Prensa -Asemblea Praza de España-Porta Nova- 14 maio-

 

Opositores as obras na Praza de España anuncian a súa asistencia ao Pleno e a recollida de máis sinaturas.

LORENA ROMERO FERROL |

Actualizado 15 Maio 2013 - 

                                

un momento da reunión celebrada na tarde de onte - Jorge Meis.                                                 

 

 

Os diferentes colectivos que se opoñen ao novo proxecto de obras na Praza de España acordaron onte acudir ao pleno municipal do próximo día 30 para mostrar o seu rexeitamento ao investimento previsto -de 812.000 euros- e retomar a campaña de recollida de firmas para lograr unha consulta popular -teñen un milleiro pero necesitan 1.036-. Así o anunciaron onte no transcurso dunha asemblea que reuniu no salón de actos da Escola Oficial de Idiomas a medio centenar de persoas. Entre os presentes, representantes do PSOE, EU e BNG, así como de diferentes entidades veciñais e sociais do municipio.

 Na reunión, o edil socialista Jaime Pena ofreceu a posibilidade de presentar unha moción no pleno do día 30, conxuntamente cos grupos da oposición, solicitando que se destine o diñeiro á rehabilitación de vivendas de Recimil. A proposta permitiría, tal como lembrouse, que algún dos membros do colectivo que se opón ás obras interviñese na sesión. Pero finalmente a iniciativa non levará a cabo. E é precisamente o destino deses 812.000 euros uno dos puntos nos que non coinciden os diferentes colectivos que se opoñen aos traballos proxectados na praza, que apuntaron onte diferentes prioridades en materia de investimento. No que si coincidiu o colectivo é en paralizar "como sexa" os traballos na praza.

 O representante da entidade veciñal de Santa Mariña incidiu en que "o Concello é de todos os veciños, non dos que gobernan, e temos que esixir democracia participativa e non permitir que os orzamentos o fagan os catro iluminados que o fan hoxe". Á súa intervención seguiu a da parlamentaria socialista Paloma Rodríguez, que apuntou á necesidade de realizar unha lista de prioridades por barrios e entregala no Concello, para expor alternativas ás obras na praza de España.

 Na asemblea de onte lembrouse o traballo desinteresado que realizan colectivos como Acción Directa de Recuperación de Espazos Públicos, que defendeu a idea de instar ao Concello a contratar cuadrillas formadas por desempregados do municipio para realizar os traballos que se executan na cidade. "Hai que pasar á acción porque a desobediencia civil é o único que lle afecta a esta xente", defendían tamén os participantes na convocatoria, algúns dos cales aludían á posibilidade de buscar asesoramento legal para tratar de frear o proxecto. "Este alcalde só quere deixar a súa firma na praza de España", asegurou un dos asistentes.

 Plantación de especies en macetas a cargo dos veciños, escraches ou peches no Concello foron tamén algunhas das propostas formuladas onte pero que, polo menos polo momento, non se materializarán.

Polo momento, o goberno local xa adxudicou á UTE formada por Extraco e Prace Servizos e Obras SA a intervención, que se prevé executar en seis meses.

 

 

 

Diario de Ferrol.-