Homenaxe Rosalia

Homenaxe a ROSALIA DE CASTRO este pasado domingo-20 de maio na súa Praza do barrio
de San Xoán.

Letras Galegas-2012

                                         LETRAS GALEGAS -2012

Encontro comerciantes Porta Nova.-

A A. Veciñal do Inferniño e Comerciantes convoca unha reunión para abordar o rescate de Porta Nova .

A directiva da Asociación Veciñal O Rosario-Inferniño e o colectivo de comerciantes das instalacións de Porta Nova realizarán o vindeiro luns, ás 20.15 horas, unha reunión no local da AVV para debater a situación do mencionado centro comercial respecto ao proceso de rescate en que está inmerso. A actual xestora, a firma Fesuco, debe ao Concello ferrolán medio millón de euros, polo que o goberno local iniciou o procedemento de rescate.

Na reunión realizarase unha valoración e unha análise da xestión realizada tamén en anos anteriores por outras concesionarias, intercambiando información. O colectivo que organiza o encontro quere que o goberno local conte coa súa opinión e participación na toma de decisións respecto diso. Ademais, solicitan ao equipo liderado por Rei Varela que os manteña sempre informados e consúltelles sobre as futuras actuacións no centro comercial Porta Nova "de forma transparente como parte interesada e afectada".

As mencionadas instalacións comerciais abriron as súas portas no ano 1995 e desde entón, xa tiveron que ser rescatadas noutra ocasión.

Diario de Ferrol.-

Letras Galegas

LETRAS GALEGAS-2012

Celebramos no Palco da Música da Praza do Inferniño as LETRAS GALEGAS deste ano 2012, adicado a VALENTÍN PAZ ANDRADE.

Actuaron o grupo de música tradicional TERRA MEIGA , co obxecto de homanexear con música este dia das Letras Galegas.

Feliz día da Letras Galegas-2012 a toda a veciñanza.-



- A directiva.-

LETRAS GALEGAS-2012

 LETRAS GALEGAS-2012

Valentín Paz Andrade

A Asociación veciñal O Rosario-Inferniño, CONVIDA á cidadanía a participar nunha LECTURA EN GALEGO este vindeiro MÉRCORES-16 a partir das 6, 30 h da tarde no PALCO DA MÚSICA da PRAZA DO INFERNIÑO e poder escoitar a actuación do grupo musical TERRA MEIGA.

Como ben sendo habitual, esta asociacón quere render homenaxe aos persoeiros e intelectuais galegos que cada ano nomea a RAG e que como é sabido corresponde este ano a VALENTÍN PAZ ANDRADE.

Lembramos que este ano celebrase o 50º aniversario das LETRAS GALEGAS onde a Academia  Galega conmemora esta data de partida na edición da obra "CANTARES GALLEGOS" dese ano 1963 , ano de referencia e primeira homenaxeada a nosa escritora e autora "ROSALÍA DE CASTRO".

Esta asociación porá a disposición da cidadanía lectura en galego de varios autores galeguistas e animando a participar nesta tarde musical e literaria na Praza do Inferniño.

Saúdos.-

A directiva.-

C.C. M. Carvalho Calero - Coro Mixto Diapasón en concerto

 O venres día 11 de maio ás 20,15 h. no Centro Cultural Municipal Carvalho Calero, con entrada de balde e organizado polo Ateneo Ferrolán, haberá un concerto do CORO MIXTO DIAPASÓN baixo o lema:

"Homenaxe á diversidade lingüística"

 CORO MIXTO DIAPASÓN

   O Coro Diapasón créase no ano 2010 froito da fusión de dous grupos corais, un deles xuveníl, que iniciaban a sua andáina neses intres.

A coincidencia o participar ámbolos dous nun obradoiro de música contemporánea, impartido polo seu director Juan Brage, foi o desencadeante e elemento decisivo no devir do Coro, xa que Diapasón interpreta fundamentalmente música coral contemporánea, tanto culta coma popular.

O Coro e unha interesante mixtura de persoas de diferentes idades. Está formado por 22 membros, moitos deles, os máis xóvenes, estudantes no Conservatorio de música de Ferrol.

