OBRAS ESTRADA CASTELA -BEIRARRÚAS

OBRAS - ESTRADA DE CASTELA

A Asociación Veciñal O Rosario- Inferniño, quere lembrar que este pasado mes de Setembro rexistramos unha queixa na casa do Concello de Ferrol denunciando a falta de dilixencia e seguimento das OBRAS da ESTADA DE CASTELA, advertindo da necesidade de corrixir aspectos que puideran perxudicar aos propietarios e comerciais.

Dende esta Asociación veciñal estimamos como moi positiva a renovación da Estrada de Castela e beirarrúas polo que supón unha considerable mellora nesta infraestrutura. Isto non significa que aprobemos o método de execución das obras nin consideramos que sexa a forma máis adecuada.

Se observan pola veciñanza deficiencias nas obras, polo que pedimos dos responsables municipais se realice un seguimento das obras polos técnicos municipais para efectuar as correccións que sexan necesarias.

Ante a proximidade do Nadal, solicitamos dos responsables de tráfico e seguridade a posta en marcha de dispositivos de tráfico puntuais en datas marcadas e horas punta coa finalidade de regular os pasos de peóns e tráfico rodado.

Na nosa reivindicación sempre estará a disposición e utilización dun transporte público de calidade, animando a veciñanza a usar estes recursos públicos.

Sempre demandamos a posta en marcha dun CARRIL-BICI con todas as garantías de seguridade para lograr unha maior implicación de uso deste medio de transporte para a nosa cidade.

Esta asociación pide que se atendan as reclamacións e queixas dos cidadáns que durante todos estes meses estivemos soportando unhas obras necesarias pero excesivamente prolongadas no tempo.

Dadas todas estas características e magnitude destas obras, pedimos ao Sr. Alcalde que realice todas as xestións políticas necesarias de coordinación entre todas as concellarías implicadas do Concello, Xunta de Galicia e empresas adxudicatarias para que empreguen máis recursos e esforzos co fin de acelerar a execución destas obras.

Ferrol, a 26 de Novembro de 2010.

A Presidenta / O Secretario

Ana J. LÓPEZ DÍAZ / Xosé M. SANXOÁN CAAMAÑO

• SR. ALCALDE –PRESIDENTE - CONCELLO DE FERROL.-

--
ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com
www : orosario-inferninho.blogspot.com

DESAPARICIÓN HUNIDAL -

O Rosario lamenta a desaparición

do humidal de Palco dás Ánimas

Mércores, 22 de Setembro.

A desaparición do humidal urbano de Palco das Ánimas coas obras que se están executando nesta zona con cargo ao Plan E supuxo para a Asociación Veciñal O Rosario do Inferniño unha decepción.

A entidade sostén que esta decisión contradí todas as recomendacións existentes nas diferentes normativas e tratados con respecto á conservación, rehabilitación e mantemento destes ecosistemas, unha visión que rexeita de plano o concelleiro de Urbanismo, Anxo Mato.

O edil nega que o que defende a entidade veciñal sexa un humidal, e ao contrario asegura que se trata de augas fecais, avalando a súa afirmación con varias análises que de forma reiterada puxeron de manifesto a mala calidade das augas. Mato sostén que estas proveñen dunha recollida da parte superior da vía e apunta que, coas obras que se están levando a cabo na zona de Palco das Ánimas, serán canalizadas e incorporadas á rede de saneamento.

O Rosario, pola súa banda, invita ao concelleiro a facer públicos os informes nos que se baseou para tomar a súa decisión e pon en dúbida que un humidal fecal poida conservar vida anfibia, aves e unha junquera.

Ibader -

A asociación conta cun estudo de Ibader (Instituto de Biodiversidade Agraria e ou Desenvolvemento Rural Galego) que recomenda a recuperación e rehabilitación deste humidal urbano, unha posibilidade que rexeita o Concello por entender que, coa canalización, esta zona na que Mato asegura que ata houbo "pragas de roedores", mellorará notablemente.

Pero as críticas do Rosario van máis aló da decisión concreta de eliminar leste "humidal", e esténdense aos últimos gobernos municipais, aos que considera verdadeiros responsables das "agresións" contra esta zona, entre elas "recheos malintencionados a pesar das nosas denuncias".

Tamén denuncian a actitude da Asociación de Vecinos do Ensanche A, á que acusan de impulsar a desaparición desta zona.

Diario de Ferrol.-

Denuncia vandalismo -

A Asociación Veciñal O Rosario- Inferniño, queremos DENUNCIAR uns actos de VANDALISMO cometidos durante a madrugada deste Sábado-18 contra o LOCAL da Avda. de Viveiro –parada de Taxis de propiedade municipal e destinado a funciónssociais.

Foi pateado ata romper os cristais de entrada, segundo testemuñas presenciais que relacionan estes feitos coa chegada do servizo de NOITEBUS.

