PLATAFORMA POLA VERDADE F. EXTREMADURA

Ferrol Domingo 20 de Diciembre de 2009

Flores e poemas na honra de Erik Noval e Francisco Pérez Un momento do acto no peirao de Curuxeiras, no que interviu o cabo Gago daniel alexandre m.f.g. > ferrol Cerca de cincuenta persoas se achegaron onte ata o peirao de Curuxeiras, no porto ferrolán, para lembrar ós dous falecidos na explosión da fragata "Extremadura", suceso do que onte se cumprían catro anos. Con flores brancas e poemas, a Plataforma cidadá pola verdade da fragata "Extremadura" quixo honrar a memoria de Erik Noval e Francisco Pérez, os dous tripulantes que pereceron no suceso, ó tempo que continuou a reclamar que se esclarezan os feitos. O acto comezou coa lectura do manifesto "Na memoria dos ausentes". O texto, lido por un dos membros da plataforma, denunciou "o silencio imposto e participado polos de arriba e mal dixerido polos de abaixo", porque as familias e os compañeiros necesitaban saber "como se puido chegar á situación de que sucedera o accidente". Neste sentido, criticouse "o corporativismo cómplice" que "pretende arquivar baixo sete chaves todo o sucedido", e deman-douse que "se alguén ten que dar conta neste caso que a dean para o honor e a homenaxe dos ausentes que hoxe non están coas súas familias". O manifesto recoñeceu tamén a actuación do cabo Gago, figura en apoio da cal xurdiu inicialmente a plataforma. "Por pedir responsabilidades pasárono de heroe a villano porque querían taparlle a boca. Non o conseguiron, e o seu clamor fíxose eco na sociedade civil e libre. Pero el pagouno caro coa súa osadía e tivo que irse para a súa casa". Tras gardar un minuto de silencio polos dous tripulantes falecidos, o acto continuou cunha lectura de poemas. Entre as intervencións destacou a do cabo Gago, que lembrou os seus compañeiros falecidos nun suceso "que nunca debió ocurrir", motivado "por el inhumano proceder de unos cuantos negligentes". "Todas las madrugadas del diecinueve de diciembre que me queden por vivir estaré insomne", asegurou. Gago agradeceu o apoio dos integrantes da plataforma, ós que cualificou de "caballeros y damas luchadores por la verdad". "Sin vosotros el tema estaría olvidado, estaría podrido en los confines de una oficina de la justicia militar", afirmou. Entre os asistentes estaba tamén a nai de Erik Noval. Visiblemente emocionada, agradeceu tamén o apoio da plataforma para pedir que se esclarexen as causas do suceso. Neste sentido, expresou a súa confianza en que, despois de que o Tribunal Supremo aceptase a trámite a súa reclamación contra o arquivo do caso, se investigue o sinistro. "Temos a esperanza de que se investigue, algo que non se fixo ata agora, que se tapou todo", engadiu. Tamén reclamou que se depuren responsabilidades, tanto dos que estaban ó cargo da fragata coma do Estado, en tanto que responsable último do mantemento dos buques. Para concluír o acto, os presentes en Curuxeiras arroxaron flores brancas ó mar, como ofrenda ós falecidos.

Diario de Ferrol.-

CAUSA DA FRAGATA EXTREMADURA.

O tribunal militar resolve seguir a causa do

accidente da Fragata «Extremadura»

Rexeita o sobresemento que solicitou o xuíz instrutor polo
sinistro no que morreron dous tripulantes

Autor:
Francisco Varela

O Xulgado Togado Militar Territorial número 41 da Coruña rexeitou a petición do xuíz togado, equivalente ao instrutor na xurisdición ordinaria, de sobreer a causa pola explosión ocorrida na fragata Estremadura .

No accidente, ocorrido a madrugada do 19 de decembro do 200 faleceron o cabo primeiro Francisco Javier Pérez Castrillón, orixinario de Bilbao, e o mariñeiro Erik Noval Gómez, da Coruña, que formaban parte da dotación da fragata e atopábanse prestando o servizo de garda na cámara de caldeiras.

O Xulgado Togado non acepta a proposta de sobresemento definitivo da causa e acorda que se realicen novas dilixencias, entre elas, o ofrecemento de accións á Avogacía do Estado, «a fin de que se ao seu dereito convén, móstrese parte no procedemento e exercite as accións que teña convenientes».

O fiscal xurídico militar opúxose ao sobresemento, o mesmo que os representantes legais dos dous tripulantes falecidos, que consideran responsable penal do ocorrido ao tenente de navío Pablo Varela Sánchez, como posible autor dun delito contra a eficacia do servizo, previsto na lexislación penal militar.

A manobra-
O accidente ocorrera cando a fragata, atracada no Arsenal Militar de Ferrol, atopábase realizando a manobra de arranque para facerse á mar ao día seguinte, para unha navegación curta de acompañamento a unha das novas fragatas que Navantia construía para Noruega , e que saía a probas de mar.

Por causas que agora se trata de aclarar, unha condución de vapor a altísima presión rebentou e alagou de gases a máis de 300 graos de temperatura a cámara de máquinas e matou ao instante aos dous tripulantes que realizaban o arranque, unha operación que se prolonga durante horas, necesaria para sobrequentar o vapor que acciona logo as turbinas que moven o buque.

A principal testemuña de cargo, en contra do oficial, é o famoso cabo Gago, que advertiu aos seus mandos que os índices de contaminación por cloro, un dos indicadores de perigo, do circuíto de auga quente sinalaban cotas de alarma que aconsellaban iniciar o proceso de apagado e, ata, ordenar o abandono de buque.

La Voz de Galicia.-