LETRAS GALEGAS-2010 - LECTURA E MUSICA FOLC.-

LECTURA EN GALEGO

A Asociación Veciñal O ROSARIO -INFERNIÑO, convida a cidadanía para celebrar as LETRAS GALEGAS-2010 no PALCO DA MÚSICA da PRAZA DO INFERNIÑO, este VENRES-21 a partir das 6 h. da tarde.

CONVIDAMOS a realizar unha LECTURA EN GALEGO de 2 ou 3 minutos co fin de participar o maior numero de persoas posible.

Animamos aos PEQUENOS/AS , amigos/as e familiares a unha lectura galega.

MUSICA FOLC - GALEGA

Contaremos coa actuación de Música-folc- galega do grupo musical "ALÉN DE ANCOS" a partir das 7,30 horas da tarde.

Saúdos veciñais.

- A Directiva .-

REXEITAMENTO DUN APARCAMENTO PARQUE URBANO

PARQUE URBANO- INFERNIÑO.

Palco das Animas.

NON ao Aparcamento.

A Xunta directiva deste BARRIO DO INFERNIÑO, mantivemos unha xuntanza co Concelleiro de Urbanismo para coñecer polo miúdo o proxecto do PARQUE URBANO do INFERNIÑO.

Queremos manifestar a nosa sorpresa e decepción ao contemplar a construción dun APARCAMENTO dentro deste PARQUE URBANO-PU-14, na confluencia da Rúa Río Xubia con Rúa Seselle.

A Xunta directiva amosa a súa decepción ao considerar este APARCADOIRO totalmente incompatible cunha area verde, recreativa e ecolóxica.

Lembramos que este proxecto foi impulsado por esta asociación na pasada campaña electoral para a consecución dun verdadeiro PARQUE URBANO, pensado para impulsar unha ZONA VERDE necesaria nesta parte do BARRIO DO INFERIÑO.

Esta Asociación Veciñal, REXEITAMOS esta parte do proxecto, polo que pedimos unha MODIFICACIÓN e a total SUPRESIÓN de construír este aparcadoiro co fin de conseguir un verdadeiro PARQUE URBANO, respectando e impulsando o HUMIDAL do lugar.

Ferrol, a 29 de Abril de 2010.

- A Directiva

--
ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com
www : orosario-inferninho.blogspot.com

CONTROL DE POMBAS, GAIVOTAS, ESTORNINOS.

Medio Ambiente activa a campaña integral de

control poboacional de gaivotas e pombas .

· O goberno local anuncia a posta en marcha dunha liña telefónica cidadá para solicitar a revisión de tellados.
>

· Un equipo formado por ornitólogos e biólogos elaborarán un censo e retirarán os niños con custe cero para os veciños

Ferrol, 21 de abril de 2010.-
O Concello de Ferrol, a través da Concellería de Medio Ambiente, vén de anunciar a posta en marcha da campaña integral de control poboacional de gaivota patiamarela, do estornino pinto e da pomba doméstica. Unha campaña que se inicia dende xa coa posta a disposición dos ferroláns do teléfono 981.94.41.60 e que precisa de xeito fundamental da implicación directa da cidadanía para o seu éxito, polo que o edil de área, Rafael Fernández Beceiro, aproveitou a oportunidade para facer un chamamento neste senso e animar a toda a veciñanza a alertar telefonicamente da existencia dos nidos.

Un equipo multidisciplinar da empresa Locus Avis levará a cabo o plan estratéxico, no que a supervisión correrá a cargo dun biólogo e a execución, de ornitólogos. As accións son moi concretas: elaboración dun censo poboacional; creación dun servizo de atención cidadá e un control de nidificación. Nesta liña, apuntou que a campaña do 2009 se pechou coa revisión duns 880 tellados e unhas 288 solicitudes veciñais reclamando este servizo.

O goberno local xustificou a necesidade de activar a campaña, gratuíta para os cidadáns, nos problemas e molestias que lle acarrea á poboación de Ferrol a presencia destas tres aves, así como pola súa irrupción en lugares ata o dagora vetados como era o entorno urbano. Explica que esas molestias veñen xeradas polo excesivo ruído das aves no periodo reproductor; en malos olores; no deterioro nos materiais de construcción sobre os que se instalan, ou na perda de imaxe para a cidade, na que edificios de importante valor histórico-artístico e patrimonial son ocupados especialmente por gaivotas.

Detectados os problemas, o goberno local apunta que os obxectivos marcados están claros: minimizar as molestias; atender aos cidadáns que realicen denuncias á concellería que dirixe, dándolles a solución máis adecuada en cada momento, e informar con rigor á opinión pública dos traballos que se estean a realizar en cada momento ao abeiro do dito plan.

Para conseguilos, o responsable de Medio Ambiente do Concello de Ferrol desgranou polo miúdo as accións específicas incluídas no proxecto. En primeiro lugar, elaboraráse un censo poboacional durante a época actual de cría. Localizaránse os lugares de nidificación no casco urbano, mediante o conteo directo de individuos dende puntos elevados da cidade. E, á información obtida, se lle sumará a recabada mediante as denuncias cidadás realizadas á concellería. Para facer efectiva a participación dos veciños e veciñas de Ferrol, Rafael Fernández Beceiro anunciou que se habilita, dende hoxe mesmo, un número de teléfono para este fin: 981.944.160 (en horario de 9 a 14 horas).

Unha vez recibidas as denuncias cidadás, os técnicos encargados do control poboacional se porán en contacto cos afectados para informarlles das posibles solucións ao problema e se concertará o antes posible unha visita ao inmoble. Nos casos máis comúns de molestias causadas por gaivotas, os técnicos en manexo de fauna desenvolverán nos domicilios as labores que permitan pór fin ou minimizar a causa que as produce. Especialmente, localizar os nidos e retiralos.

Por último e durante o control da nidificación, que temporalmente se desenvolve entre maio e agosto, os técnicos acudirán aos tellados onde se reciban denuncias da presenza de aves, así como a aqueles outros que non sendo denunciados vía municipal se constate ou sospeite tal extremo. Así as cousas, coa información da localización de edificios se pasará á acción concreta.

Para concluír, o concelleiro reclamou a colaboración cidadá para levar a cabo a campaña de xeito satisfactorio e destacou a problemática que pode causar a superpoboación de gaivotas na cidade naval: suciedade, tellados en mal estado e mesmo riscos sociosanitarios. Problemática que se pode atallar coa adopción de medidas como a retirada dos niños, dos ovos ou das crías presentes neles.

ferrol.es

ESTUDO DA DECLARACIÓN DO BARRIO DO INFERNIÑO.