Esta Asociación ven denunciando que nos últimos tempos se está atentando con bastante frecuencia contra o mobiliario, prazas publicas, vehículos...etc, polo que pedimos aos responsables políticos que apliquen as medidas necesarias para evitar estes actos vandálicos.

Solicitamos a COLABORACIÓN CIDADÁ para que denuncien ou informen destes actos intolerables realizados por unha minoría que intenta alterar a boa veciñanza da cidadanía.

Neste caso concreto pedimos ao Goberno Local que poña a correspondente denuncia e investigación co fin de esclarecer e pedir posibles responsabilidades e súa reparación.

Ferrol, a 18 de Setembro de 2010.

Asdo. Ana J. López – Presidenta / asdo. Xosé M.Sanxoán - Secretario

-------------------------------------------------------

Desparicion HUMIDAL

A Asociación Veciñal O Rosario- Inferniño, queremos amosar nosa decepción, ante a comunicación e confirmación do goberno local de suprimir o Humidal no Parque Urbano do Palco das Ánimas.

Comunicamos ao Concelleiro de Urbanismo noso total desacordo pola supresión do HUMIDAL e manifestamos o noso rexeitamento por esta decisión que desoe e contradí todas as recomendacións existentes nas diferentes normativas e tratados respecto a conservación, rehabilitación ou mantemento destes HUMIDAIS.

O Concelleiro de Uranismo alega o mal estado de súas augas polo que supoñemos debese referir as ultimas semanas xa que non entendemos que un humidal fecal poida conservar vida anfibia, aves e xunqueira.

Estes informes preferimos que se fagan públicos.

Nosas críticas van dirixidas aos dous últimos gobernos do PP e PSOE por ser os verdadeiros responsables das agresións que padeceu este HUMIDAL que sufriu reiteradamente recheos malintencionados a pesar de nosas denuncias.

Tamén nos referimos nas nosas críticas á outra asociación veciñal do Ensanche, onde despois de demandar pistas de futbol-7 ou pista de skate-board neste Parque Urbano, agora impulsa de forma deplorable a desaparición deste HUMIDAL, indo contra a normativa medio ambiental.

Presentamos reiteradamente nosas demandas e un INFORME do IBADER, onde recomendaba a posibilidade de recuperar e rehabilitar este HUMIDAL URBANO, supoñendo un luxo dispor deste espazo como complemento do PARQUE URBANO do INFERNIÑO.

Lembramos que os diferentes tratados e normativas obrigan as distintas administracións, incluíndo a local, a se responsabilizar e protexer estes espazos naturais con medidas de protección e actuacións preventivas para a súa conservación.

Amosamos un pequeno texto da normativa europea, que di:

Tratado de Funcionamento da Unión Europea (versión consolidada Diario Oficial das Unión Europea 09/05/2008), desenvolve no seu título XX estes aspectos, considerando que a política da Unión no ámbito do medio ambiente terá como obxectivo alcanzar un nivel de protección elevado, tendo presente a diversidade de situacións existentes nas distintas rexións da Unión. Basearase nos principios de cautela e de acción preventiva, no principio de corrección dos atentados ao medio ambiente, preferentemente na fonte mesma, e no principio de quen contamina paga.

Esta Asociación veciñal tratou sempre de recuperar e impulsar este HUMIDAL por todos os medios, así que LAMENTAMOS a súa DESAPARICIÓN.

Ferrol, a 14 de Setembro de 2010.

A PRESIDENTA / O SECRETARIO

Asdo. Ana Jesús DIAZ LOPEZ - / - Asdo. Xosé M. SANXOÁN CAAMAÑO

OBRAS BEIRARRÚAS- ESTRADA DE CASTELA

A Asociación Veciñal O Rosario- Inferniño, expresamos a nosa queixa e preocupación polo resultado das OBRAS nas beirarrúas da ESTRADA DE CASTELA, o cal comprobamos como as beirarrúas quedaron ao mesmo nivel que as entradas de varios locais comerciais e portais dos veciños representando un serio perigo de inundacións en tempos de choivas.

Nos preguntamos como podo suceder este contratempo e falta de previsións dos responsables políticos que deberían realizar un seguimento técnico nestas obras.

Os responsables do goberno local teñen que entender das serias inconveniencias que este problema pode xerar nos locais comerciais e veciñ@s desta zona do Inferniño.

Ante estas queixas veciñais queremos saber que iniciativas e xestións vai emprender o Concello para ofrecer unha eficaz solución co fin de resolver este problema.

Ferrol, a 8 de Setembro de 2010.

A Presidenta O Secretario

Ana J. LÓPEZ DÍAZ / Xosé M. SANXOÁN

-SR. ALCALDE –PRESIDENTE CONCELLO DE FERROL.-

- SR. CONCELLEIRO URBANISMO.-

- SR. CONCELLEIRO OBRAS.-

------------------------------------------------------------------

Diario de Ferrol.-

Denuncian inundacións en locais da estrada

de Castela como consecuencia das Obras.

Xoves, 09 de Setembro de 2010.

