓN.-

   

O Concello decide recuperar a xestión

 

do centro comercial Porta Nova .

 Mércores, 19 de Decembro de 2012 00:00

 redacción ferrol
 

  A comisión de Economía tomou onte a decisión de rescatar a concesión do centro comercial Porta Nova, que viña xestionando a empresa Ferrolterra Superficies Comerciais S.L., tras recibir o ditame favorable do Consello Consultivo de Galicia. O concelleiro da área, Alejandro Langtry, explicou que a empresa está inmersa nun proceso concursal voluntario e esta situación faculta ao Concello a recuperar a concesión, tal como establece o prego de condicións.

Unha vez que a resolución do contrato reciba o visto e prace do pleno, leste mesmo venres, arbitrarase un prazo para que a empresa entregue as chaves e o Concello pasará a xestionar directamente o centro comercial.

  

O Concello espera así mesmo os resultados da auditoría encargada sobre Porta Nova para elaborar un novo prego de condicións e sacar a concurso as instalacións.

 

O goberno tamén rexeitou as alegacións presentadas polo Ateneo ao uso compartido do seu local, que Langtry resumiu dicindo que se basean en que "necesitan todos os metros cadrados habidos e por haber, que teñen unha chea de servizos e que é un aforro que eles estean alí  e ocupen todo o edificio, pero nós non o vemos así".

O edil insistiu en que o Concello ten que aforrar porque está a pagar moitos alugueres de entidades e hai que sacar o máximo rendemento aos edificios públicos. "Hai sitio para todos", sentenciou

 

 

Consello Consultivo autoriza o rescate Porta Nova.-

Data de hoxe:

Ferrol

O Concello de Ferrol sacará de novo a concurso o centro comercial Porta Nova

O Consello Consultivo de Galicia autorizou ao Concello a que rescate a concesión a Fesuco

Autor:

ROCÍO PITA PARADA

Localidade:

FERROL

 

O Concello de Ferrol volverá sacar a concurso a adxudicación da súa explotación do centro comercial Porta Nova, no Inferniño. Así o asegurou esta mañá o concelleiro de Economía e Facenda, Alejandro Langtry, que informou en comisión do ditame favorable do Consello Consultivo para proceder ao rescate da concesión a Ferrolterra Superficies Comerciais (Fesuco).

 

La Voz de Galicia.-

 

-- 

TEATRO - VAIA TROPA.

 

Esta Asociación veciñal O Rosario-Inferniño, convida a veciñanza a unha obra de Teatro -VAIA TROPA-, dentro dos programas FERROL A ESCENA.

 

Este SÁBADO-15 ás 19 horas no Salón de Actos do Centro Cultural Carvalho Calero.

 

 

 

Saúdos

 

TEATRO ESTALEIRO- GRUPO BAZÁN.-

  

TEATRO ESTALEIRO

 

GRUPO BAZÁN

 



  

 

 

 

 

 

 

 

 

 

 

 

 

 

 

 

  

 

 

 

 

 

Grupo TEATRO BAZÁN do ASTELEIRO.-

 

- Mércores-Teatro -

Carvalho Calero

   Esta Asociación veciñal O Rosario -Inferniño, convida a cidadanía a unha obra teatral do "Grupo BAZÁN" -100 m2- do ASTELEIRO no Centro Cultural Municipal do Inferniño, CARVALHO CALERO este vindeiro Mércores, día 5 de Decembro ás 20 horas, dentro do programa FERROL ESCENA do Concello de Ferrol.

 

 

- Entrada libre no C.C. Carvalho Calero.-

 

 

 

 

 - Saúdos

- A directiva.-

Mobilización Sanidade Pública.-

 

Os colectivos en defensa da sanidade

pública protestan en Ferrol contra o

 «desmantelamento» do sistema.

Escrito por:

La Voz

Ferrol 04 de decembro de 2012 20:23GMT

 

CÉSAR TOIMIL

Ferrol mobilizouse contra os recortes na sanidade pública e a súa privatización. Unhas 400 persoas concentráronse fronte ao edificio administrativo da Xunta proclamando que «a sanidade non é un negocio», o lema co que a Plataforma en defensa dá sanidade pública da área sanitaria local convocou a protesta.