A Xunta directiva desta Asociación veciñal O Rosario- Inferniño, presentou no REXISTRO MUNICIPAL un escrito dirixido ao Sr. Alcalde para o inicio dun estudo ou informe co fin de realizar unha DECLARACIÓN formal do BARRIO DO INFERNIÑO.

Requerimos unha actitude seria e rigorosa no estudio dun informe que recoñeza esta situación ao marxe de que se poida compartir espazos comprendidos de Participación Cidadá, Asembleas de Barrio ou programas culturais para esta zona.

Esperamos que non se faga un INFORME de ASOCIACIÓNS VECIÑAIS, senon confirmar unha realidade social deste barrio do Inferniño na Parroquia do Rosario.

Existe, de facto, esta realidade recoñecida por parte da veciñanza da zona do Inferniño que comprende desde Avda. da Paz até Rúa Manuel Belando, onde convive realidades propias da parroquia do Rosario, cunha poboación ampla, numerosa e consolidada dende hai 50 anos.

O Concelleiro de Participación Cidadá está informado para iniciar os trámites oportunos o cal confiamos o inicio este expediente o cal realizaremos as aportacións necesarias e o seu seguimento.

Contimuaremos reclamando esta reivindicación por que entendemos que non se pode obviar esta realidade social do Inferniño.

---------------------------------------------------------

DECLARACIÓN DO INFERNIÑO COMO BARRIO.

A Xunta directiva desta Asociación Veciñal O Rosario- Inferniño, solicitamos ao Concello de Ferrol o inicio informe para unha futura DECLARACIÓN desta parroquia do Rosario como BARRIO do INFERNIÑO.

Analizadas as distintas singularidades e antecedentes desta zona, afirmamos que esta parroquia do Rosario ten a suficiente ENTIDADE e IDENTIDADE para ser recoñecido como BARRIO do INFERNIÑO.

Como todos sabemos a partir da segunda metade do século XX, a cidade de Ferrol foi crecendo fora de Porta Nova, actual Praza de España, xurdindo o que agora se coñece como Ensanche A, onde a veciñanza se foi organizando co nacemento de dúas PARROQUIAS; SAN PEDRO e O ROSARIO.

Sabemos polos historiadores que a Parroquia foi implantada dende a chegada dos Suevos a Galiza como unha unidade territorial de marcada importancia e gran tradición.

Lembramos que a Confederación Galega de Asociación Veciñais de Galicia (COGAVE), aprobou unha resolución na súa Asemblea Xeral celebrada en Pontevedra no 2003, onde recoñecía a relación de Parroquia e Barrio sen caer en ningunha connotación relixiosa.


Nosa pretensión consiste en que O Inferniño debe ter a consideración de Barrio co fin de elixir, decidir ou reivindicar o seu futuro nas relacións sociais e culturais, dende a perspectiva da solidariedade co máis absoluto respecto da legalidade.

SOLICITAMOS ;

Que en base a todos estes argumentos o Goberno Municipal realice todos os estudos necesarios para realizar unha DECLARACIÓN FORMAL DA PARROQUIA DO ROSARIO COMO BARRIO D´O INFERNIÑO.





Ferrol, a 12 de Abril de 2010.


A Presidenta O Secretario



Asdo. Ana J. LÓPEZ DÍAZ asdo. Xosé M. SANXOÁN CAAMAÑO




- ALCALDE- PRESIDENTE CONCELLO DE FERROL.-

COMUNICADOS FEIRÓN INFERNIÑO.

NOTA DE PRENSA

Asociación Veciñal O Rosario.-Inferniño, informamos que no ultimo Feirón do Inferniño do pasado sábado, estivemos repartindo un COMUNICADO, explicando a nosa satisfacción motivada ao RESCATE da XESTIÓN e COBRAMENTO deste Feirón por parte do Goberno Municipal.

Denunciamos que durante o transcurso do Feirón, que certos rumorosos estaban especulando aos feirantes e comerciantes sobre a posibilidade de que a nosa Asociación ía facerse cargo deste Feirón e cobramento das taxas, incluso que iamos incrementalas.

Esta Asociación do BARRIO do INFERNIÑO, DESMINTE tales infamias e calumnias polo que NEGA e REXEITA estas especulacións mal- intencionadas.

Debemos lembrar que estas competencias corresponden única e exclusivamente ao Concello de Ferrol por ser competencia municipal.

Debemos manifestar que a nosa asociación non se lle ocorre realizar un cobramento destas taxas ou merced pola realización dunha actividade comercial nun ESPAZO DE DOMINIO PÚBLICO. Debemos entender que as Asociacións veciñais son entidades sen ánimo de lucro, que colaboran e axudan a desenvolver un barrio, pero nunca deben extralimitarse nas súas funcións ou usurpar as competencias municipais.

Incidimos que non forma parte de noso ideario nin é noso estilo ir cobrando polos postos dos feirantes e comerciantes, enviando esta mensaxe de tranquilidade aos nosos/as socios/as e veciñanza deste BARRIO DO INFERNIÑO de que xamais caeremos en semellantes baixezas.

Para rematar, queremos denunciar que neste último feirón non se respectaron os acordos alcanzados cos Concelleir@s responsables e incumprimentos da Ordenanza Municipal deste Feirón.

Ferrol. a 13 de Abril de 2010.

- - - - - - - - - - - - - - - - - - - - - - - - - - - - - - - - - - - - - - - - - -

C O M U N I C A D O

- A Asociación Veciñal O Rosario- inferniño, expresamos nosa satisfacción pola decisión do Goberno Municipal en RESCATAR a XESTIÓN e COBRAMENTO das TAXAS deste FEIRÓN DO INFERNIÑO a partir do vindeiro mes de Maio.

- Levamos máis de 4 anos reivindicando a mala – nula xestión do Feirón por parte da A.VV. Ensanche A, permitindo de forma permanente a ocupación das beirarrúas e accesos a Praza do Inferniño por máis de 50 -60 vehículos.

- Denunciamos que unha entidade sen animo de lucro como a A.VV. Ensanche A, realice o COBRAMENTO das TAXAS municipais aos feirantes o que consideramos nunha actividade comercial nun Espazo de DOMINIO PÚBLICO.

- Esta Asociación Veciñal O Rosario- Inferniño, ten o compromiso do Goberno Local de manter unha patrulla de Policía municipal permanente e a posta en marcha nun futuro inmediato da TARXETA IDENTIFICATIVA dos postos, indicando o tipo de venda, mercadoría, foto propietario e sinatura concellaría municipal.
De non contar con as garantías sanitarias e seguridade, pediremos a disolución deste Feirón.

- Continuaremos reivindicando o cumprimento da Ordenanza Municipal Mercados, co fin de preservar todas as garantías de calidade, sanitarias e unha óptima xestión ao servizo dos usuarios/as.