A Asociación de Vecinos O Rosario do Inferniño e un grupo de cidadáns dirixíronse ao Concello para expresar a súa preocupación pola forma en que se están desenvolvendo as obras da estrada de Castela.

A entidade veciñal refírese, concretamente, ás beirarrúas, das que di que non quedaron ao mesmo nivel que as entradas a varios locais comerciais e portais, o que supón, ao seu xuízo, un grave perigo de inundacións en época de choivas.

O Rosario achaca esta situación á falta de seguimento das obras por parte dos responsables políticos e esixe que se adopten iniciativas e xestións para ofrecer unha solución eficaz que resolva o problema.

Pola súa banda, un grupo de veciños entregou no Concello un escrito no que tamén denuncian inundacións en varios baixos da estrada de Castela. Este colectivo fai referencia ás críticas formuladas pola oposición en relación coas obras e ao silencio do goberno local respecto diso, pero tamén á falta de iniciativa das AAVV para denunciar esta situación.

Os afectados inclúen tamén no escrito unha chamada de atención pola ausencia da Policía Local da zona da estrada de Castela e, neste sentido, aseguran que non se respectan os sinais de tráfico.

Como informamos, a Asociación de Empresarios Ferrolterra entregou o pasado martes ao Concello, a Xunta e representantes da empresa construtora un informe que enumera unha serie de deficiencias detectadas nas obras da estrada de Castela, que financia a administración autonómica.

CINE-NOITE - PRAZA DO INFERNIÑO

A Asociación Veciñal O Rosario- Inferniño, en colaboración coa Concellaría de Cultura do Concello de Ferrol e a Deputación d´a CORUÑA, informamos que mañá, VENRES-10, a partir das 9 h. da noite, haberá un pase de cine na Praza do INFERNIÑO como parte do programa de NOITECINE.

A peli desta sesión de cine será "EL LINCE PERDIDO ", película de animación ganadora dun GOYA, cuxo argumento xira sobre as aventuras dun Lince Ibérico no centro de recuperación do Parque de Doñana, que enfrontarase a un cazador a soldo dun millonario sen escrúpulos.

Esperdamos as familias e nenos/as coas merendas-ceas, bocatas, palomitas caseiras nunha peli de 102 minutos e tolerada para todos os públicos.

Saúdos veciñais.

- A Xunta directiva.

ESTUDIO SOCIO- ECONOMICO DAS FAMILIAS GALEGAS.-

Ferrol ten os ingresos por fogar máis baixos das cidades galegas e é a segunda en taxa de pobreza

Mércores, 01 de Setembro de 2010
redacción > ferrol
O Instituto Galego de Estatística acaba de presentar a súa Enquisa de Condicións de Vida das Familias que ofrece datos relevantes da poboación galega no que se refire a situación demográfica, económica e gastos principais.
O número medio de persoas por fogar é de 2,67 membros e o 20,70% deles están integrados exclusivamente por persoas de 65 anos ou máis.
No caso de Ferrol, esta porcentaxe elévase até o 24,95%. Ademais, o 75,01% dos mozos galegos de entre 18 e 29 anos viven cos seus pais.

Polo que se refire aos ingresos, a media galega é de 2.029 euros mensuais por fogar, unha cantidade que sobe até os 2.152 euros no global da provincia da Coruña pero que baixa até os 1.983 euros no caso de Ferrol. De feito, estes ingresos son os máis baixos de todas as cidades galegas, xa que o resto superan o dous mil euros ao mes.
Tampouco alcanza esta cifra a media das comarcas de Ferrol, Eume e Ortegal, que é lixeiramente superior á da cidade naval tomada de maneira illada (sobe até os 1.992 euros mensuais). As comarcas da Coruña e Santiago son as que presentan maiores ingresos, mentres que os máis baixos rexístranse nas zonas do Carballiño-O Ribeiro e o sur de Ourense.

Segundo os datos da Enquisa de Condicións de Vida das Familias, tendo en conta a súa poboación, os fogares ferroláns deberían contar cuns ingresos de 2.279 euros, que é a media das cidades de máis de 50.000 habitantes, entre as que se sitúa a naval.
A enquisa pon de manifesto que a maioría dos fogares galegos teñen problemas para chegar a fin de mes (o 47,63% faio con dificultade e o 10,95% con moita dificultade).

Polo que se refire á cohesión social, a taxa de risco de pobreza está no 13,88% en Galicia, o que mellora os datos españois que, aínda que provisionais, sitúana no 19,5%.
O limiar de pobreza na Comunidade está nuns ingresos de 609,48 euros por fogar unipersonal, fronte aos 646,11 de España.

En o caso de Ferrol, a taxa de risco de pobreza é practicamente igual á media galega, un 13,39%. É a segunda máis alta das cidades de Galicia, só por detrás de Ourense, onde esta porcentaxe sobe até o 16,25%.
Os datos da comarca melloran os do municipio ferrolán considerado aisladamente, pois a taxa de pobreza baixa até un 11,60%, das máis baixas de Galicia. Neste caso volve ser o sur de Ourense a zona con peores resultados, mentres que as mellores son as comarcas da Coruña e Lugo oriental.

