Ferrol
- La Voz de Galicia.-
As estradas de Castela e Catabois pasan
a mans do Concello de Ferrol
O Consello da Xunta aprobou hoxe o cambio de titularidade de ambas as vías
Escrito por:
R.P.P.
FERROL 12 de decembro de 2013 18:10 GMT
O Consello da Xunta aprobou na súa reunión de hoxe o decreto polo que as estradas de Castela e a de Catabois pasan a ser de titularidade do Concello de Ferrol. Entre ambas suman uns 5,6 quilómetros, integrados no núcleo urbano da cidade, nos que se investiron uns 8,1 millóns de euros para a súa reurbanización, mediante un convenio entre a Consellería de Medio Ambiente, Territorio e Infraestruturas e o Concello ferrolán.
A entrega das vías formalizarase no prazo dos dous meses seguintes á publicación deste decreto no «Diario Oficial de Galicia». Ademais, deberá asinarse unha acta de entrega e a partir dese momento, o Concello deberá incorporar estas vías ao seu plan de estradas e asumir o seu mantemento.
As vías transferidas son a AC-862 (estrada de Castela) entre os puntos quilómetros do 0 ao 1,580; a antiga C-646 (Ortigueira a Ferrol por Cedeira) en 2,97 quilómetros e a estrada Catabois-Valdoviño (AC-116) do punto ki´ométrico cero ao 1,030.
- La Voz de Galicia.-
--
No hay comentarios:
Publicar un comentario