Ferrol , a 10 de Abril de 2010.


- A XUNTA DIRECTIVA .-

MANIFESTACIÓN EN DEFENSA DA SANIDADE PÚBLICA.-

Ferrol Luns 12 de Abril de 2010

Miles de persoas maniféstanse contra

a privatización do sistema sanitario.

Os asistentes á manifestación, ao seu paso pola Rúa María.

REDACCIÓN > FERROL

Unhas dez mil persoas segundo a organización e cinco mil segundo a Policía Local de Ferrol, secundaron onte a manifestación convocada pola Plataforma pola Defensa da Sanidade Pública, en contra da privatización sanitaria.

Pasadas as doce do mediodía o colectivo partiu da praza de España cara a Rúa María para chegar a Amboage e incorporarse á rúa Real, finalizando o percorrido na praza de Armas, unha hora e media despois.

Foi neste último punto onde o portavoz da plataforma en Ferrol, Miguel López, leu o manifesto redactado para a ocasión.

Un total de 43 entidades, entre elas, asociacións culturais, veciñais, sociosanitarias, partidos políticos, sindicatos e Xunta de Persoal da área Sanitaria de Ferrol, apoian á Plataforma ferrolá.

Á convocatoria asistiron varios rexedores locais, entre eles, os de Ferrol, Fene e Ares (PSOE) e Mugardos (BNG).

O texto aludiu inicialmente á redución de orzamentos en materia sanitaria e tamén á falla de compromiso coa Área Sanitaria de Ferrol por parte da Consellería de Sanidade.

Agradecendo a asistencia a cantos secundaron a convocatoria da Plataforma, López incidiu en que a sanidade pública é unha conquista da cidadanía, non foi un agasallo de ninguén, con defectos que hai que corrixir, como as listas de espera. Mostrando a súa oposición a que a Xunta "converta a saúde nun negocio que beneficie a empresas construtoras e aseguradoras, bancos, e mesmo a farmacéuticas", o colectivo reclamou o seu dereito á protección da saúde, recollido na Constitución.

A Plataforma alerta de que o modelo que se pretende trasladar a Galicia xa fracasou noutros puntos da comunidade española, como Madrid e Valencia, e en países como Reino Unido.

En España implantouse nunha época de bonanza económica, o que vén demostrar, segundo a Plataforma, "que é unha medida absolutamente política de aposta por un modelo fracasado e que non ten absolutamente nada que ver coa crise económica".

A Plataforma en Defensa da Sanidade Pública de Ferrol acusa a Núñez Feijóo de "non aprender dos seus erros" e incide na necesidade de apostar por establecer un modelo "cada vez máis público, máis universal, e que dea cobertura a máis persoas".

En Galicia, afirma o colectivo "estase indo xusto non sentido contrario, e vaise cara a privatización de servizos, a precarización e a redución do emprego, como xa sucede en Madrid".

Así mesmo, no manifesto laméntase a redución, por parte da Xunta, de 36 millóns de euros no orzamento da Consellería de Sanidade, "o que vai impedir que se poidan ofertar novos servizos, mellorar os existentes e incrementar os cadros de persoal".

No que respecta ao Área Sanitaria de Ferrol, a Plataforma apunta á desaparición de case unha trintena de prazas de médicos, pediatras, enfermeiros e fisioterapeutas que xa estaban orzadas no 2009 para a zona. Ademais, preguntan polas 458 prazas de Primaria anunciadas en Galicia e denuncian o incremento de acordos con hospitais e clínicas privadas, citando como exemplo o caso do hospital Povisa, en Vigo, que recibe 72 millóns de euros anuais.

A falta de aplicación do decreto de incompatibilidades -cuxas consecuencias en Ferrol consideran "escandalosas"-, a parálise de proxectos que se ían a acometer tras a incorporación ao Sergas do Hospital Naval, a falta de investimentos en Alta Tecnoloxía para Ferrol este ano e as cada vez maiores listas de espera son outras das críticas formuladas pola Plataforma en Defensa pola Sanidade Pública.

O colectivo demandou un centro de referencia de enfermidades profesionais na comarca, un aumento do orzamento de Sanidade e maior control do gasto farmacéutico.

Ademais, acusou á Xunta de "querer converter a saúde nun negocio" e fixo un chamamento á sociedade para secundar as mobilizacións que, en diante, convóquense para evitar a privatización da sanidade.

Diario de Ferrol.-

FUTURO PARQUE URBANO.-

O Palco dás Ánimas converterase

no maior pulmón verde do Ensanche.

O novo parque sufragarase con 680.000 euros do Plan E

e incluirá a plantación dun centenar de árbores.

Autor:
Rocío Pita Parada

Un investimento de máis de 680.000 euros transformará o Palco de Ánimas no novo pulmón do centro urbano de Ferrol e na zona verde máis ampla do Ensanche A.

A ambiciosa actuación exposta polo Concello de Ferrol pretende acabar coa deterioración e abandono da zona que circunda o pavillón polideportivo e que se estende desde a rúa Río Xubia ata as vías do ferrocarril.

E farao cunha reforma integral que inclúe a plantación dun centenar de árbores, a urbanización da contorna e a explanación de novas superficies de estancia, paseo e aparcadoiro.

A actuación sufragarase con fondos do Plan E e por iso, prográmase a actuación para este ano.

De feito, o proxecto está xa redactado e o proceso administrativo para a contratación está xa en marcha.
O proxecto executarase sobre unha superficie de 15.395 metros cadrados que supón o 90% dos terreos incluídos no plan xeral de ordenación municipal dentro do ámbito de actuación Palco das Ánimas. Segundo explicou o concelleiro de Urbanismo, Ángel Mato, a parte restante quedará para unha segunda fase. «Actuarase naquela superficie na que temos dispoñibles os terreos», sinalou.
A actuación tamén servirá para aplicar un cambio radical no urbanismo das rúas que delimitan esta contorna. Segundo o plan, a rúa Río Xubia, no tramo comprendido entre as rúas Illas Gabeiras e Seselle, converterase nunha avenida arboredo que trazará o frontal do parque. E a rúa Inferniño, nun bulevar.

Na mazá máis próxima ao pavillón, de escasas presenza comercial, esta vía conta con once vados permanentes de acceso a garaxes. «Desaparecerá o aparcadoiro desta rúa e xerarase unha zona verde moi importante», describe Mato.

A circulación rodada neste tramo limitarase ás entradas aos garaxes e aos transportes de urxencias.