Por tamaño dos municipios, os de máis de 50.000 habitantes teñen unha media de taxa de pobreza do 11,09%, máis baixa que a que se rexistra en Ferrol. Son os municipios de menos de dez mil habitantes os que se atopan en peor situación, cunha media de 18,37% de veciños en situación de pobreza.

A media do gasto galego en hipotecas é de 462,07 euros ao mes e supón un 20,73% dos ingresos familiares.
En Ferrol, con todo, esta cantidade diminúe até os 393,60 euros, aínda que a incidencia sobre os ingresos é maior, xa que este concepto leva o 26,95% do diñeiro que perciben mensualmente os fogares.
De feito, a pesar de que o gasto en hipoteca é o máis baixo das cidades galegas, só en Lugo supón unha porcentaxe maior dos ingresos familiares que en Ferrol.
En canto ao aluguer, a media galega é de 278,69 euros, pero en Ferrol baixa até 163,48, o máis baixo das cidades.
Unha vez máis, con todo, a incidencia sobre os ingresos é das maiores, un 13,17%.

Diario de Ferrol.-

Rectificación Aparcadoiro Parque Urbano

A Asociación Veciñal O Rosario- Inferniño, expresamos a nosa satisfacción pola decisión do goberno en rectificar na construción do anunciado APARCAMENTO no PARQUE URBANO do Inferniño - Palco das Animas.

Ante o anuncio de construír ,no seu día, un APARCADOIRO dentro do PARQUE URBANO, achegamos ao Goberno Local as nosas queixas xa que considerabamos unha incongruencia totalmente INCOMPATIBLE cun ESPAZO VERDE.

A comunicación do Concelleiro de Urbanismo confirmando esta rectificación a valoramos como unha acción positiva que vai en beneficio do Parque Urbano e unha mellora para a veciñanza.

Demandamos do Goberno o seu firme compromiso e dilixencia para o cumprimento dos prazos marcados nas Obras deste Parque Urbano, Rúa Alcalde Usero e a Estrada de Castela as cales apoiamos co fin de conseguir esta maior humanización.

Ferrol, a 30 de Agosto de 2010.

A PRESIDENTA / O SECRETARIO

Asdo. Ana Jesús DIAZ LOPEZ - Asdo. Xosé M. SANXOÁN CAAMAÑO

BANCADAS - MOBILIARIO.

Esta Asociación veciñal O Rosario-Inferniño pide aos responsables locais a reposición e implantación de máis bancos nos arredores da Praza do Inferniño.

Esta petición foi realizada por usuarias e veciñas deste barrio que desfrutan deste lugar polo que facemos súas a peticións e trasladamos ao goberno local co fin de incorporar varias bancadas nas inmediacións da Praza do Inferniño.

Así mesmo queremos demandar a necesidade de máis mobiliario urbano nesta zona de esparcemento, dada a cantidade de persoas que dan vida e uso a esta Praza.

Noutro orde de cousas, esta Asociación queremos lembrar as nosas demandas de renovar a denominación galega do rueiro do barrio respectando a toponimia galega.

Ferrol, a 19 de agosto de 2010.

asdo. Xosé M. Sanxoán - Secretario

asdo. Ana Jesús López - Presidenta

DISPARIDADE DE OPINIÓNS MEDIO AMBIENTAIS.-

As entidades veciñais do Ensanche

enfróntanse polas obras do parque urbano.

Domingo, 08 de Agosto de 2010

A actuación que o Concello de Ferrol acomete na zona que circunda o pavillón polideportivo do Ensanche para convertela nun parque urbano está enfrontando ás dúas agrupacións veciñais do lugar, a AVV do Ensanche A e O Rosario-Inferniño.

Así, a pesar de que as obras responden a unha demanda de anos dos veciños, desde O Rosario asegúrase que estas fixeron desaparecer o humidal do lugar, o que considera un "atentado ambiental". Ademais, esta asociación insiste nas súas críticas ao proxecto por contemplar a construción dun aparcadoiro na confluencia da rúa Seselle con Río Xubia, unha infraestrutura que considera incompatible cunha área de esparcemento.

Con todo, para a AVV do Ensanche A, maioritaria no barrio, un atentado ambiental sería manter unha charca infecta, como cualifica o humidal, que "afortunadamente desapareceu", engade. Así mesmo, esta asociación considera fundamental o parking previsto e recorda que o goberno municipal en todo momento mantivo aos veciños ao corrente do proxecto.

Unha intervención na que se investirán case 700.000 euros con cargo ao Plan E de 2010, o que a converte nunha das máis ambiciosas deste programa.

O parque urbano dotará ao Ensanche de máis de 100.00 metros cadrados de zona verde.

