Acondicionan a beirarrúa para o pintado do paso de peóns onde se produciu un atropelo.
Martes, 29 de Novembro de 2011.
Redacción >ferrol
Os veciños dos dous Ensanches ferroláns verán en breve como unha das súas demandas convértese en realidade. Trátase do pintado e a adaptación da beirarrúa para un paso de peóns na estrada de Castela á altura da rúa Perú.
O proxecto de humanización da estrada de Castela, que executa a Xunta de Galicia, non contemplaba este paso, co que si se contaba antes do inicio das obras. Trátase dunha zona moi transitada, sobre todo desde a apertura da rúa Perú, e próxima a paradas de autobús, ademais de servir de vínculo entre o Inferniño-Ensanche A e a zona de Ultramar. Ambas asociacións de veciños (A.V.Ultramar e A.V. O Rosario-Inferniño)demandaron o seu pintado e a advertencia do perigo quedou máis que demostraba cun recente atropelo na zona.
Desde a área de Urbanismo do Concello instouse á Xunta para que se recuperase este paso de peóns, unha actuación que foi aceptada desde o organismo autonómico e, deste xeito, onte mesmo comezaron os traballos de adaptación e recorte da beirarrúa recentemente construída para eliminar a barreira arquitectónica que supuña o bordo.
Posteriormente, procederase ao pintado do paso de peóns, algo que tamén se está levando a cabo estes días noutros puntos do viario, como últimas actuacións da obra de reforma da estrada de Castela.
Diario de Ferrol.-
.jpg)
No hay comentarios:
Publicar un comentario