Para evitar a diminución de estacionamento nunha actuación que, seguindo os criterios do Plan de Mobilidad, primará ao peón sobre os vehículos, habilitará un novo estacionamento, con firme de celosía de formigón e céspede, no propio parque e integrado visualmente cun muro perimetral vexetal.
A superficie será apta, ademais, para acoller actividades deportivas exteriores.

Ademais, proxéctase continuar a rúa río Sil, actualmente interrompida.

Unha senda peonil rodeará a parte traseira do pavillón e escaleiras e ramplas salvarán os numerosos desniveis da zona

-----------------------------------------------------------------------------------


Unha gran superficie só apta

para mascotas e cascallos

A degradación actual do espazo

O Palco de Ánimas de hoxe é moi distinto do que se deseña sobre o papel e que debería ser unha realidade a principios do próximo ano.

A superficie do futuro parque resúmese nun espazo amplo e abandonado, onde a herba crece por aquelas zonas nas que o barro non lle gañou o espazo. As árbores brillan pola súa ausencia.

E o mobiliario urbano. Nin un triste banco nin unha papeleira. Nada que poida contribuír a facer máis confortable un espazo inhóspito que só gozan os cans que, acompañados polos seus amos, saen a diario a pasear... e a depositar os seus excrementos.

A maleza recubre o exterior do pavillón.

A súa sucidade e degradación invita a converter a zona nun vertedoiro ilegal, onde ocasionalmente se depositan cascallos de obra.

Os plans de reforma inclúen a recuperación da superficie parcialmente alagada na que crece vexetación de humidal.

Poucas persoas acoden xa a este lugar. Nin rastro da concorrencia que cada fin de semana utilizaban aquela atalaia cuxo elevación permitía que moitos racinguistas seguisen gratuitamente cada fin de semana as evolucións do equipo da cidade no campo do Inferniño, unhas almas ás que a zona debe a súa bautizo como Palco dás Ánimas.

Os vehículos sortean fochancas e fochas nas rúas lindeiras a un pavillón polideportivo utilizado por escolas deportivas e clubs, cuxa afluencia por picos impulsa aos condutores a botarlle imaxinación e a desafiar ás multas á hora de aparcar.

--------------------------------------------------------



A actuación poderíase desenvolver

en medio ano.

O novo parque podería ser unha realidade este mesmo ano.

O prazo de execución estimado inicialmente é duns oito meses, aínda que o proxecto de reforma inclúe un cronograma de traballos que podería rebaixar ese tempo ata o medio ano.

Dependerá das melloras achegadas polas empresas que concorran, e que teñen de prazo ata hoxe para presentar as súas ofertas por rexistro.

Mato explicou que o proxecto se deseñou tras un estudo de seguimento do plan xeral, do 2008, no que concluía que existía un déficit de xeración de espazos libres e dotacionais na cidade, e especialmente nos ensanches.

A actuación proposta suplirá esa carencia cun espazo cheo de vexetación, que incluirá nove bancos e nove papeleiras.

La Voz de Galicia.-

RESCATE DA XESTION - FEIRÓN INFERNIÑO.-

O feirón mensual do Inferniño pasará

a ser de xestión municipal a partir de maio

O Concello de Ferrol farase cargo a partir do mes de maio da xestión do feirón mensual do Inferniño, do que ata agora se ocupa a asociación de veciños do Ensanche A.

Este labor foi duramente criticada en distintas ocasións pola asociación veciñal do Rosario-Inferniño, que reclamaba que a xestión fose municipal e denunciou incumprimentos da ordenanza que rexe a venda ambulante en Ferrol.

Desta forma, segundo o Concello «regularízase» un mercadillo que naceu hai once anos por iniciativa da entidade veciñal do Ensanche A e a petición dun grupo de vendedores ambulantes para revitalizar a actividade económica e social no barrio.

O goberno municipal ten previsto aplicar unha nova redistribución dos postos existentes, de maneira que entorpezan o menos posible o tráfico e o estacionamento. Así mesmo, elaborouse un novo censo co que incorporarán uns 40 postos aos 130 xa existentes.

La Voz de Galicia.-

- - - - - - - - - - - - - - - - - - - - - - - - - - - - - - - - - - - - - - - - -

Mércores 31 de Marzo de 2010

O Concello asumirá a xestión do

feirón do Inferniño desde o mes de maio

redacción >ferrol

Os concelleiros de Facenda, Ramón Veloso, e Mercados, Rafael Fernández, informaron onte de que a partir do mes de maio o Concello asumirá a xestión do feirón do Inferniño, que se celebra cada segundo sábado de mes.

Deste xeito, coa colaboración da entidade veciñal regularízase a xestión deste mercadillo, que naceu fai once anos pola iniciativa da AVV Ensanche A e dos vendedores ambulantes como vía para revitalizar a zona.

Agora, como explicou Rafael Fernández, faise necesario actualizar a situación e, coa axuda da entidade, distribuiranse en abril circulares para informar dos cambios. Así, o goberno levará a cabo unha redistribución dos postos existentes, intentando diminuír o impacto destes no tráfico e a mobilidade da zona.

Así mesmo, xa se elaborou un novo censo e a día de hoxe iniciarán esta nova andaina uns 40 postos dos máis de 130 que operaban ata agora.

O Concello tamén asumirá o cobro das taxas.

Diario de Ferrol.-

ESTUDOS NATALIDADE NA AREA DE FERROL

Ferrol Domingo 21 de Marzo de 2010

As persoas de 32 anos son o colectivo

máis numeroso na cidade

A natalidade descendeu á metade desde os anos 70

Jorge meis reportaxe de P.R.C.

Se vostede ten 32 anos de idade ha de saber que pertence ao colectivo de persoas máis numeroso de Ferrol, con 1.170 cidadáns.

O grupo de idade máis abundante na cidade naval é, segundo os datos do Instituto Galego de Estatística, o comprendido entre os 16 e os 64 anos, é dicir, o de poboación adulta (48.514 persoas).

Neste mesmo grupo se incriben o segundo e o terceiro posto (os que agora teñen 36 anos e os que teñen 34), o que pon de manifesto que o "baby-boom" ferrolán situouse na segunda metade da década dos 70.

Que naquela época nacesen algo máis de 1.100 nenos demostra que o actual índice de natalidade está moi lonxe de alcanzar esas cotas. En Ferrol hai 472 nenos que aínda non cumpriron un ano de idade e no grupo entre 0 e 15 o total é de 8.632, pouco máis de 500 por ano.

A taxa reduciuse, pois, nestas tres décadas, practicamente á metade. Entre os que aínda son menores de idade, os "mellores anos" no que a natalidade se refire foron 1993 -houbo 625 nacementos-, 2008 -con 594- e 2005 -con 583-.