Diario de Ferrol.-

DENUNCIA ATENTADO MEDIOAMBIENTAL CONTRA O HUMIDAL.-

A asociación veciñal denuncia a desaparición

do humidal do parque urbano do Inferniño.

A asociación veciñal O Rosario- Inferniño denuncia por parte do Concello a realización de «un atentado ambiental ao soterrar e facer desaparecer o humidal no Parque Urbano» do Inferniño.

Tamén reiteran as súas queixas por «a construción dun aparcamento neste parque urbano na confluencia da Rúa Seselle con Río Xuvia por considerala incompatible» cunha área de esparcemento.

A agrupación recorda ao Concello que existe un informe do Instituto da Biodiversidade da Universidade de Santiago «onde fai constar as recomendacións de rehabilitar» este espazo.

Este documento sinala: «O humidal urbano do Ensanche representa a oportunidade de recuperar un ecosistema ameazado de desaparición».

La Voz de Galicia.-

VISITA CONCELLEIROS URBANISMO ; MEDIO AMBIENTE- MERCADOS ; OBRAS

VISITA CONCELLEIROS AO BARRIO DO INFERNIÑO

Este pasado día 22 de xuño, mantivemos unha xuntanza cos concelleiros de Urbanismo, Obras e Servizos -Mercados, Medio Ambiente.

Recibimos información do inicio das Obras do PARQUE URBANO do INFERNIÑO (PU-14), que comezarán nos vindeiros días.

Esta obra é produto da insistente reivindicación desta Asociación Veciñal, cando presetamos este proxecto na última campaña electoral municipal .

Temos que manifestar a nosa satisfación pola cometida desta obra que significa unha constante demanda para acometer por fin esta obra necesaria para desenvolver este Parque Urbano. Non obstante amosamos nosa protesta en canto a cosntrución dun aparcamento dentro deste Parque , o cal para nós non ten sentido esta actuación en medio dunha zona verde.

Expresamos a nosa satisfación por comezar nos vindeiros días a segunda fase das obras da Rúa Alcalde Usero ate a Praza do Inferniño.
Tamén expresamos nosas esperanzas de principiar as obras de acondicionamento do futuro e pequeno local da avda. de Viveiro, parada de taxis.

Salientamos a nosas reivindicacións de acometer unha actuación integral da PRAZA DO INFERNIÑO, en canto ao traslado do Palco da Música, bancos novos, un enlousado arredor da zona central da Praza, papeleiras entroutras melloras.

Esta Asociación Veciñal O Rosario- Inferniño, queremos aclarar varias cuestións en relación da xestión do Feirón do Inferniño, entendendo que as concellarías de Facenda, Mercados, Seguridade cidadá, Sanidade chegaron ao compromiso de RESCATAR A XESTIÓN E COBRAMENTO deste feirón do Inferniño, relevando destas funcións a A. VV. Ensanche A.

Queremos manifestar que nosas continuadas reivindicacións, en canto a xestión e cobramento deste Feirón do Inferniño están inspiradas na normativa e Ordenanza reguladora de venda ambulante no concello de Ferrol, aprobada polo Pleno do Concello de Ferrol o día 25 de xaneiro de 2001, e publicado no DOP de data 1 de Marzo de 2001.

Dita normativa establece que o Concello de Ferrol será o único responsable de controlar, fiscalizar, conceder licenzas, autorizar os postos de venda ambulante na vía pública e correspondéndolle o Concello de Ferrol o exercicio de todas estas competencias, así mesmo fixará as TAXAS que terán que aboar polo exercicio da actividade en Dominio Público.

Será o concello quen controle as persoas autorizadas a realizar a venda ambulante, previa Alta de Seguridade Social, estar ao día nas obrigas fiscais ou Facenda Pública, Póliza de responsabilidade civil, cumprimento nos requisitos sanitarios, rexistro de comerciantes ambulantes do Concello de Ferrol e a definitiva AUTORIZACIÓN MUNICIPAL.

Esta TARXETA, conterá a foto e identidade do Titular, modalidade de comercio ambulante e tipo de venda autorizada, selo do negociado de Sanidade, Consumo e Mercados mediante a exposición pública e visible dunha TARXETA.

A Asociación veciñal O Rosario Inferniño, non comparte estas declaracións e facemos un chamamento para que os responsables competentes ASUMAN AS SÚAS COMPETENCIAS e RESPONSABILIDADES.

Se os responsables municipais “CEDEN” ESTA COMPETENCIAS A ENTIDADES PRIVADAS, estamos nun claro exemplo de abandono de funcións e clientelismo populista.

Unha vez máis esta Asociación Veciñal pide ao Concello que se explique con claridade e exerza as súas funcións nesta cuestión.

Por todo isto:

1 .- Esiximos o cumprimento da normativa e Ordenanza en vigor.

2 .- RESCATAR na súa totalidade a XESTIÓN deste Feirón do Inferniño.