 

Música e pancartas recibiron aos participantes, que baixo a choiva asistiron á lectura dun manifesto no que se defendeu que a sanidade pública «é unha conquista da cidadanía». Miguel López, en representación da plataforma, leu o texto no que sepreguntó «onde foron os cartos» de «case 30 prazas de médicos, pediatras, enfermeiras e fisioterapeutas, que xa estaban presupostadas non 2009 para a Área Sanitaria de Ferrol» e que «desapareceron».

 

Ademais de críticas globais á situación actual, como o «repago» farmacéutica, a proximidade do cobro do transporte sanitario non urxente ou a posiblidad de que se cobre pola comida, tamén se criticou a situación local. «Non se fai unha utilización plena de tódolos recursos sanitarios desta área», denunciou o colectivo , integrado por 41 entidades, mentres se mantén concertos «con hospitais e clínicas privadas por un importe que supera vos 13 millóns de euros».

 

Mentres tanto, criticaron, «o hospital Novoa Santos «estase levando ao seu peche, deixándoo sen contido asistencial». Por todo iso «estamos hoxe aquí, porque a saúde non é un negocio», proclamaron.

Entre os asistentes, atopábanse representantes políticos do PSOE, EU, BNG e AGE, así como representantes dos colectivos que integran a plataforma.

 

 Pola mañá, traballadores da área sanitaria concentráronse no vestíbulo do Arquitecto Marcide, nunha protesta contra a privatización e os recortes convocada pola xunta de persoal, tamén integrante tamén da plataforma.

 

La Voz de Galicia.-

 

CONCENTRACIÓN -4 Decembro

 

 

 



             

    CONCENTRACIÓN POLA SANIDADE PÚBLICA

 

 Esta Asociacón Veciñal O Rosario- Inferniño fai un chamamento a cidadanía co obxecto de reivindicar unha SANIDADE PÚBLICA UNIVERSAL para todos/as.

 

 

Coas políticas implantadas polo goberno do PP estamos asistindo as primeiras medidas de desmantelamento do sistema sanitaria publico con desvios e grandes SUBVENCIONS para clínicas hospitalarias privadas.

 

 

O Decreto aprobado polo goberno fai patente a falta de sensiblidade desta forza política con respecto as persoas máis débiles e que necesitan todas as coberturas sanitarias e as políticas dirixidas as persoas con DISCAPACIDADE os cales están preocupadas e denunciando estas desproteccións sociais. 

 

  

Pedimos que a veciañanza do Inferniño e demais barrios que acudan a esta CONCENTRACIÓN do vindeiro MARTES- , día 4 de Decembro ás 19 horas no Edif. Administrativo da Xunta de Galicia, Praza Amada García.

 

 - A directiva.-

 

 

660.000 galegos pobres.-

Máis de 660.000 galegos estaban no 2011en situación de pobreza ou exclusión social

Deles, 65.386 persoas sofren «privación material severa» segundo o último informe da Rede Europea contra a Pobreza

Escrito por:

EFE

30 de novembro de 2012               

 

Un total de 662.515 persoas en Galicia atopábanse en 2011 en situación de pobreza ou exclusión social, o 23,7 por cento da poboación e 47.031 máis que en 2010, segundo o último informe da Rede Europea contra a Pobreza (EAPN).

 

De acordo con este estudo, en Galicia 525.539 persoas atópanse baixo o limiar da pobreza, un 18,8 por cento da poboación, tres puntos menos que a media española.

Ademais, 65.386 persoas sofren «privación material severa», un punto menos que no ano anterior, e 203.088 viven en fogares con «baixa intensidade de traballo», o 7,3 por cento da poboación e o dato que máis aumentou no conxunto de España.

 

Para EAPN-Galicia, é «especialmente preocupante o aumento das desigualdades, que se intensifican durante a crise».

Así, explica que, se entre os anos 2004 e 2007 a renda do 20 por cento da poboación máis rica multiplicaba por cinco a renda do 20 por cento máis pobre, desde o ano 2008 o 20 por cento máis rico gana sete veces máis que o 20 por cento máis pobre.

 

A asociación resalta nun comunicado que onte mesmo o Eurostat fixo público a porcentaxe de PIB que cada país comunitario dedica á protección social. España, en 2010, destinou a este fin o 25,7 %, fronte á media europea do 29,4 % e só o 1,8 por cento desta porcentaxe destínase a vivenda e exclusión social, fronte ao 3,6 por cento europeo.