No concerto de hoxe, Diapasón fará un percorrido por varios lugares do mundo, cantando temas compostos en diversas falas hasta oito distintas- tratándo de homenaxear así ó máis importante instrumento de comunicación e entendemento entre as persoas, a linguaxe.

PROGRAMA

Gabriel`s Oboe
E. Morricone / (Film La Misión) Italia. Latín

Open thou mine eyes
J. Rutter. Inglaterra Inglés

Hanacpachap cussicuinin
Anónimo. Perú. Quechúa

An Irish blessing
Popular Irlanda. Inglés

*Dirait-on
M. Lauridsen. EE.UU. Francés

*A Gaelic blessing
J. Rutter. Inglaterra. Inglés

*AveVerum
W. A. Mozart. Austria. Latín

*Unchained melody
A.North/ (Film Ghost) EE.UU. Inglés

Boiadeiro
Cavalcanti - Caldas. Brasil. Portugués

Duerme negrito
A.Yupanki / (J.Brage). Argentina. Castelán

Esta tierra
J.Busto España. Castelán

What a wonderful world
Weis-Thiele. EE.UU. Inglés

Mamma mía
ABBA / (J.Brage) Suecia. Inglés

Il Cu- cú
O. Berti. Italia. Italiano

*Os teus ollos C. Enriquez - C. Chané. Galicia. Galego

*Pomba dourada
A.Cunqueiro - L. E. Batallán. Galicia. Galego

Cada noite
R..Castro - M..Zumalave / (Domínguez). Galicia. Galego

Canto de berceR.Groba Galicia. Galego

*Acompañamento de piano (Iago González)
Director: Juan Brage

--
Un lugar de encontro para a cultura.
Ateneo Ferrolán, fundado en 1879.
http://www.ateneoferrolan.org/

--
ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com

www : orosario-inferninho.blogspot.com

RESCATE do CENTRO COMERCIAL PORTA NOVA.-

Fesuco entra en concurso de

acredores e facilita o rescate

do centro Porta Nova .

Xoves, 03 de Maio de 2012.

c.r.c. > ferrol

O rescate do centro comercial Porta Nova do Inferniño por parte do Concello é practicamente un feito. Así o indicou onte o responsable de Economía no Concello, Alejandro Langtry, que anunciou que a empresa Fesuco, encargada desde o ano 1999 da xestión deste espazo comercial integrado por máis dunha vintena de establecementos, entrou en concurso de acredores -a antiga suspensión de pagos-.

Desde o Concello mantivéronse reunións cos responsables desta firma co fin de proceder ao rescate da concesión por mutuo acordo, tendo en conta que a empresa acumula débedas de ata 500.000 euros e non pode facer fronte a esta contía nin ao mantemento que supón o centro comercial do Inferniño

Alejandro Langtry, que onte mantivo un encontro con representantes da asociación veciñal O Rosario-Inferniño e con comerciantes de Porta Nova, indicou que o rescate efectuarase en canto o Concello reciba a comunicación do Xulgado de admisión a trámite do concurso de acredores por parte da empresa. Unha vez liquidado o procedemento requirido para facer efectivo o paso a mans do Concello da xestión do centro comercial, a intención do goberno local é sacalo novamente a concurso.

O concelleiro de Economía recoñeceu que precisamente esta entrada en concurso de acredores é a fórmula máis rápida para dar solución a este problema, xa que se poderá rescatar sen problema algún a xestión, á vez que garante que o Concello poida convocar un novo concurso e se mellore, deste xeito, un centro comercial totalmente deficitario e que non mellorou, senón todo o contrario, as condicións co paso dos anos.

Langtry informou aos comerciantes desta situación e confirmou que os establecementos que están abertos e en funcionamento poderán continuar coa súa actividade normal ata que se poñan en marcha os novos plans do goberno local. Neste impass o Concello será o encargado da xestión e mantemento das instalacións do centro comercial.

Desde a entidade veciñal -á reunión acudiu, entre outros, o vicepresidente Miguel Castro- e desde a representación de comerciantes de Porta Nova mostrouse a conformidade con este rescate, xa que precisamente é o que levan demandando desde fai moito tempo, debido ao total abandono que sofren por parte da empresa xestora.

O Rosario-Inferniño critica o tempo que pasou e a falta de atención prestada polos distintos gobernos municipais, xa que a situación arrástrase desde fai unha década.

