Conclusións da Asemblea Veciñal do pasado 1 de febreiro 2007

ASEMBLEA DE BARRIO – 1 Febr-07

CONCLUSIONS -

A Asociación Veciñal O ROSARIO-INFERNIÑO, informa que como resultado da ASEMBLEA DE BARRIO celebrada o pasado día 1 de Febreiro no Centro cultural Municipal CARVALHO CALERO, acordamos as seguintes ,

CONCLUSIÓNS :

1 .- Rexeitar o EDIFICIO da Praza de España- Praza de Porta Nova que o Goberno local nos quere impoñer e mesmo “legalizar” este sen sentido que significará a destrución dunha PRAZA EMBLEMATICA DAS CIDADES DE GALICIA.

2 .- MANIFESTAR a nosa SOLIDARIEDADE E COMPRENSION coa veciñanza de AFECTADOS DA PRAZA DE SARTAÑA.

3 .- Expresar noso malestar como veciños/as e usuarios, da mala xestión, control e abandono do CENTRO COMERCIAL e APARCAMENTO DE PORTA NOVA , solicitando do goberno local, dende a súa RESPONSABILIDADE, esixa as empresas CONCESIONARIAS as obrigas de cumprir o PREGO DE CONDICIÓNS e a plena explotación comercial .

4 .- PARQUE URBANO INFERNIÑO .- Ante a DENUNCIA PUBLICA de nosa Asociación Veciñal O ROSARIO- INFERNIÑO , A ASEMBLEA DE BARRIO , REPROBA ao Concelleiro de Deportes e a Asociación Ensanche A, unha vez máis,( os mesmos do episodio SKATE-BOARD, FUTBOL 7, que paralizamos cos veciños afectados) a actuación deste departamento que estivo “descargando” 25 camións de terra no Palco de Animas a escondidas de Urbanismo, sen PROXECTO, sen autorización e sen LICENZA DE URBANISMO, segundo nos comunica o propio Concelleiro Guillermo Evia, o cal abre EXPEDIENTE.

DEMANDAMOS DO ALCLADE que tería que poñer ORDE entre os seus concelleiros – Delegados, xa que nos encontramos que unha Concellaría de Urbanismo EXPEDIENTA AO C. DE DEPORTES, co APLAUSO PUBLICO da Asociación de Veciños Ensanche A, co deficiente pretexto de adecentar este lugar sen proxectos, estudos técnicos, sabendo que a zona pode ser O FUTURO GRANDE PARQUE URBANO DO INFERNIÑO

O PROXECTO da Asociación Veciñal O Rosario- Inferniño é o DESENVOLVEMENTO, XA TARDIO, do contemplado no Plan Xeral de Ordenación e a CONSECUCION dun GRANDE PARQUE URBANO de toda a zona, preto da vía do tren ate a zona de San Xoán, CONVOCANDO UN CONCURSO DE IDEAS en colectivos profesionais de Arquitectos, Urbanistas e Colectivos Sociais.

Comunicamos que este PROXECTO presentouse ao Concelleiro de Urbanismo , aplaude a iniciativa ademais de nos informar que a zona de Animas con Rúa Seselle está en período de Expropiación .

Presentamos ao Concelleiro de Medio Ambiente a recuperación do HUMIDAL NATURAL que existe, quen manifesta súa aprobación dun espazo natural digno de especial atención, facendo mutuas xestións co Instituto de Medio Ambiente da Universidade de Santiago para asesoramento .

Tamén informamos que o PROXECTO xa está dentro do COLEXIO DE ARQUITECTOS para o seu debate e a espera dun concurso do Concello.

ESTE PROXECTO, causa grande interese na cidadanía que APROBA de xeito unánime .

A XUNTA DIRECTIVA, AGRADECE AOS VECIÑOS/AS QUE PARTICIPAN NESTAS ASEMBLEAS DE BARRIO, QUE SERVEN PARA DEFINIR E DESENVOLVER O BARRIO DO INFERNIÑO, ENTENDENDO QUE TODAVIA QUEDA MOITO POR FACER.

Ferrol a 7 de Febreiro de 2007.
Asdo. Pedro Cachaza – Secretario / asdo. Xosé M. Sanxoán - Presidente