La Voz de Galicia.-

CONCENTRACIÓN - 4 Decembro-12

A Plataforma dspf convoca unha

concentración en defensa da

sanidade pública .

 Venres, 30 de Novembro de 2012.

As preto de 50 entidades que integran a Plataforma en Defensa da Sanidade Pública da Área de Ferrol -Pdspf- convocan para o vindeiro martes na praza Camilo José Cela -diante do edificio da Xunta- unha concentración en defensa da sanidade pública. Representantes deste colectivo, que engloba entidades culturais, veciñais, sindicatos, partidos políticos, ONGs, etc, presentaron onte esta convocatoria para o día 4 ao sete da tarde.

 

A privatización e o repago continúan sendo cuestións a reivindicar por este colectivo que se manifesta en contra das políticas "que nos quitan o dereito á saúde". A plataforma asegura que na recente investidura de Alberto Núñez Feijóo, o presidente anunciou que seguirá con "as mesmas políticas de desmantelamento da sanidade pública". Así, lembraron as políticas de colaboración público-privada que se anuncian para hospitais galegos que, auguran, "acabarán en privatización como sucedeu en Valencia e agora en Madrid". Lembran, así mesmo, o compromiso dos dous novos centros de saúde da Capela e Ares "que levan varios anos pendentes".

Por estas razóns, demandan nos orzamentos autonómicos para 2013 un compromiso de investimento real na área Sanitaria de Ferrol "lembrando que o Naval está infrautilizado por falta de persoal e medios" e unha potenciación da área de Atención Primaria.

Por todo isto, a Pdspf considera que as políticas neoliberais do PP levan á deterioración e descapitalización do sistema sanitario público, desmantelando "a universalidade, a equidade e a accesibilidade" ao sistema público sanitario.

Así, chaman á mobilización o vindeiro martes para evitar esta situación.

 

Diario de Ferrol.-

 

 

Ti e máis eu teatro - Para que serven os homes -

 

> Venres -Teatro <

   Esta Asociación veciñal O Rosario -Inferniño, convida a cidadanía a unha obra da compañía "TÍ E MÁIS EU TEATRO" coa obra teatral "PARA QUE SERVEN OS HOMES" no Centro Cultural Municipal este vindeiro VENRES, 30 de Novembro, ás 20 horas, dentro do programa dos Circuítos Culturais do Concello de Ferrol.

 

 

 

 

 

Este evento para conmemorar o Día 25 de Novembro contra a violencia de xénero

- Entrada libre no C.C. Carvalho Calero.-

 - Saúdos

- A directiva.-

Clases DEBUXO.-

 

 

 

 

 

CLASES DE DEBUXO INFANTIL

Novembro-2012

 

 

Estamos iniciando as clases de Debuxo infantil

 

e estamos impulsando Debuxo para Adultos. 

 



 

 

- A directiva.-

SAMAÍN - MAGOSTO

              Samaín -Magosto.-

 

  A Xunta directiva desta Asociación Veciñal O Rosario-Inferniño , convida aos nenos, nenas e familias a participar na celebración do  SAMAÍN deste ano na Praza do INFERNIÑO este vindeiro SÁBADO, 27 de Outubro a partir das 17,30 horas.

 

Podedes traer as vosas CABAZAS "Tuneadas" e adornadas, así como os COLARES DE ZONCHOS dos máis peques e castañas asadas que aportarán as familias .

 

Disporemos de música na mesma Praza do Inferniño por parte da Agrupación Folklórica e Cultural TERRA MEIGA que animará esta festa do Samaín pola tarde na Praza do Inferniño.

 

Saúdos

 

- A directiva.-

Actividades - horarios.

ACTIVIDADES - HORARIOS.

      Informamos que esta Asociación Veciñal O Rosario- Inferniño, está conforamando os grupos e horarios para as actividades  de  GAITA, GUIRARRA, INGLÉS E DEBUXO.

 

 

      O curso de gaita impárteo Víctor Agulló de martes a xoves, de 18.30 a 20.00 horas.
      As clases de Debuxo teñen como profesora a Sofía Piñeiro, licenciada en Belas Artes. Tamén se imparten leccións para adultos, coa mesma docente.

      A guitarra diríxese a principiantes e inclúe nocións básicas e aprendizade de cancións lendo tablaturas e de oído.

     O inglés segue o método Callam, que estimula a conversación e a comprensión auditiva.