3 .- Realizar por parte do concello o COBRAMENTO das TAXAS, segundo a normativa fiscal.
4 .- Investigar e fiscalizar os ingresos cobrados pola A.VV. Ensanche A durante estes últimos 11 anos mediante a comprobación e presentación de memorias económicas, ingresos e gastos. Entendemos que estes ingresos pertencen ao pobo de Ferrol.

5 .- Continuando co punto anterior, pedimos un informe económico sobre a aplicacións da normativa fiscal deste Feirón do Inferniño nos últimos 11 anos.

6 .- Os CARTEIS informativos deste Feirón deben contemplar lendas de publicidade referidas as concellarías competentes do Concello de Ferrol.

7 .- Propoñemos que a realizacións deste FEIRÓN do INFERNIÑO, sexa rotatorio por trimestres nas diversas prazas públicas como son a Praza da Ilustración e Praza de España.

- A Xunta Directiva.

OPOSICIÓN PIDE CAMBIOS APARCAMENTO NO PARQUE URBANO

A oposición esixe ao goberno local que cambie

o proxecto do Palco das Ánimas.

Sábado, 26 de Xuño de 2010

david ruibal garcía

O goberno de Vicente Irisarri terá que reformularse o proxecto de parque urbano do Palco dás Ánimas, no Ensanche A, despois de que no pleno ordinario do pasado xoves saíse adiante unha moción conxunta de Partido Popular (PP) e Independentes por Ferrol (IF) que demanda cambios na urbanización proposta.

A iniciativa contou co respaldo de Bloque Nacionalista Galego (BNG) e Esquerda Unida (EU), deixando só ao grupo de goberno (PSOE), contrario a cambios nunha actuación que foi adxudicada o pasado 10 de maio e que se iniciará o luns ou o martes da próxima semana, segundo anunciou onte o concelleiro de Urbanismo, Anxo Mato.

O Parque urbano Palco das Ánimas é unha das intervencións que acometerá ao longo deste ano o Concello con cargo ao segundo Plan E do Goberno central. Da realización das obras, cun prazo de execución de nove meses, encargarase a empresa Comsa S.A. a mesma que fixo as da praza de España e a urbanización do Bertón e nelas investirase un total de 543.000 euros.

As modificacións a esta actuación que expón os grupos da oposición pasan por que se desestime a construción dun novo aparcadoiro tal e como está proxectado. No seu lugar, queren que se manteña o existente, construído polo Concello en 2006 e que consideran que está en perfecto estado de conservación, sen descartar a ampliación deste se é preciso.

A moción de PP e IF, secundada por BNG e EU, tamén reclama que se elimine o muro de formigón proxectado ao longo dunha parte importante do perímetro exterior que circunda o pavillón deportivo e que se inclúa unha zona de estacionamento en liña na rúa Inferniño, onde desaparecerían os aparcadoiros que hai actualmente.

O responsable das políticas urbanísticas do Concello indicou onte que o executivo solicitará á empresa que redactou o proxecto Consultores de Medio Ambiente e Desenvolvemento S.L, que analice a viabilidade técnica das propostas da oposición, a condición de que a obra non sufra o máis mínimo atraso, engadiu.

Nesta liña, Mato indicou que o acordo plenario non levará paralizar o inicio das obras o luns ou o martes da próxima semana, e reprochou á oposición o feito de que xusto cando están a piques de arrincar as obras póñanse problemas a un proxecto que leva moito tempo encima da mesa.

Así mesmo, indicou que a supresión de aparcadoiros na rúa Inferniño para convertela nunha vía dun único sentido de circulación responde á planificación contemplada no Plan de Mobilidade do Concello.

Para rematar, o titular de Urbanismo recordou que o parque urbano do Palco das Ánimas é unha actuación que demandan desde fai anos os veciños do Ensanche, e que esta é un compromiso incluído no programa de goberno do PSOE.

Diario de Ferrol.-

O CONCELLO XESTIONARÁ E COBRARÁ O FEIRON DO INFERNIÑO.

O Concello asume a xestión do feirón do


Inferniño e o cobro polos postos de venda.

Domingo, 13 de Xuño de 2010.

Con certo retraso sobre as previsións iniciais primeiro barallouse como data xaneiro, o Concello de Ferrol asumiu a xestión do feirón do Inferniño o pasado mes de maio.

Esta era a data de referencia facilitada en marzo polos concelleiros Ramón Veloso e Rafael Fernández Beceiro.

Resólvese así un conflito entre as dúas asociacións de veciños do barrio, a do Ensanche A que se ocupaba desta tarefa e a Asociación Veciñal do Rosario-Inferniño, que viña esixindo reiteradamente que fose o Concello o que se ocupase de organizar esta actividade mercantil, vixiando o cumprimento da normativa e cobrando pola instalación dos postos.

O concelleiro responsable da área de Mercados, Rafael Fernández Beceiro, asegurou que na primeira semana de xestión municipal, onte afrontouse a segunda, non se produciron problemas os aparcadoiros sobre as beirarrúas, que era un dos aspectos máis denunciados, foron practicamente inexistentes e expresou o seu desexo de que non se rexistren novos incidentes, á vez que anunciou que se porán os medios oportunos para que non se invadan as beirarrúas.

