- BIBLIOTECA INFERNIÑO –
C.C. MUNICIPAL CARVALHO CALERO
A Xunta directiva desta Asociación Veciñal O Rosario- Inferniño, expresamos a nosa preocupación de novo, polo anunciado PECHE PROVISIONAL ata "nova orde" desta BIBLIOTECA MUNICIPAL do Centro Cultural Municipal CARVALHO CALERO.
Esta nova queixa responde a falta de dilixencia e resposta municipal cara a un bo funcionamento e apertura diaria da BIBLIOTECA do Centro Cultural Municipal CARVALHO CALERO, sabendo que se trata dun tema sensible de máxima prioridade cultural e sobre todo lugar de estudo e consulta para os/as estudantes e lectura da cidadanía.
Continuaremos denunciando a falta de implicación do goberno local con este centro da Cultura ante a ausencia dunha Programación Cultural, estable e permanente os fins de semana.
Esta A. Veciñal O Rosario –Inferniño, reivindica a APERTURA PERMANETE da BIBLIOTECA con horarios de fin de semana e poder facilitar este servizo aos estudantes e lectores/as.
Por todo isto, esiximos se dea a máxima PRIORIDADE Á INMEDIATA APERTURA DESTA BIBLIOTECA MUNICIPAL polo que pediremos unha entrevista co Concelleiro de Cultura co obxecto de dar solución a este reincidente problema que presenta os peches desta Biblioteca e posibilitar unha programación cultural a este Salón de Actos,
Ferrol, a 16 de Xaneiro de 2014
- A directiva.-
--
No hay comentarios:
Publicar un comentario