Xerencia centro comercial

---

 

Unha asesoría asume a xerencia

do centro comercial Porta Nova

até que se licite o contrato.

LORENA ROMERO FERROL |

 Actualizado 09 Marzo 2013 -

acceso principal ao centro comercial localizado no inferniño j. m.
                                         

O centro comercial Porta Nova, localizado na zona do Inferniño, conta desde onte cunha xerencia renovada. Unha persoa comezou a exercer o cargo de modo provisional, segundo indicouse desde o Concello, tras entregar as chaves os responsables da empresa adxudicataria do concurso de xestión das instalacións, Ferrolterra Superficies Comerciais SL (Fesuco).

 

O goberno local deixou en mans dunha asesoría a xerencia de Porta Nova até o momento en que se proceda a licitar novamente tanto a xestión como as instalacións do centro. A finais do ano pasado o equipo de Rei Varela esperaba os resultados dunha auditoría externa para proceder a elaborar o prego polo que se rexerá o novo contrato da xestión do mencionado centro comercial.

 

Persoal que traballa no edificio asegurou que a entrega das chaves, un trámite ao que se deu luz verde no pleno do pasado mes de decembro, tivo lugar onte ao nove da mañá. Tratouse dunha substitución que prevían os empregados dalgunhas empresas asentadas en Porta Nova, que nos últimos días viron como algúns operarios saían do centro con material da anterior adxudicataria.

 

O Concello decidiu a mediados de decembro do ano pasado rescatar a concesión das instalacións, unha proposta que contou co ditame favorable do Consello Consultivo de Galicia e que se adoptou tras entrar a empresa Fesuco nun proceso concursal voluntario.

 

A compañía chegou a deber ao Concello medio millón de euros e mesmo demandou ao goberno local unha indemnización polo rescate das instalacións comerciais, unha proposta que rexeitou desde un principio o Concello.

Diario de Ferrol.-
 

--
ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com
www : orosario-inferninho.blogspot.com