Asociación Veciñal "O Rosario - Inferniño" de Ferrol

15.5.07

Algunhas Fotografías: un despligue impresionante, por terra, mar e aire, impídenos bloquear o metaneiro.
9 de Maio de 2007 16:37Asunto: ¡UN DESPLIEGUE IMPRESIONANTE POR TERRA MAR E AIRE IMPIDENOS BLOQUEAR Ó METANEIRO!¡UN DESPLIEGUE IMPRESIONANTE POR TERRA MAR E AIRE IMPIDENOS BLOQUEAR Ó METANEIRO!
Cun despliegue impresionante de forzas policiais, da Garda Civil, Policia Local e Exercito, consiguiron bloquear ás iniciativas da Cofradía de Mariscadores, Comité Cidadán, e tódolos colectivos que estamos diante da ilegalidade da planta de gas e da circulacion de gaseiros,...e o gaseiro poido entrar na ría de Ferrol e atracar no peirao de Reganosa.Afortunadamente non houbo incidentes salientables.

4.5.07

30.4.07

MANIFA EN S. COMPOSTELA

Convocatoria da manifestación contra a degradación do territorio o 6 de maio en Compostela
MANIFESTACIÓN contra a degradación do territorio
Santiago 6 de maio de 2007
GALIZA NON SE VENDE
Terra viva e vida digna para tod@s
A práctica totalidade das organizacións ecoloxistas galegas reunidas nunha asemblea que se celebrou en Santiago o pasado día 31 de marzo, acordamos, por unanimidade, convocar unha manifestación para o día 6 de maio en Compostela.
Máis de 40 colectivos de toda Galicia coincidimos na necesidade de celebrar este acto reivindicativo e de denuncia. Denunciamos o grave estado de deterioro e de crecente degradación en que se atopa todo o territorio galego, un acelerado proceso de expolio e destrucción que afecta tanto á costa como ao interior. Reivindicamos as medidas necesarias para frenar este desastre:
-O cumprimento da lexislación vixente
-Unha nova Lei de Ordenación do Territorio
-Promover unha Estratexia de xestión integrada do litoral
-Protección efectiva e ampliación da aplicación das figuras de protección ambiental
-Transparencia e participación da cidadanía nas decisións que afectan ao territorio
É dicir: A implantación dunha nova cultura do territorioAchegamos o Manifesto da convocatoria, un breve texto asinado polas máis destacadas personalidades dos eidos da ciencia, a cultura, e as artes de Galicia. Este manifesto está ó voso dispor na páxina web www.redelitoralvivo.info coa relación de firmas permanentemente actualizada.Agradecidos pola vosa atención rogamos que vos fagades eco deste chamamento.
Recibide un cordial saúdo.
CONVOCAN:
Fusquenlla, Verdegaia, Salvemos Monteferro, Greenpeace, Luita Verde, Foro Social de Cangas, Comité de Emerxencia da Ría do Ferrol, Ortigueira sostible, Amigos da Terra, Anduxía, Colectivo nacionalista de Marín, Asociación na defensa do Parque Rosalía de Castro, SOS Courel, Natura Céltica, Cíes Artesanais S. Coop. Galega, Centro Social A Revolta, Bouzas móvete, Grupo de Axitación Social (GAS), Caleidoskopio, Plataforma contra a ampliación da piscifactoría de Quilmas, Plataforma contra a piscifactoría de Costa Galloufa, Asociación para a Defensa Ecolóxica de Galicia (ADEGA), Representantes Alumnos da Facultade de Informática de Coruña, Federación Ecologista Galega (FEG), Salvemos Sanxenxo, Asociación Fuco Buxán, Choiva Azeda, Comissao RNGP, Jóvenes Verdes, O Tesón de Ribadeo, Comité de defensa das Rías Altas, Plataforma Ártabra21, Sociedade galega de Historia natural, Voces polo Litoral de Teis, Colectivo Urbano Lugrís, Asemblea do Suído, Plataforma Ecoloxista pola Defensa da Ria de Ribadeo, Aturuxo Local Social Boiro, Plataforma Ecoloxista pola Defensa da Ria de Ribadeo, Ronda non Sanxenxo, Plataforma na Defensa do Patrimonio de As Pontes
Marcadores: 6 maio 2007, Fusquenlla
artabra21@gmail.com @ 28.4.07

18.4.07

Denuncia Parque Urbano

Ferrol a 18 de abril de 2007 .-

A Asociación Veciñal O Rosario – Inferniño do Ensanche de Ferrol, diríxese a Vde coa finalidade de informarlle sobre a REALIZACIÓN DE OBRAS CON MOVEMENTOS DE TERRAS REALIZADOS POR MAQUINARIA PESADA na parcela situada entre o Pavillón Polideportivo do Ensanche e as rúas Río Xubia e Seselle, obras que comezaron o día 16 dos presentes.

Que os operarios manifestan que nesa parcela está prevista a realización dunha praza, aparcadoiro ou “algo así”, coa autorización do Sr. Arquitecto Municipal, manifestando tamén que o feito de mover as terras sobrantes dunha zona a outra da mesma parcela e COMPLETAR UN RECHEO NECESARIO PARA UNHA ACTUACIÓN POSTERIOR

Como vostede saberá este espacio situase integramente no que o PXOM de Ferrol cualifica como PU 14, esto é unha zona libre onde se haberá de executar un Parque Urbano e, como tamén Vde. Saberá, o propio PXOM de Ferrol establece no artigo 198 cales son as condicións e equipamentos que se poden executar nas parcelas cualificadas como Parque urbano.

