Outro Peche Biblioteca Municipal Inferniño.-

                     BIBLIOTECA INFERNIÑO –

             C.C. MUNICIPAL CARVALHO CALERO

 

      A Xunta directiva desta Asociación Veciñal O Rosario- Inferniño, denunciamos, unha vez máis, os continuos PECHES da BIBLIOTECA  do Centro Cultural Municipal CARVALHO CALERO.

 

    Expresamos a nosa queixa e decepción ante a falta de dilixencia e resposta municipal cara a un bo funcionamento de apertura diaria da BIBLIOTECA do Centro Cultural Municipal CARVALHO CALERO, sabendo que se trata dun tema sensible de máxima prioridade cultural e lugar de estudo e consulta para estudantes.

 

              Parécenos moi grave a falta de resposta das concellarías municipais de Cultura e  

        Persoal ante a obriga de dar solución a este servizo co fin de que a cidadanía poda usar 

        este referente cultural.

     

   Esta Xunta directiva da A. Veciñal O Rosario –Inferniño, reivindica a APERTURA PERMANETE  da BIBLIOTECA, ampliando horarios de fin de semana e poder facilitar este servizo aos estudantes e lectores/as en xeral.

Por todo isto, pedimos a APERTURA da BIBLIOTECA MUNICIPAL do INFERNIÑO, acompañadas de medidas de asignación de persoal cualificado e permanente para atender estas instalacións culturais.

 

Ferrol, a 13 de Xaneiro de 2015.-

 

- A directiva .-

--