Por tramos de idade só superan o milleiro de veciños quen teñen entre 29 e 30 anos, de 37 a 39, 41, de 43 a 44, de 46 a 48, de 51 a 55, 57 e de 60 a 64 anos.

No resto de grupos, as cifras non chegan ao milleiro.

O colectivo menos numeroso é o de 65 anos e máis, con 17.217 persoas entre as que son abafadora maioría as mulleres: 10.439 por 6.688 homes.

Cantos centenarios hai en Ferrol? Pois nin máis nin menos que 25, dos que case a metade (11) acaban de alcanzar esta idade. Pero entre quen pasaron o século de vida apenas hai homes, en concreto na cidade residen tres, dúas de cen anos e un de 101.

As máis lonxevas son dúas mulleres de 106 e 104 anos.

Pero os datos que ten rexistrados o Centro de Recursos Informáticos (CRI) ferrolán ofrecen tamén outras cuestións curiosas. Entre elas está que, a pesar de que se adoita dar por sentado que hai máis mulleres que homes, hai tramos de idade en Ferrol nos que sucede o contrario.

Efectivamente as mulleres son maioría no cómputo global (39.397 fronte a 34.876 homes), pero entre os cero e os seis anos son maioría os homes, que tamén predominan nos tramos de idade entre oito e doce anos, de 16 a 21, os de 24 e 25, de 27 a 29, de 31 a 33, 35 e 36, 39 e 40 e 43.

A partir desta idade, a tendencia invístese e xa son maioría as mulleres.

Diario de Ferrol.-

DECLARACIÓN DE BARRIO DO INFERNIÑO.-

DECLARACIÓN DO INFERNIÑO COMO BARRIO.

A Xunta directiva desta Asociación Veciñal O Rosario- Inferniño, comunicamos que imos solicitar ao Concello de Ferrol a DECLARACIÓN desta parroquia do Rosario como BARRIO do INFERNIÑO.

Analizadas as distintas singularidades e antecedentes desta zona, afirmamos que esta parroquia do Rosario ten a suficiente ENTIDADE E IDENTIDADE para ser recoñecido como BARRIO do INFERNIÑO.

Como todos sabemos a partir da segunda metade do século XX, a cidade de Ferrol foi crecendo fora de Porta Nova, actual Praza de España, xurdindo o que agora se coñece como Ensanche A, onde a veciñanza se foi organizando co nacemento de dúas PARROQUIAS; SAN PEDRO e O ROSARIO.

Sabemos polos historiadores que a Parroquia foi implantada dende a chegada dos Suevos a Galiza como unha unidade territorial de marcada importancia e gran tradición.

Lembramos que a Confederación Galega de Asociación Veciñais de Galicia (COGAVE), aprobou unha resolución na súa Asemblea Xeral celebrada en Pontevedra, onde recoñecía a relación de Parroquia e Barrio sen caer en ningunha connotación relixiosa.

Nosa pretensión consiste en que O Inferniño debe ter a consideración de Barrio co fin de elixir, decidir ou reivindicar o seu futuro nas relacións sociais e culturais, dende a perspectiva da solidariedade co máis absoluto respecto da legalidade.

Proporemos este debate con campañas informativas e reunións coa cidadanía, entidades sociais, responsables municipais para rematar cunha SOLICITUDE FORMAL DE DECLARACIÓN DO INFERNIÑO COMO BARRIO.

Facemos un chamamento a toda a veciñanza co animo de recibir todo o APOIO para conquerir esta conquista para O INFERNIÑO.

Ferrol, a 4 de Marzo de 2010.

A Directiva.-

- - - - - - - - - - - - - - - - - - - - - - - - - - - - - - - - - - - - - - - - - - - -

A asociación do Rosario pide que se

denomine á parroquia barrio do Inferniño

A asociación veciñal do Rosario-Inferniño emprendeu unha campaña informativa para conseguir para a parroquia a denominación de barrio do Inferniño.

A entidade rexeita que se considere Ensanche A tanto á zona da parroquia de San Pedro como a do Rosario pola inconcreción e «confusión» que xera, segundo indicou onte un dos membros da entidade promotora.

Argumentan que un encontro, celebrado hai anos, da Confederación Galega de Asociacións Veciñais de Galicia recoñecía a equiparación de parroquia con barrio sen caer en connotacións relixiosas.
Por iso, reclaman o recoñecemento ao considerar que O Rosario «ten a suficiente entidade e identidade», sen que supoña «ningunha intención de separatismo», sinalou o secretario, Xosé Mel Sanxoán.
A asociación elaborará material informativo e auspiciará reunións coa cidadanía e os responsables municipais conducentes á solicitude formal dunha declaración oficial.

La Voz de Galicia.-

FOTOS VISITA EXPOSICIÓN ALUMNOS/AS CEIP RECIMIL

Visita dos Alumnos/as de 6º CEIP RECIMIL a esta exposición de pintura as Mulleres e a Ciencia no Centro Cultural Municipal Carvalho Calero.

Exposición de Margarita Cimadevila, profesora e directora do colexio Urbano Lugrís.

Exposición aberta do 1 de marzo ate o 15 de Marzo-10.

Fotos da visita dos alumnos/as de 6º CEIP RECIMIL, Centro Cultural Carvalho Calero este día 9 marzo-2010.

SOLICITUDE DA VOGALÍA MULLER - CONSELLO DA MULLER.

SOLICITUDE ENTRADA

CONSELLO SECTORIAL MULLER

A Asociación Veciñal O Rosario- Inferniño, ten dende hai un ano unha Vogalía de Muller co fin de reivindicar o papel fundamental que está a desenvolver a muller en todos os ámbitos socias, laborais e culturais.

Coincidindo coa celebración do DIA DA MULLER TRABALLORA, notificamos neste día a decisión desta xunta directiva co fin de que estas reivindicacións sexan realizadas todos os días do ano.

Esta Asociación Veciñal e esta Vogalía de Muller, queremos COLABORAR co fin de conseguir maiores cotas de recoñecemento e xustiza social.

SOLICITAMOS:

Que se aprobe a entrada neste CONSELLO SECTORIAL DE MULLER, aos membros directivos e vogalía de Muller desta Asociación Veciñal:

Mercedes SALVATIERRA VENTURA ; Ana Jesús LÓPEZ DÍAZ.

Ferrol, a 8 de Marzo de 2010.

A Presidenta / O Secretario

Asdo. Ana J. LÓPEZ DÍAZ / asdo. Xosé M. Sanxoán Caamaño

EXPOSICIÓN CIENCIA EX-AEQUO

- EXPOSICIÓN CIENCIA Ex- Aequo -

Esta Asociación Veciñal do Inferniño, dende a nosa VOGALÍA DE MULLER, queremos render a nosa homenaxe as mulleres que foron descriminadas socialmente por esta condición.