Novo padrón-

A asunción destas tarefas por parte do Concello trouxo consigo tamén un novo padrón de vendedores e unha recolocación dos postos que, en principio, non supuxeron problema algún.

Precisamente o cambio de situación dos distintos espazos de venda fíxose para reducir o impacto destes no tráfico e para favorecer a mobilidade na zona.

Na actualidade, o censo de vendedores reduciuse de máis dun centenar a ao redor de sesenta, aínda que desde o negociado de Mercados informouse de que se están producindo novas incorporacións.

A normativa aplicable aos mercadillos establece, así mesmo, que o cobro das taxas realícese de xeito anticipado, algo que tamén se está cumprindo, afrontando os vendedores un pago trimestral en lugar de abonar a tarifa directamente á AVV do Ensanche A como se facía cando se ocupaba de recadar o diñeiro a entidade veciñal

O importe dun posto no mercadillo é de dous euros por metro e día, o mesmo fixado para a feira da cidade a que se celebra unha vez ao mes entre o Cantón e Ferrol Vello e o mercadillo de Recimil e o cobro realízase trimestralmente.

O feirón do Ensanche naceu fai once anos, precisamente a iniciativa da Asociación de Vecinos do Ensanche A e co obxectivo de revitalizar o barrio.

Con todo, a entidade veciñal O Rosario-Inferniño, que circunscribe o seu ámbito de actuación á zona do Inferniño, fixo deste mercadillo un cabalo de batalla, por entender que o seu funcionamento distaba moito de ser o adecuado.

Diario de Ferrol.-

LETRAS GALEGAS

Música Folk

Letras Galegas-2010

Este Venres-21, 21 de maio, un ano máis continuamos coa celelebración das LETRAS GALEGAS-2010.

Despois da participación da veciñanza nesta lectura en galego, pasamos a esta actuación de música Folk-Galega.

Para rematar esta lectura en galego, pasamos a escoitar unha magnífica actuación de Musica Folk a cargo do grupo " ALÉN DE ANCOS" no Palco da Música para ledicia dos asistentes.

Saúdos veciñais e ate o vinderio ano.

A Directiva.-

LETRAS GALEGAS - 2010

Letras Galegas - 2010

A Asociación Veciñal O Rosario- Inferniño, celebra unha vez máis ás Letras Galegas deste ano 2010 cunha lectura en galego, impartida pola veciñanza e unha actuación de música folc do grupo "Alén de Ancos" ao aire libre, Palco da Música.

Varios nenos e nenas participaron nesta lectura galega con temas de autores galegos.

Nosa veciña e poeta Aurora Varela nos acompañou nesta lectura que amablemente participa nestes ultimos anos para celebrar as nosas letras, onde este homenaxeamos ao Poeta Uxío Novoneyra.

Varias e nenos ensaian as súas lecturas...

A presidenta, Ana Jesús López., non podía faltar...

Había bastante animación e compromiso infantil na lectura...

A responsable cultural desta Asociación Veciñal, Merce, tamén participa na lectura.

Continuamos reivindicando que para o vindeiro ano se celebre as Letras 2011 para o ilustre catedrático de lingua galega D. Ricardo Carvalho Calero.

LETRAS GALEGAS-2010 - LECTURA E MUSICA FOLC.-

LECTURA EN GALEGO

A Asociación Veciñal O ROSARIO -INFERNIÑO, convida a cidadanía para celebrar as LETRAS GALEGAS-2010 no PALCO DA MÚSICA da PRAZA DO INFERNIÑO, este VENRES-21 a partir das 6 h. da tarde.

CONVIDAMOS a realizar unha LECTURA EN GALEGO de 2 ou 3 minutos co fin de participar o maior numero de persoas posible.

Animamos aos PEQUENOS/AS , amigos/as e familiares a unha lectura galega.

MUSICA FOLC - GALEGA

Contaremos coa actuación de Música-folc- galega do grupo musical "ALÉN DE ANCOS" a partir das 7,30 horas da tarde.

Saúdos veciñais.

- A Directiva .-

REXEITAMENTO DUN APARCAMENTO PARQUE URBANO

PARQUE URBANO- INFERNIÑO.

Palco das Animas.

NON ao Aparcamento.

A Xunta directiva deste BARRIO DO INFERNIÑO, mantivemos unha xuntanza co Concelleiro de Urbanismo para coñecer polo miúdo o proxecto do PARQUE URBANO do INFERNIÑO.

Queremos manifestar a nosa sorpresa e decepción ao contemplar a construción dun APARCAMENTO dentro deste PARQUE URBANO-PU-14, na confluencia da Rúa Río Xubia con Rúa Seselle.

A Xunta directiva amosa a súa decepción ao considerar este APARCADOIRO totalmente incompatible cunha area verde, recreativa e ecolóxica.