Garantías no concurso .-

 A "quebra técnica" da empresa facilitará un novo concurso no que os comerciantes queren ser parte implicada, por iso solicitan ao goberno local ter garantías de que se esixirá ás empresas solvencia para facerse cargo do centro comercial "desde o Concello indicóuselles que xa hai firmas interesadas". Así, os comerciantes reclaman fianzas e participar no procedemento de concesión en canto a que poidan coñecer o prego de condicións establecido no concurso. A entidade veciñal actuará como mediadora e en menos de dez días está previsto que manteñan unha reunión para elaborar unha serie de peticións que se trasladarán ao Concello a este respecto.

O centro comercial de Porta Nova, que ocupa uns 16.000 metros cadrados, abriu as súas portas a finais do ano 1995 e a sociedade Fesuco é a segunda empresa que o xestiona, desde o ano 1999. Ata esa data o centro estivo en mans de Gepersa.

Aínda que nun principio a maioría dos locais -uns 25- estaban ocupados e tiñan unha boa facturación e varios empregados, as dificultades económicas e a mala xestión das empresas concesionarias fixo que se chegou a contar con só sete establecementos abertos. Moitos dos locais baleiros xa foron rescatados tamén polo Concello.

Desde a Asociación O Rosario-Inferniño critícase, ademais da mala xestión, a "especulación" que se fixo impedindo ata a apertura neste centro a importantes marcas que no seu día estiveron interesadas en abrir locais nesta zona comercial de Ferrol.

Diario de Ferrol.-

Celebración 1º de MAIO.- ENSINO e SANIDADE PUBLICA-

          

              Contra os RECORTES Públicos.-

-  A xunta directiva da Asociacón Veciñal o Rosario-Inferniño, participou nas mobilizacións sociais en defensa do Estado de Benestar social

e amosar o    noso                  rexeitamento  contra os RECORTES NO ENSINO E SANIDADE PÚBLICOS.

NA DEFENSA DO ENSINO E SANIDADE PÚBLICO DE

CALIDADE.

- A directiva.-



RESCATE DA CONCESIÓN A FESUCO.-

A Asociación Veciñal  O Rosario-Inferniño e

comerciantes de Porta Nova piden auditorías

da xestión do centro comercial .



Martes, 01 de Maio de 2012.
 redacción > ferrol .
A xunta directiva da Asociación Veciñal O Rosario-Inferniño e unha representación de comerciantes do Centro Comercial Porta Nova reuniranse mañá , a partir das dez, co concelleiro de Facenda, Alejandro Langtry no Concello. O encontro fixouse a instancias de residentes e comerciantes -críticos- e coa finalidade de solicitar ao goberno local información "de primeira man" sobre o rescate das mencionadas instalacións comerciais localizadas no barrio.

Os colectivos que promoven o encontro recordaron que levan varios anos denunciando a xestión que leva a cabo a empresa Fesuco no Centro Comercial Porta Nova. Respecto diso, inciden na necesidade de coñecer as verdadeiras causas que levaron a acumular unha débeda co Concello de 500.000 euros. "Pediremos a fiscalización e auditorías das contas da xestión do centro comercial", aseguraron desde a entidade veciñal O Rosario-Inferniño. O Centro Comercial Porta Nova, que ocupa uns 16.000 metros cadrados, abriu as súas portas a finais do ano 1995 e a sociedade Fesuco é a segunda empresa que o xestiona, desde o ano 1999. Ata esa data o centro estivo en mans de Gepersa.

Pola tarde, a directiva da mencionada A.veciñal manterá unha segunda reunión, a partir das 18.30 horas, no seu local social, co concelleiro de barrio, Borja Carro, e o de Mercados, José Polo.

Diario de Ferrol.-

 

RESCATE CENTRO COMERCIAL.-

Os veciños apoian o rescate de Porta Nova.

Denuncian a mala xestión do centro comercial do

Inferniño por parte da empresa concesionaria.