Que dende esta Asociación consideramos que esta actuación podería ser constitutiva dunha infracción urbanística establecida na Lei da Comunidade Autónoma de Galiza 9/2002, de 30 de decembro,de Ordenación Urbanística e Protección do Medio Rural de Galiza, nos artigo 216 e, especialmente, no 217 .2 a)

Por todo isto S O L I C I T A M O S :

Que en aplicación dos artigos 101; 194; 198; e 209 da citada Lei 9/2002 de 30 de decembro se proceda :

1º .- Á inmediata paralización das obras en execución, e a inmediata incoación do correspondente EXPEDIENTE DE REPOSICIÓN DA LEGALIDADE.

2º.- Á depuración das responsabilidades que presuntamente puidesen ter as persoas que motivan esta actuación.

O Vicepresidente.-

asdo. Javier SÁNCHEZ GARCÍA

OTROSI DIGO.- No que se quer facer constar que, non obstante o solicitado, esta Asociación Veciñal, en cumprimento do seu lexitimo dereito á defensa dos intereses do barrio e da veciñanza, reservase o dereito de solicitar a intervención da Inspección Urbanística dependente da Dirección Xeral de Urbanismo da Consellería de Política Territorial, Obras Públicas e Transportes da Xunta de Galicia, así como a presentación de denuncia ante os Tribunais de xustiza competentes, así como de todas aquelas medidas que os membros da citada Asociación consideren oportunas.-

SR. ALCALDE-PRESIDENTE DO CONCELLO DE FERROL

Barrio do Inferniño

Mércores, 18 de Abril de 2007

FERROL ,

O Ferrol dos mil rostros
Barrio a barrio O Inferniño
é unha das zonas con máis poboación flotante e a que recibe máis inmigración. Relanzar o centro comercial Porta Nova segue sendo un dos grandes desafíos.

Autor da imaxe: JOSÉ PARDO (Firma: Xosé V. Gago Lugar: ferrol)
é o barrio de Ferrol con máis rostros, e non só porque sexa un dos máis poboados cos seus preto de 12.000 habitantes, segundo as asociacións de veciños, senón porque no Inferniño dáse a maior mestura de poboación da cidade. Hai veciños de toda a vida, ferroláns de caste, pero tamén unha moita xente que provén doutros barrios da cidade, doutras urbes galegas e españolas, estudantes e un número crecente de inmigrantes, aínda que o seu número é anecdótico en comparación con outras urbes. é, en resumo, o barrio mestizo da cidade.Entre os ferroláns de toda a vida están Isolina Fernández e a súa amiga Josefa. Sumando a idade de ambas se superan os 125 anos. Ambas están decepcionadas coa situación da praza de España. «¿Sabe vostede se van facer o edificio ese? -pregunta Isolina-, pois dígalles que non o fagan, que non é boa idea». ela pasou a súa infancia no Cantón, pero vive desde fai máis de 45 anos no Ensanche. Bota de menos uns cines no barrio. «Vou andando ata Odeón para ir ao cine, se non camiñas moito che estragas», afirma. Para que poñan uns, e para que haxa máis comercios, quere que reformen o centro comercial Porta Nova. Tamén vai a ioga e á piscina. «Hai que tirar adiante para non enferrullarse, e comer ben», afirma moi segura.Coincide con Josefa en que «os políticos teñen que estar un pouco máis xuntos, discutir menos e facer as cousas polo pobo sen pensar só en lucrarse». Ambas teñen aos seus fillos fóra de Ferrol. Marcháronse a outros sitios para «poder gañarse o pan».
Xunto a elas conviven bastantes mozos e emigrantes como Miguel, ecuatoriano, que prefire que non se publique o seu nome real. Miguel rolda os trinta anos e prefire non falar demasiado de papeis, residencia e demais. «Xa virá todo iso», di. Para el o importante é haber «atopado un traballo» e un lugar tranquilo para vivir. «é un bo barrio -di-. A xente é respectuosa e nós temos que corresponderlles».
No Inferniño hai dúas asociacións veciñais, a do Ensanche A, con case un milleiro de asociados, e a do Rosario-Inferniño, moi nova e que conta con ao redor dun centenar. Ambas sosteñen que por agora non apareceron problemas de integración.Rafael Leira preside a asociación Ensanche A. Sinala que o barrio «é moi puxante e hai unha forte inxección de poboación inmigrante». Apunta á construción de novos edificios como proba do potencial de crecemento. Desde o seu punto de vista, é primordial continuar creando «conciencia de barrio», como a que xa existe noutras zonas de Ferrol».Afirma que «hai conversacións cun grupo empresarial para intentar relanzar Porta Nova», e sinala que é necesario «sacar os autobuses do barrio, porque están esnaquizando todo».
Xosé Manuel San Xoán dirixe a asociación do Rosario. Cre que hai que desenvolver a zona próxima á estación e crear alí un parque urbano. Pide ademais que se respecte o humidal, «algo que apoia ou Concello e a oposición», coa idea de integralo nunha zona verde. Pide tamén a reforma de Porta Nova e da praza Río do Tronco.