A Concelleira de Educación, Mercedes Carbajales, abreu esta Exposición.

A Asociación Veciñal O Rosario- Inferniño en mutua colaboración coa area de Educación do Concello de Ferrol, abriron a exposición de pintura Ciencia Ex- Aequo da autora MARGARITA CIMADEVILA.

Participaron os alumnos/as do IES SOFÍA CASANOVA polo que agradecemoslles o seu interese asi como a colaboración do corpo de profesores/as.

Estará aberta esta EXPOSICIÓNS no Centro Cultural Carvalho Calero do 1 ao 15 de Marzo.

Nesta Exposición se visualizará a relación que hai entre estas obras e os descubrimentos destas científicas de principios do século XX, discriminadas por súa condición de muller

As visitas a sala de Exposicións se sucederán por parte de estudantes de distintos centros escolares e institutos.

A comisaria de Exposición, Ana Jesús López, estará a disposición para realizar visitas guiadas e explicacións.

Solicita-lo ao correo da Asociación.

Cuadros de grande calidade artística e de contido científico.

avvorosario@gmail.com

EXPOSICIÓN EX AEQUO -

EXPOSICIÓN MULLER E A CIENCIA.

Esta Asociación Veciñal O Rosario-Inferniño, coincindo neste mes de Marzo co DÍA DA MULLER TRABALLORA, quere conmemorar e adicar o noso recoñecemento as mulleres que loitaron polos seus dereitos e iguladade sociais.

Este é o caso das mulleres do século XIX dende a perpectiva científica.

A Asociación veciñal O Rosario- Inferniño en colaboración coa Concellaría de Educación ten o precer de presentar a seguinte actividade destinada ó público en xeral pero con especial atención ós estudantes de distintos niveles educativos (6º de E.P., ESO, Bacharelato, F.P. e Universidade).

Ciencia Ex AEQUO (Ciencia por igual)

• Exposición de pintura
• Autora: Margarita Cimadevila
• Organiza : A.Veciñal O Rosário Inferniño / Concellaría de Educación
• Comisaria da exposición: Ana Jesús López Díaz
• Centro Cultural Municipal Carvalho Calero
• Datas: do 1 ó 15 de marzo

• Presentación a cargo da autora o día 2 de marzo no salón de actos do Carvalho Calero ás 17:00 (duración aproximada 45 min).

Resumen e obxectivos:

Cuadro de MARGARITA CIMEDAVILA.-

Centro Cultural Carvalho Calero.-

Ciencia EX AEQUO réndelles homenaxe ás mulleres científicas que, a pesar de realizaren un magnífico labor e mereceren recoñecemento polo seu traballo, moitas veces foron ignoradas, esquecidas ou relegadas a un segundo plano a favor dous seus superiores, colegas ou competidores masculinos que, en moitos casos, non tiveron reparo en atribuírse os seus traballos. Non é por tanto casualidade que celebremos esta exposición, coincidindo co 8 de marzo, Día da Muller.

Ciencia EX AEQUO

Presenta unha selección centrada no século pasado e nos campos da física, química, bioloxía, matemáticas e astronomía, que se concretou en doce científicas do mais alto nível.

A fonte de inspiración da autora foi o feito científico sobre o que esas mulleres traballaron, o que fai que, aínda que todos os cadros tratan de Ciencia, toquen temáticas moi diferentes, que quedan plasmadas en doce lenzos (1x1 m2 técnica mixta) acompañados dunha breve explicación científica e unha nota biográfica.

Conferencia ;

A exposición vai acompañada de unha co0nferencia o día 2 de marzo ás 17:00 no salón de actos do Carvalho Calero na que a propia autora nos presentará a súa obra, os criterios á hora de seleccionar as científicas ás que rende homenaxe, e o feito científico que tratou de plasmar en cada lenzo.

Esta charla está especialmente orientada os estudantes de secundaria e bacharelato, os que a autora coñece ben dado o seu traballo como profesora, e directora do I.E.S Urbano Lugrís da Coruña.

Invitamos ós institutos de Ferrol a que asistan a esta presentación, ademais da exposición.

Dada o aforo limitado do salón de actos (200 prazas aprox.) aconsellamos ós profesores interesados en asistir se poñan en contacto co concello ou coa A.Veciñal para reservar prazas.

Finalmente os propios feitos científicos que se expresan en cada un dos lenzos e a breve explicación que a autora presenta seguro que provocan a curiosidade dos rapaces;

é precisamente a curiosidade o motor do coñecemento científico e do avance da sociedade.

• O Recoñecemento da igualdade entre ambos sexos.

• A cultura do esforzo e superación que estas mulleres demostraron traballando en condicións adversas.

• O coñecemento científico como un traballo continuado e concatenado de moita xente ó longo de moitos anos: O traballo destas científicas nacidas no século XIX sentou as bases do coñecemento en temas de tanta actualidade como o ADN, a fisión nuclear, os fenómenos sísmicos...

• Promover unha visión integradora do mundo a través da conexión entre realidades tan aparentemente distintas como son a ciencia e o arte.

¿Por qué é interesante para os estudantes de secundaria e bacharelato?
Ademais do interese que calquera manifestación artística pode ter na formación integral dos rapaces, esta exposición e a conferencia que a acompaña permite traballar distintos aspectos da súa formación:

A Autora -

Margarita Cimadevila é natural de Sada, A Coruña, licenciouse en Ciencias Químicas pola Universidade de Santiago de Compostela e exerceu como profesora de Física e Química en distintos institutos de Galicia. Actualmente imparte docencia no IES Urbano Lugrís da Coruña, do que é directora.

A súa obra pictórica primeira está fortemente influenciada polas raíces da súa terra.

A raíz da súa participación na HST03, escola de profesores do laboratorio europeo de investigación nuclear, CERN, en Xenebra, a súa obra céntrase en unir os seus dous mundos, presentando una proposta na que Ciencia e Arte se mesturan e entrelazan, que ten un carácter artístico, divulgativo e didáctico

Colaboración coa Concellaría de Educación-

-Colaboración da Concellaría de Educación:

• Difundir o acto a través da súa páxina web e xestionar as solicitudes dos centros educativos

para asistiren á exposición e á conferencia de presentación.

• Facilitar trípticos informativos que estarán a disposición dos visitantes á exposición.

A Presidenta O Secretario

Asdo. Ana J. LÓPEZ DÍAZ asdo. Xosé M. SANXOÁN CAAMAÑO

O ROSARIO DENUNCIA INCUMPRIMENTOS FEIRÓN.-

Ferrol Xoves

18 de Febreiro de 2010

A Asociación de Vecinos O Rosario denuncia

irregularidades no feirón do Inferniño

Imaxe remitida pola entidade

REDACCIÓN > FERROL

A Asociación de Vecinos O Rosario do Inferniño fixo público un comunicado no que denuncia que os acordos alcanzados coas Concellarías de Seguridade e Mercado en relación co feirón do barrio non se están cumprindo.