Escrito por: f. fernández

ferrol / a voz

 27 de abril de 2012

As dúas asociacións de veciños do barrio do Ensanche A- Inferniño apoian a iniciativa do goberno local de Ferrol de emprender o rescate da concesión do centro comercial de Porta Nova, no Inferniño, inaugurado a finais de 1995, á luz das débedas contraídas por esa empresa co erario público municipal. A sociedade Fesuco debe ao Concello medio millón de euros. Será o segundo rescate en 17 anos de historia do centro Porta Nova.

Rafael Leira, presidente da asociación de veciños Ensanche A, considera que o recinto necesita unha reforma para polo a funcionar de novo con eficacia. Máis que un revulsivo para o barrio, Porta Nova é un «pesadelo», en palabras de Leira, polo mal estado das instalacións e pola pouca actividade comercial que xera. Para o presidente do Ensanche A «a solución pasa por traspasar a xestión e inxectar investimento» para remodelar as instalacións e «pór a funcionar» o centro comercial. É un paso «imprescindible», destacou Leira.

Mentres, Ana Jesús López, presidenta da asociación O Rosario-Inferniño, recordou que a entidade leva anos esixindo ao Concello que tome cartas no asunto e «rescate a concesión porque a empresa incumpre o prego de condicións».  O Rosario tamén reclama que se efectúe unha auditoría para esclarecer a xestión do centro.

Ana Jesús López considera que a concesión de Porta Nova debe ser asumida por outra empresa privada «sempre que faga funcionar ben o centro», algo polo que o Concello debe velar, apuntou a presidenta veciñal.

A empresa Fesuco xestiona o recinto comercial desde 1999. A primeira concesionaria foi Gepersa, que tamén acumulou débedas co Concello no primeiro ano de vida de Porta Nova. Ademais, o goberno local de entón decidiu romper coa empresa porque esta segregou en dúas os contratos do aparcadoiro e do centro comercial.

La Voz de Galicia.-

COMEDOR SOCIAL - RIO XUBIA-

O Concello licitará en breve o servizo

municipal de comedores sociais.

Venres, 20 de Abril de 2012.


redacción > ferrol .

A concelleira da área de Benestar Social, Rosa Martínez Beceiro, anunciou hoxe en comisión a posta en marcha "de xeito inmediato" do proceso de licitación pública do servizo de comedores sociais, tras a renuncia presentada o pasado mes de xaneiro pola entidade que viña encargando diso, a ONG Dignidade.

A edila explicou que se tomou esta decisión tras estudar varias posibilidades, incluída a de tratar de chegar a un acordo con outra entidade social coa que se subscribiría un convenio semellante ao que se estaba a piques de pechar a comezos deste ano con Dignidade. "O obxectivo", sinalou Martínez Beceiro, "é continuar ofrecendo aos nosos maiores un servizo de calidade e sen interrupcións".

Recordou, así mesmo, que despois de que o pasado 10 de abril Dignidade anunciase que deixaba definitivamente de dar comidas nos centros da rúa Río Xuvia e Caranza, o Concello chegou a un acordo cunha empresa de cátering da cidade para que se fixese cargo de devandito servizo mentres non se resolvese a adxudicación do mesmo.

-Xantar na casa-

 Outro dos servizos afectados tras a renuncia de Dignidade, o programa "Xantar na casa", xa ten oficialmente un prestatario. Será a Xunta de Galicia a través da Consellería de Traballo e Benestar a que asuma esta tarefa, como xa viña facendo noutros concellos galegos.

O alcalde de Ferrol, José Manuel Rei Varela, asinou de feito na mañá de onte un convenio de colaboración entre a institución local e o Consorcio Galego de Servizos de Igualdade e Benestar para o desenvolvemento deste servizo do que, actualmente, benefícianse once persoas.

Memoria 2011 

 Noutra orde de cousas, a comisión informativa de Benestar tamén dou conta da memoria financeira de execución do gasto correspondente ao exercicio 2011 do plan concertado par o desenvolvemento das prestacións básicas de servizos sociais e polo que o Concello achega a cantidade de 1,2 millóns de euros, mentres que a subvención concedida polo Ministerio de Traballo e Seguridade Social e a Xunta de Galicia elévase a 1,8 millóns. Deste montante, concretou a concelleira Martínez Beceiro, o Concello destinou 2,3 millóns ao desenvolvemento de prestacións (axuda no fogar e xestión de programas) e aproximadamente 700.000 euros a recursos humanos.

