Crítica ao Concelleiro de OBRAS

FERROL
O Rosario critica ao edil de Obras por non informar sobre actuacións no barrio.
A Asociación O Rosario-Inferniño dirixiuse por escrito ao concelleiro delegado de Obras, Manuel Bustabad, para amosar a súa "sorpresa" polas últimas informacións relativas a novos planos de actuación no barrio do Ensanche. Neste sentido, desde a entidade afírmase que Bustabad comprometeuse cos directivos de dita agrupación a convocalos para dar conta das intervencións que se fosen a levar a cabo nesta zona da cidade, considerando, xa que logo, que o edil faltou á súa promesa.
Precisamente para falar sobre este asunto, O Rosario solicitou unha reunión co concelleiro da area de Obras.
REDACCIÓN >FERROL
Rolda de prensa >
Por outra banda, a asociación convoca unha rolda de prensa, que se celebrará hoxe ás 11.30 horas na praza do Inferniño, para denunciar o "lamentable estado" das beirarrúas, as prazas e parques do barrio. Devandita protesta responde a un acordo adoptado na pasada Asemblea de socios, na que tamén se decidiu iniciar unha serie de accións reivindicativas para que o goberno local preste atención e atenda as necesidades do Ensanche, "malia non ser ou centro de Ferrol". Para O Rosario, nestes catro anos de mandato, os responsables municipais non exerceron políticas activas e sociais nas prazas e parques desta zona.