A entidade atribúese o conseguir regular o cobramento que realizaba outra asociación neste espazo de dominio público tras esperar durante anos o seu rescate, pero apunta que continúa a ocupación de vehículos e furgonetas propiedade dos propietarios dos postos sobre as beirarrúas da praza do Inferniño.

A asociación asegura que se producen varios incumprimentos da ordenanza de mercados en relación coa comprobación dos alimentos á venda ou a falta de cartón visible na que se indique o tipo de mercancía que se oferta e a fotografía do responsable de cada posto de venda.

Ante esta situación, a entidade di que comezamos a cuestionar a continuidade deste feirón do Inferniño polos continuos incumprimentos e pasotismo por parte dous responsables municipais da Ordenanza de Mercados.

A asociación espera que estes feitos corríxanse en próximas datas.

Diario de Ferrol.-

ROLDA PRENSA - EXPOSICIÓN HOMENAXE Á MULLER.-

Concello e A.Veciñal O Rosario do Inferniño, rendirán unha homenaxe ás mulleres científicas nadas no século XIX cunha exposición e unha conferencia no Carvalho Calero

· A concelleira Mercedes Carbajales e a presidenta da A Veciñal, Ana J. López, presentaron esta mañá as iniciativas, pensadas en particular para estudantes de ESO ou Bacharelato

· A mostra de pintura “Ciencia EX Aequo” inaugurarase o 2 de marzo e nela invítase á reflexión sobre o recoñecemento da igualdade entre homes e mulleres ao longo da historia


Ferrol, 12 de febreiro de 2010.-
A concelleira de Educación, Mercedes Carbajales, presentou esta mañá xunto coa presidenta da Asociación Veciñal O Rosario-Inferniño, Ana Jesús López, unha iniciativa que se levará a cabo de xeito conxunto no Centro Cultural Municipal Carvalho Calero. Trátase, tal e como explicou a responsable das políticas municipais de Educación, dunha exposición de pintura e dunha conferencia que terán como protagonistas a aquelas mulleres que ao longo da historia tiveron un destacado papel no mundo da ciencia sendo, en ocasións, esquecidas.

Tal e como subliñou a edil Mercedes Carbajales, esta iniciativa enmárcase dentro da política levada a cabo polo departamento que dirixe coa finalidade de transmitir á sociedade en xeral e aos estudantes, en particular, a importancia de educar en igualdade, fundamental para construír unha sociedade igualitaria entre homes e mulleres.

Este será un dos aspectos relacionados coa actividade que hoxe se deu a coñecer. E neste senso, a presidenta da AVeciñal O Rosario avanzou que a sala de exposicións do Carvalho Calero acollerá desde o 1 de marzo ao 15 a mostra de pintura “Ciencia Ex Aequo” (“Ciencia por igual”) da que é autora Margarita Cimadevila, licenciada en Ciencias Químicas pola Universidade de Santiago de Compostela e directora, na actualidade, do IES Urbano Lugrís de A Coruña. Nela réndese unha homenaxe ás mulleres científicas que, a pesar de ter realizado un importante labor e mereceron un recoñecemento polo seu traballo, foron ignoradas en moitas ocasións ou relegadas a un segundo plano a favor dos seus superiores, colegas ou competidores masculinos que, en moitos casos, non tiveron reparos en atribuírse os seus traballos.

A exposición, tal e como destacou Ana López, coincidirá coa conmemoración, o vindeiro 8 de marzo, do Día da Muller, unha data moi apropiada para dar a coñecer o labor desempeñado por unha ducia de mulleres que, nadas no século XIX e principios do XX, xogaron un importante papel na Ciencia, en campos como o da física, química, bioloxía, matemáticas ou astronomía. Para iso, cada un dos cadros que integran esta exposición estarán acompañados dunha breve explicación científica e dunha nota biográfica.

Así mesmo, xunto con esta exposición, a edil Mercedes Carbajales anunciou que se celebrará unha conferencia o vindeiro 2 de marzo, ás 17.00 horas, no salón de actos do Centro Cultural Carvalho Calero, na que a propia autora da mostra, Margarita Cimadevila, presentará a súa obra, os criterios tidos en conta á hora de seleccionar as científicas ás que rende homenaxe e o feito científico que tratou de plasmar en cada lenzo.

A responsable de Educación do Concello subliñou que esta charla está especialmente orientada aos estudantes de Secundaria e Bacharelato, se ben está aberta a toda a cidadanía, polo que se cursou unha invitación a todos os institutos da cidade para que asistan a esta convocatoria. Para iso, os centros interesados deberán contactar co Departamento de Educación do Concello de Ferrol, a través da súa páxina web (www.ferrol.es/educacion), onde ademais poderán descargar as solicitudes.

A este respecto, a edil destacou o interese destas dúas actividades que pemitirán traballar en aspectos como o recoñecemento da igualdade entre os dous sexos, a cultura do esforzo e superación que estas mulleres amosaron traballando en condicións adversas, o coñecemento científico como un traballo continuado e concatenado de moita xente ao longo de moitos anos, que sentou as bases do coñecemento en temas de máxima actualidade como o ADN, a fisión nuclear ou os fenómenos sísmicos, entre outros. Tamén pretende promover unha visión integradora do mundo a través da conexión entre realidades tan aparentemente distintas como son a ciencia e a arte.

Concello de Ferrol - A. Veciñal O Rosario- Inferniño.

DÍA DA MULLER - EXPOSICIÓN DE PINTURA - MARGARITA CIMADEVILA.

Ferrol Sábado 13 de Febrero de 2010

O Carvalho Calero acollerá actividades que

reivindican o papel da muller na ciencia.

REDACCIÓN > FERROL
O Concello e a Asociación Veciñal O Rosario do Inferniño reivindicarán o papel que a muller desempeñou na ciencia ó longo da historia, cun programa de actividades que se desenvolverá no centro cultural Carvalho Calero.

A concelleira de Educación, Mercedes Carbajales, e a presidenta da entidade veciñal, Ana J. López, presentaron onte a iniciativa, que xirará arredor da mostra de pintura “Ciencia Ex Aequo”, obra da artista Margarita Cimadevila. A exposición, que se desenvolverá entre o 1 e o 15 de marzo, rende homenaxe ás científicas que, a pesar da súa contribución profesional, en moitos casos foron relegadas pola súa condición de muller.