Lembramos que este proxecto foi impulsado por esta asociación na pasada campaña electoral para a consecución dun verdadeiro PARQUE URBANO, pensado para impulsar unha ZONA VERDE necesaria nesta parte do BARRIO DO INFERIÑO.

Esta Asociación Veciñal, REXEITAMOS esta parte do proxecto, polo que pedimos unha MODIFICACIÓN e a total SUPRESIÓN de construír este aparcadoiro co fin de conseguir un verdadeiro PARQUE URBANO, respectando e impulsando o HUMIDAL do lugar.

Ferrol, a 29 de Abril de 2010.

- A Directiva

--
ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com
www : orosario-inferninho.blogspot.com

CONTROL DE POMBAS, GAIVOTAS, ESTORNINOS.

Medio Ambiente activa a campaña integral de

control poboacional de gaivotas e pombas .

· O goberno local anuncia a posta en marcha dunha liña telefónica cidadá para solicitar a revisión de tellados.
>

· Un equipo formado por ornitólogos e biólogos elaborarán un censo e retirarán os niños con custe cero para os veciños

Ferrol, 21 de abril de 2010.-
O Concello de Ferrol, a través da Concellería de Medio Ambiente, vén de anunciar a posta en marcha da campaña integral de control poboacional de gaivota patiamarela, do estornino pinto e da pomba doméstica. Unha campaña que se inicia dende xa coa posta a disposición dos ferroláns do teléfono 981.94.41.60 e que precisa de xeito fundamental da implicación directa da cidadanía para o seu éxito, polo que o edil de área, Rafael Fernández Beceiro, aproveitou a oportunidade para facer un chamamento neste senso e animar a toda a veciñanza a alertar telefonicamente da existencia dos nidos.

Un equipo multidisciplinar da empresa Locus Avis levará a cabo o plan estratéxico, no que a supervisión correrá a cargo dun biólogo e a execución, de ornitólogos. As accións son moi concretas: elaboración dun censo poboacional; creación dun servizo de atención cidadá e un control de nidificación. Nesta liña, apuntou que a campaña do 2009 se pechou coa revisión duns 880 tellados e unhas 288 solicitudes veciñais reclamando este servizo.

O goberno local xustificou a necesidade de activar a campaña, gratuíta para os cidadáns, nos problemas e molestias que lle acarrea á poboación de Ferrol a presencia destas tres aves, así como pola súa irrupción en lugares ata o dagora vetados como era o entorno urbano. Explica que esas molestias veñen xeradas polo excesivo ruído das aves no periodo reproductor; en malos olores; no deterioro nos materiais de construcción sobre os que se instalan, ou na perda de imaxe para a cidade, na que edificios de importante valor histórico-artístico e patrimonial son ocupados especialmente por gaivotas.

Detectados os problemas, o goberno local apunta que os obxectivos marcados están claros: minimizar as molestias; atender aos cidadáns que realicen denuncias á concellería que dirixe, dándolles a solución máis adecuada en cada momento, e informar con rigor á opinión pública dos traballos que se estean a realizar en cada momento ao abeiro do dito plan.

Para conseguilos, o responsable de Medio Ambiente do Concello de Ferrol desgranou polo miúdo as accións específicas incluídas no proxecto. En primeiro lugar, elaboraráse un censo poboacional durante a época actual de cría. Localizaránse os lugares de nidificación no casco urbano, mediante o conteo directo de individuos dende puntos elevados da cidade. E, á información obtida, se lle sumará a recabada mediante as denuncias cidadás realizadas á concellería. Para facer efectiva a participación dos veciños e veciñas de Ferrol, Rafael Fernández Beceiro anunciou que se habilita, dende hoxe mesmo, un número de teléfono para este fin: 981.944.160 (en horario de 9 a 14 horas).

Unha vez recibidas as denuncias cidadás, os técnicos encargados do control poboacional se porán en contacto cos afectados para informarlles das posibles solucións ao problema e se concertará o antes posible unha visita ao inmoble. Nos casos máis comúns de molestias causadas por gaivotas, os técnicos en manexo de fauna desenvolverán nos domicilios as labores que permitan pór fin ou minimizar a causa que as produce. Especialmente, localizar os nidos e retiralos.

Por último e durante o control da nidificación, que temporalmente se desenvolve entre maio e agosto, os técnicos acudirán aos tellados onde se reciban denuncias da presenza de aves, así como a aqueles outros que non sendo denunciados vía municipal se constate ou sospeite tal extremo. Así as cousas, coa información da localización de edificios se pasará á acción concreta.

Para concluír, o concelleiro reclamou a colaboración cidadá para levar a cabo a campaña de xeito satisfactorio e destacou a problemática que pode causar a superpoboación de gaivotas na cidade naval: suciedade, tellados en mal estado e mesmo riscos sociosanitarios. Problemática que se pode atallar coa adopción de medidas como a retirada dos niños, dos ovos ou das crías presentes neles.

ferrol.es