Diario de Ferrol.-

FERROL PERDE POBOACIÓN.-

O Ensanche A-Inferniño, Caranza e

San Xoán-Bertón acusan a maior

sangría poboacional .

Venres, 20 de Abril de 2012.

Lorena Romero- Ferrol.-

A sangría poboacional que desde fai anos rexístrase en Ferrol afecta de modo especial á zona urbana do municipio, na que se concentra algo máis do 80% da poboación. Ao peche do pasado exercicio, segundo a información facilitada polo Consistorio, a cidade naval contaba con 72.035 habitantes, 3.838 menos que no ano anterior.

Esa caída do censo foi especialmente preocupante no barrio do Ensanche A-Inferniño que, con 10.339 residentes en 2010 perdeu nada menos que 655 -a cifra máis acusada do conxunto da área urbana e rural-, quedándose en 2011 en 9.684.

A situación tampouco foi moito máis alentadora en Caranza, con 515 habitantes menos en tan só un ano, pasando de 12.130 censados en 2010 a 11.615 en 2011, e San Xoán-Bertón, con 358, o que supuxo pasar, nese mesmo período, de 8.053 a 7.695 residentes.

 

A pesar deste importante descenso, Caranza, o Ensanche A-Inferniño e San Xoán-Bertón mantivéronse, por esta orde, en 2011 como os núcleos máis poboados da urbe ferrolá.

Con 5.815 habitantes, o barrio da Magdalena perdeu 329 o ano pasado e no Ensanche B-Ultramar, con 6.349, o descenso rexistrado foi dun total de 320 persoas.

As cifras de perda poboacional son tamén especialmente significativas nese mesmo prazo noutras localizacións da cidade. É o caso dos barrios de Canido, que rexistrou 331 habitantes menos, -quedándose en 8.013- e Esteiro, onde o descenso foi de 266 -ata pechar 2011 con 6.106-.

 Nunha situación intermedia atoparíanse, tal como reflíctese no censo demográfico local, os barrios de Ferrol Vello e Recimil, que perderon respectivamente 107 e 115 habitantes e rexistraron a final de ano 1.681 e 2.398 habitantes.

O caso menos alarmante é o de San Pablo-Catabois, con 1.618, onde o número de residentes reduciuse tan só en 84 persoas.

 Ningún dos dez núcleos do centro da cidade experimentou crecemento algún entre 2010 e 2011 no que a poboación se refire.

A situación que afectou á zona urbana da cidade repetiuse nese mesmo período nos núcleos rurais, que tamén acusaron, en maior ou menor medida, ese descenso poboacional. O número de residentes nestas zonas do municipio representa tan só o 19,75% do total e reduciuse o pasado ano en 758 persoas. É o caso de San Xurxo, con 222 habitantes menos en tan só un ano, pasando de 663 a 441 e situándose ese descenso ao nivel de núcleos urbanos da cidade como Esteiro e moi por encima doutros como San Pablo-Catabois.

No caso de Santa Mariña e Serantes o descenso enmarcouse tamén entre os máis representativos do rural ferrolán. En Santa Mariña contabilizáronse en 2011 un total de 184 habitantes menos que en 2010 -o censo baixou de 3.380 a 3.196-, aínda que esa cifra reduciuse, nas mesmas anualidades, ata os 124 no caso de Serantes- de 2.728 a 2.604-.

No que respecta ao resto da área rural do municipio, o descenso poboacional foi considerablemente inferior. En Covas contabilizáronse 49 veciños menos -a poboación baixou de 984 a 935 persoas-; en Mandiá-Marmancón, 40 -de 726 a 686-; na Cabana, 35 -pasou de 878 a 843- e en Doniños, 33 -de 919 descendeuse a 886-.

Por baixo destas cifras quedarían Santa Cecilia, con 24 habitantes menos -pechou o 2011 con 969 habitantes-; A Graña, con 17 -con 461 a final de ano; Esmelle, con 16 -425- e Brión, con 14 -onde 264 persoas completaban o censo do pasado ano-.

Diario de Ferrol.-

fotos Centro Comercial - mobiliario Inferniño

A A.Veciñal O Rosario-Inferniño denuncia o

estado de abandono dos arredores de Porta Nova .