En particular, centrarase na figura dunha ducia de investigadoras que traballaron ó longo de século XIX e comezos do XX.

A actividade complementarase cunha charla, que correrá a cargo da propia autora.

Cimadevila é licenciada en Ciencias Químicas pola Universidade de Santiago e dirixe, na actualidade, o Instituto de Ensinanza Secundaria Urbano Lugrís, de A Coruña. A conferencia está programa para o 2 de marzo ás cinco da tarde, tamén no centro cultural do Inferniño.

Esta última actividade está destinada principalmente a estudantes de Secundaria e Bacharelato, aínda que tamén está aberta ó público en xeral.

Con esta intención xa se remitiu unha invitación ós institutos da cidade.

Os que queiran participar deberán contactar co departamento de Educación do Concello de Ferrol, a través da súa páxina web www.ferrol.es/educación, onde ademais se poden descargar as solicitudes.

Segundo sinalou Carbajales, con esta iniciativa, búscase “visualizar” o labor desempeñado pola muller en moitos eidos nos que non era visible por tratarse de profesións “propias dos homes”, como é o caso da ciencia. Situación que se deu ó longo da historia, engadiu, a pesar que dende a antigüidade hai constancia de mulleres que desenvolveron unha importante actividade investigadora.

A mostra coincidirá no tempo, lembrou, coa celebración do Día da Muller, o vindeiro 8 de marzo.

A presidenta da A.Veciñal O Rosario do Inferniño coincidiu en que a historia está chea de casos de mulleres que se adicaron á investigación e non foron valoradas como correspondería.

Diario de Ferrol.-

ROTONDA, ARBORES, PARQUE URBANO, LOCAL..

Ferrol Xoves 28 de Xaneiro de 2010

O Rosario-Inferniño propón unha rotonda no

cruzamento das Pías, A Paz e estrada de Castela

REDACCIÓN > FERROL

A Asoc. Veciñal O Rosario-Inferniño reclama máis comunicación do Concello cos veciños co fin de que estes poidan achegar solucións no que consideran que sería unha verdadeira participación cidadá.

Precisamente nesta liña de propor ideas, a entidade expón que se estude a viabilidade de construír unha rotonda na intersección da avenida da Paz, avenida das Pías, e estrada de Castela.

A idea da asociación veciñal é que se realicen os correspondentes informes técnicos de seguridade viaria co fin de que esta rotonda poida regular o tráfico rodado na estrada de Castela en dirección a Ferrol, Narón e entrada no barrio do Inferniño e avenida das Pías.

O Rosario-Inferniño manifestou, así mesmo, a súa satisfacción pola decisión do goberno local de incluír a actuación no Parque Urbano do Palco dás Ánimas nas propostas para o plan E de 2010. Deste xeito, a A.Veciñal anima ao desenvolvemento deste parque e á creación dun humidal urbano, xa avaliado polo Ibader, institución pertencente á Universidade de Santiago de Compostela.

Entre as reclamacións pendentes, O Rosario fala da necesidade de substituír o peche de pedra afiada dos xardíns da travesía Inferniño por granito puído ou romo, de cambiar as árbores desta zona por outros perennes e de baixo porte ou de instalar bandas limitadoras de velocidade ao redor da praza.

Denuncian tamén a continua presenza dun camión atracción dentro da praza e a necesidade dun local social.

Diario de Ferrol.-

REIVINDICACIÓNS - INFRAESTRUTURAS.-

Esta Asociación Veciñal O Rosario- Inferniño, aplaudimos a decisión do goberno local de facer unha realidade o PARQUE URBANO -(PU-14), no Palco das Animas, tantas veces reivindicado por esta Asociación Veciñal.

Nos congratula que o goberno Local incluíra este PARQUE URBANO no PLAN –E, apostando por unha zona totalmente abandonada, deste xeito animamos o desenvolvemento deste PARQUE e a creación dun HUMIDAL URBANO, xa avaliado polo -IBADER-, institución pertencente á Universidade de Santiago de Compostela.

Queremos lembrar que presentamos un esquemático proxecto deste Parque durante a anterior campaña electoral aos partidos políticos, co fin de desenvolver, dunha vez por todas, esta parte traseira do barrio do Inferniño o cal desexamos ver nunha realidade para este ano 2010.

XARDÍNS.

Valoramos a vontade por parte do goberno local de construír uns xardíns nas beirarrúas da Travesía Inferniño, pero non entendemos como unha vez máis faise un encerrado de PEDRA afiada con aristas cortantes e perigosas para os máis peques e maiores preto dunha Praza.

Dende hai varios anos estamos reclamando ao goberno o cambio de pedra CORTANTE na Praza do INFERNIÑO nos xardíns por outros menos perigosos e homologados para os parques como granito pulido ou romo, eliminando os actuais con filos cortantes e motivo de varios accidentes dos nenos.

ÁRBORES

Continuaremos demandando a concellaría de Parques e Servizos o cambio destas novas árbores na travesía do Inferniño, por árbores de folla perenne e baixo porte, tipo LARANXEIROS, LIMOEIROS..etc, como así nolo demanda a veciñanza.


- Continuamos denunciando a estancia do mesmo camión- atracción dentro da Praza de forma continuada, para malestar das persoas maiores. Supoñemos que non se produce amiguísmo, habendo convocatoria e concurso publico aberto a todos as atraccións na mesmas oportunidades.

- Demandamos instalar sinalizacións arredor da praza e bandas limitadores de velocidade a toda clase de vehículos a espera de aplicar o plano de mobilidade co obxecto de converter este espazo en ZONA PEONIL nun futuro.

ROTONDA AVDA. DA PAZ

Propoñemos un estudo sobre a viabilidade práctica de construír unha Rotonda na intersección ou cruce da Avenida da Paz e Avda. das Pías e Estrada de Castela.

Nosa proposta consiste en que esta rotonda regule o tráfico rodado na Estrada de Castela en dirección a Ferrol, Narón e entrada ao barrio do Inferniño e Avda. das Pías para o cal deberán realizarse os correspondentes informes técnicos de seguridade vial.

LOCAL SOCIAL

Lembramos que aínda estamos sen LOCAL, falta de acondicionamento, acordado por Xunta de Goberno e comisións para ceder a esta Asociación Veciñal.
Pedimos SERIEDADE e RESPECTO cos compromisos.
Non aceptamos remendos de última hora e lembramos que informes dos técnicos son desfavorables por incumprir toda norma de habitabilidade ante a obviedade de ser un local raquítico que non se pode DIVIDIR para dúas entidades.


Ferrol, a 26 de xaneiro de 2010



A Presidenta O Secretario



Asdo. Ana J. LÓPEZ DÍAZ asdo. Xosé M. SANXOÁN CAAMAÑO