 

 

A directiva.-

 

 

O Concello faise cobra as débedas de GEPERSA.

O Concello cobra as débedas da empresa

Gepersa coa incautación do aval.

 Martes, 23 de Outubro de 2012.

    redacción  ferrol  .
A empresa que no seu día resultou adxudicataria do contrato de concesión de aparcadoiros subterráneos e centro comercial de Porta Nova, Gepersa, liquidou as súas débedas co Concello, que ascendían a un total de 114.455,40 euros.

 

O abono desta contía  tivo que realizarse a través da incautación total da garantía depositada pola entidade Xestión Perlío SA "Gepersa" por un importe de 126.212,54 euros. A contía restante tras o ingreso no Instituto Municipal de Facenda do Concello de Ferrol da contía debida en conceptos de IBI, auga, recollida de lixo e IVE ascende a 11.757, 14 euros e ponse a disposición do xulgado de primeira instancia nº 4 de Ferrol.

Como se lembrará, a empresa Gepersa resultou no ano 1995 adxudicataria da explotación do parking e centro comercial do Inferniño, pero posteriormente o Concello tivo que volver sacalo a concurso por problemas económicos da firma e fíxose cargo do aparcadoiro Portanova Park e dos establecementos comerciais, Fesuco.

A situación, con todo, non é agora mellor que ao principio e o Concello trata de rescatar a xestión do centro comercial.

Pola súa banda, á empresa que se ocupa do aparcadoiro tamén se lle abriron xa varios expedientes.

 

Diario de Ferrol.-

 

 

Informacións rescate Portanova.-

      

Avanza o rescate de Porta Nova ao non acudirse o avalista da empresa .

 Mércores, 10 de Outubro de 2012.

 

O concelleiro de Economía, Alejandro Langtry, informou onte na comisión da súa área da non comparecencia do avalista da empresa concesionaria do centro comercial Portanova, a firma Fesuco, no período de audiencia aberto polo Concello. Ante esta situación o procedemento de extinción de contrato continúa a súa tramitación.

Esta cuestión deberá volver a pleno para que a corporación municipal ratifique a súa vontade de recuperación da xestión da área comercial e posteriormente o Consello Consultivo de Galicia deberá ditaminar sobre a petición do Concello.

 O responsable das políticas económicas do Concello lembrou onte que o proceso de extinción de contrato iniciouse, por unha banda, polas queixas veciñais sobre o estado das instalacións e, por outra, pola débeda que a concesionaria ten acumulada co Concello e que ascende a medio millón de euros.

A recuperación que se pretende levar a cabo será sen custo para o Concello, co obxectivo de poder pór en funcionamento de modo racional as instalacións.

O último paso dado no sentido de rescatar este centro comercial remóntase ao pleno do 17 de xullo, de carácter extraordinario e urxente, no que se aprobou de maneira unánime solicitar ao Consello Consultivo de Galicia que se pronunciase sobre o expediente iniciado pola administración ferrolá para a extinción do contrato de concesión para a explotación do centro Porta Nova.

O responsable de Economía lembrou que previamente a iniciar este proceso de recuperación da concesión mantivéronse varios encontros coa firma adxudicataria, que inicialmente mostrara a súa disposición a renunciar ao contrato administrativo de mutuo acordo, pero posteriormente cambiou de opinión, polo que se procede ao rescate do modo que se está facendo.

 

Diario de Ferrol.-

 

 

 

Estrada Castela - Control semafórico.-

O PSOE reclama a aplicación do sistema de control semafórico.

 Mércores, 10 de Outubro de 2012.

    redacción ferrol  .
Os semáforos das estradas de Castela e Catabois non están en funcionamento polo -nulo seguimento dos temas e a falta de compromiso do goberno local-. Así o considera o grupo socalista que onte saíu ao paso das declaracións do executivo de Rei Varela, que acusou ao PSOE de non incluír o servizo semafórico no proxecto das obras para estes dous viarios da cidade.

 

Os edís Jaime Pena e Gerardo López lembraron que o pasado ano asinouse un convenio coa Dirección Xeral de Tráfico para a instalación dun sistema  intelixente de control semafórico, ao ser Ferrol a única cidade galega que carecía del.

Para facer fronte ao convenio, o anterior executivo incluíu na remodelación de Castela e Catabois a obra civil para a colocación do tendido de fibra óptica que trasladaría a información dos semáforos ás pantallas do cuartelillo de San Xoán, no que tamén se habilitou a sala de control necesaria, con cargo aos fondos do Plan E.

Os socialistas sinalaron que non se sabe nada dese convenio nin sequera onde se atopa e lonxe de facelo cumprir e de contactar coa DXT antes de concluír as obras, nin sequera puxéronse en funcionamento os semáforos ao modo tradicional. Non se fixo, indicou Pena, "nin o urxente o aceso de semáforos" nin o importante "o control semafórico independente".

 

Por esta razón, Gerardo López urxiu ao goberno local a pór en marcha este convenio, que suporía "a entrada de Ferrol no século XXI". O concelleiro lembrou que coa instalación do sistema nas estradas de Castela e Catabois estaría conectado o 70% dos semáforos, restando só os proxectos da avenida do Rei e o cruzamento de San Xoán. O resto dos sinais luminosos que forman o anel da cidade incorporaríanse ao sistema a través da rede wi-fi.
O grupo socialista cuestionou xa no último pleno municipal o significado do termo "inmediato" co que o edil Pablo Cal referiuse á posta en marcha dos semáforos da estrada de Castela, o mes pasado.

 

Diario de Ferrol.-

 

Festas Inferniño

 

 

 FESTAS INFERNIÑO

 

 

A xunta directiva desta Asociación Veciñal O Rosario- Inferniño, preguntamos ao Goberno municipal que iniciativas e dispositivos vai empregar para ordenar as FESTAS PATRONAIS DO INFERNIÑO.

 

Recomendamos que toda os arredores da Praza do Inferniño se declare ZONA PEONIL dende ás 16 h do venres ata a mañá do luns, semellante ao día de Feirón,  co fin de evitar os vehículos por medio das atraccións infantís, coa excepción de permitir as entradas e saídas do aparcamento municipal polos accesos de Rúa Fontemoura e Alcalde Usero.

 

Esperamos as requiridas inspeccións sobre as Atraccións infantís con as conseguintes revisións de Licenzas  e garantías para desfrute e uso en óptimas condicións, evitando así escenas perigosas do pasado ano con algún accidente innecesario.

 

Por isto, requirimos a presenza e control da Policía Municipal,  controis técnicos, subministro eléctrico, auga, control de SON e horarios, así como colaborar coa Comisión de Festas no estrito cumprimento das normativas para estes eventos.

 

Ferrol, a 2 de Outubro de 2012.

   
- A directiva.-

 

-            SR. ALCALDE –PRESIDENTE -CONCELLO DE FERROL .-

 

 

Cursos - Gaita, Guitarra, Debuxo, Inglés.-

A Asoc.Veciñal  O Rosario - Inferniño

abre a inscrición nos seus cursos.

 Luns, 01 de Outubro de 2012.
 redacción  ferrol   .

A Asociación de Veciñal O Rosario, do barrio do Inferniño, informa de que ten aberto o prazo de inscrición nos talleres que desenvolverán durante este curso. Son clases de gaita, guitarra, debuxo e inglés.

Impartiranse en grupos reducidos no local da asociación, excepto o de gaita, que será no centro cultural Carvalho Calero.

 As persoas interesadas en participar poden porse en contacto coa asociación no correo  avvorosario@gmail.com ou no móbil 649 024 612.

O curso de gaita impárteo Víctor Agulló de martes a xoves, de 18.30 a 20.00 horas.
As clases de debuxo infantil teñen como profesora a Sofía Piñeiro, licenciada en Belas Artes. Tamén se imparten leccións para adultos, coa mesma docente.
A guitarra diríxese a principiantes e inclúe nocións básicas e aprendizade de cancións lendo tablaturas e de oído.
O inglés segue o método Callanm, que estimula a conversación e a comprensión auditiva.

Diario de Ferrol.-

 

Cursos - Actividades.-

 

A xunta directiva informa que esta Asociación abre o prazo de inscrición para CURSOS de GAITA, GUITARRA, DEBUXO, INGLÉS.

GAITA.-

Continuamos coa ESCOLA DE GAITAS desta Asociación Veciñal co Mestre gaiteiro Vitor Agulló, con ampla experiencia recoñecida en toda Galicia.

 

- Martes e Xoves de 18,30 h a  20 horas.

     -     DEBUXO INFANTIL

     Fundamentos do debuxo: punto, liña e plano. Teoría da cor. Psicoloxía da cor. Texturas visuais. Composición. Proporcións, (introdución ao retrato e á representación do corpo humano). Introdución á historia das Artes. Introdución ao volume. Creación de esculturas. Reciclaxe. Modelado en pasta de papel.

          METODOLOXÍA

    O taller estaría enfocado dun xeito diferente á tradicional, sen limitarse aos exercicios de sempre con lapis, cores e papel, engadindo técnicas novas e orixinais que chamen a atención dos pequenos, experimentando con xices, cola, tintas, fariña, sal... Faremos tamén exercicios de volume modelando ou ensamblando obxectos. 

Por medio de exercicios prácticos e xogos iremos introducindo os contidos da materia sobre a marcha, aprendendo así a resolvelos.

- Profesora SOFÍA PIÑEIRO –LICENCIADA EN BELAS ARTES

        DEBUXO ARTÍSTICO ADULTOS.-

  

Contidos de BODEGÓNS –Traballos ó aire libre –modelos, perpectiva.contraste, equilibrio, retrato.

Adestrar o ollo, observar a relidaxde, analizar formas.comprender por medio da LUZ e a SOMBRA.

Adestrar o gusto, estética..

Coa Profesora SOFÍA PIÑEIRO –LICENCIADA EN BELAS ARTES

 

           -      GUITARRA 

 

TALLER DE GUITARRA PARA PRINCIPIANTES.

Obradoiro de GUITARRA para principiantes .

      CONTIDOS

A música e seus elementos principais: harmonía, melodía y ritmo.

A guitarra. Afinación. Mantemento. Acordes. Ritmos.

Lectura musical: aproximación al solfexo y a la tablatura.

Aprendizaxe das cancións.

       Metodoloxía.

Aprendizaxe de acordes maiores e menores.

Aprendizaxe de ritmos.

Aprendizaxe de cancións: lectura de tablaturas y técnica "de oído".

       INGLÉS.-

MÉTODO CALLAN.-

Método de aprendizaxe a través da conversación e comprensión auditiva e estímulo da memoria.

Novo método revolucionario en máis de 25 países con gran efectividade.

Grupos infantís e adultos.

 NOTA.-

Estas actividades serán ofertados para grupos reducidos no LOCAL da Asociación veciñal O Rosario-Inferniño, agás GAITA que será no Carvalho Calero.

 

Contacto – avvorosario@gmail.com

         Tfno.móbil -  649 024 612

 

 

- A directiva.-

 

 

Sinaturas Praza de España.-

 

 

              RECOLLIDA DE SINTURAS

 

 

de Iniciativa Popular do Concello de Ferrol para preguntar a cidadanía  polo novo proxecto de obrar na superficie da Praza de España cun orzamento de 700.000 €.

 

 

 

 

 

 

 

 

 

 

 

 

 

 

 

 

 

 

 

 

 

Recollida de sinaturas na Praza  de España, este pasado Luns-25 de Setembro.

Obras rúas .-

Unha decena de rúas do Inferniño e Canido

no plano de obras do municipais.-

Domingo, 12 de Agosto de 2012.-

 redacción ferrol
 O programa de obras do Concello para a reparación de espazos públicos contempla, entre outras, unha decena de intervencións noutros tantos viarios e zonas dos barrios do Ensanche e Canido. Desde a administración local indicouse que -están en marcha ou a intres de iniciarse- intervencións proxectadas nos pavimentos da rúa Alegre e da praza de Canido

Así mesmo, desde o Consistorio indicouse que tamén se planificaron actuacións "algunhas delas xa executadas ou en vías de executarse", -especifican- nas rúas Seselle e Fontaíña, no Ensanche. Ademais, procederase a reparar as beirarrúas da rúa Cuntis e o pavimento máis deteriorado da rúa Pontevedra, tal como indicouse desde o equipo de Rei Varela.

O plan de obras contempla tamén diversas intervencións na praza do Inferniño. Neste caso, segundo explicouse desde o Concello, realízanse traballos de mellora do mobiliario urbano, como as papeleiras, no parque infantil, ou labores de reposición de madeiras soltas, así como nos banzos das escaleiras que comunican a mencionada praza cunha das rúas próximas ao Centro Comercial Porta Nova.

No Centro Cultural Carvalho Calero colocáronse novos sumidoiros e reparáronse chanzos de granito que estaban deteriorados, tal como apuntouse desde a administración local.
As intervencións urxentes que desde o pasado xoves manteñen cortado ao tráfico un tramo da rúa Pérez Villaamil "o comprendido entre as rúas Mosteiro de Caaveiro e Ministro Patiño" tamén se executan con cargo a este plan. Nesta vía están a repararse as reixas dos sumidoiros, concretamente substituíndoas por outras de maior diámetro para evitar atascos. A vía permanecerá aínda hoxe pechada ao tráfico rodado, segundo lembrouse desde o Concello.

Todas estas actuacións forman parte dun plan orzado pola administración local en 300.000 euros.

La Voz de Galicia.-

 

Reposición sumidoiros- Rúa P.Pérez Villamil.-

A rúa Pérez Villaamil pecharase ao tráfico

desde mañá até o domingo .

 Mércores, 08 de Agosto de 2012 00:00

redacción ferrol
 A rúa Pintor Pérez Villaamil -paralela á estrada de Castela e á altura do barrio de Recimil- permanecerá pechada ao tráfico rodado desde mañá até o vindeiro domingo, día 12. Así o anunciou o Concello de Ferrol, que explicou que a medida afectará  tan só a un tramo de viario, concretamente o comprendido entre as rúas Mosteiro de Monfero e  Ministro Patiño.

O goberno local ferrolán sinalou respecto diso que a medida responde á necesidade de executar unha intervención pendente nesta área. En concreto, desde a administración local  indicouse que se cortará o paso de vehículos na zona para así poder realizar unha serie de traballos correspondentes á reposición das reixas de rede de sumidoiros localizadas no tramo afectado polo corte de tráfico nos próximos días.
As estruturas que están actualmente colocadas no tramo atópanse deterioradas, tal como recoñeceuse desde o goberno local

Diario de Ferrol.-

FESUCO denunciada pola CIG

A CIG denuncia o despedimento dos

empregados de limpeza de Porta Nova .

 Martes, 17 de Xullo de 2012

c.r.c. ferrol.
A situación do centro comercial Porta Nova non mellorou desde hai quince días, cando os propietarios de establecementos comerciais do inmoble de propiedade municipal denunciaron a falta de limpeza das instalacións, tanto nos corredores como nos baños. As papeleiras cheas e desbordadas e o mal estado dos aseos, que levou ao seu peche ao público, paliáronse en parte polo labor dos comerciantes.

 Un deles procedeu particularmente a contratar a unha empresa para limpar a contorna do local.

 O Concello non tomou ningunha medida práctica dende entón, aínda que si levou a cabo un informe policial para redactar un expediente e, como anunciou o edil de Economía, Alejandro Langtry, exponse unha reunión cos comerciantes.  Entre tanto, a situación agrávase desde o punto de vista laboral, xa que, como denunciou onte a CIG,  despediuse a dous traballadores da empresa que se encargaba da limpeza -Ssigatty- e que estaba contratada pola que xestiona o centro comercial, Fesuco.

Onte concentráronse na contorna de Porta Nova os delegados da CIG en protesta por estes despedimentos, sinalando a Fesuco e ao Concello como os responsables desta situación.

Deste xeito, desde o sindicato denúncianse os incumprimentos da concesionaria da xestión do centro comercial "que debe uns 500.000 euros ao Concello" pero tamén a "pasividade e permisividade" do Concello, así como a falta de control e de eficacia para solucionar o problema.

A CIG informa de que Fesuco rescindiu o pasado 30 de xuño os contratos coa empresa de seguridade privada e de limpeza do centro comercial Porta Nova.

Así mesmo, asegura que a primeira, a pesar de levar cinco meses sen cobrar de Fesuco, continúa prestanto o servizo de seguridade pero a empresa de limpeza deixou de realizala, enviando aos seus traballadores primeiro de vacacións e posteriormente despedíndoos. A CIG denuncia, así mesmo que "casualmente SSigatty é unha empresa relacionada coa xerencia do centro comercial", é dicir, con Fesuco.

Desde CIG-Servizos pídese a readmisión inmediata dos traballadores así como que o Concello ferrolán proceda xa ao rescate da xestión do centro comercial así como á normalización do funcionamento das instalacións.

Diario de Ferrol.-