Mércores, 18 de Abril de 2012.

redacción > ferrol

A xunta directiva da Asociación de Vecinos O Rosario do Inferniño fixo público un comunicado no que denuncia, unha vez máis, o estado de deterioración e abandono dos arredores do centro comercial Porta Nova. Os accesos e escaleiras ás zonas exteriores da terraza e as gretas, roturas e dilataciones da fachada oeste do edificio "que presenta, -aseguran-, risco de desprendementos" son algunhas das cuestións que preocupan á entidade veciñal.

A asociación faise eco tamén da petición de persoas maiores do barrio para que se manteñan en boas condicións as bancadas da praza do Inferniño, que utilizan habitualmente para o seu descanso e tempo de lecer.

Diario de Ferrol.-

A xunta directiva amosa varias fotos dos arredores do centro comercial Porta Nova pola falla de mantemento e abandono.

Mostramos situación dos accesos e escaleiras as zonas exteriores da terraraza deste centro comercial asi como expresamos a nosa preocupación polas grietas, roturas e dilatacións da cara oeste con risco de desprendementos as beirarrúas.

Outras cuestións a mencionar, a petición de persoas maiores, é a falta de mantemento e condicións das bancadas para desfrute e ocio destas persoas na Praza do Inferniño. 

Saúdos

- A directiva.-

Folga Xeral Ferrolterra -29 de Marzo - 2012 .-

FOLGA XERAL en FERROLTERRA

29 MARZO de 2012

- Ante os recortes do goberno do PP, esta asociación apoia e participa nas mobilizacións como membro da Plataforma en Defensa da Sanidade Pública.

FOLGA XERAL

29 MARZO-2012

Constitucion Asemblea de barrio Inferniño

Constitución ASEMBLEAS DE BARRIO INFERNIÑO

          A xunta directiva desta Asociación veciñal O Rosario-Inferniño, facendo eco das recomendacións da Comisión de Control do RPC,  anima a participar a veciñanza desta zona do Inferniño na constitución da ASEMBLEA DE BARRIO DO INFERNIÑO este vindeiro MERCORES, dia 28 a partir das 7,30 h da tarde no salon de actos do Centro Cultural Municipal Carvalho Calero.

 Animamos a todos os veciños e veciñas de todos os pensamentos, idades e persoas non asociadas e asociadas que impulsen e participen de forma individual a formular PROPOSTAS que considere ou CANDIDATURAS para os órganos do seu barrio.

            

          A Comisión consideramos que estas Asembleas de barrio son órganos importantísimos de Participación Cidadá polo que  facemos un chamamento as entidades sociais de cada barrio ou parroquia co obxecto de fomentar e enriquecer estes foros de debate no seu ámbito territorial.

         

      Ferrol, a 26 de Marzo de 2012.

A directiva. 

Convocatoria Asemblea Ordinaria socios/as

 CONVOCATORIA ASEMBLEA XERAL ORDINARIA-

- 26 de MARZO de 2012 -

Benquerido/a  socio /a ;

        A Xunta directiva CONVOCA aos socios/as para celebrar unha ASEMBLEA XERAL ORDINARIA, no LOCAL SOCIAL (fronte a Parada de Taxis), o vindeiro día 26 de MARZO ás 18,30 h. en primeira convocatoria e ás 19.00  horas na segunda.

                                               Orde do día

    

1 .- Lectura e aprobación da ACTA  Asemblea Ordinaria anterior.

2 .- Informe de XESTIÓN- MEMORIA ANUAL .-

3 .- Previsión programa ACTIVIDADES-2012

           

4.- Aprobación- Informe ECONOMICO exercicio-2011. 

     

5 .- Previsión económica deste exercicio 2012.

6 .- Suxestións e preguntas.

        Esperamos a túa presenza cara o desenvolvemento de noso barrio.

                Ferrol a 12 de MARZO de 2012

                     A Presidenta                                         O Secretario

             Asdo. Ana J. LÓPEZ DÍAZ -                  Asdo. Xosé M. SANXOÁN CAAMAÑO         

Convocatoria Asemblea Extraord. socios/as

 

Convocatoria ASEMBLEA EXTRAORDINARIA

 

26 MARZO de 2012

   ESTIMADOS/AS   SOCIOS/AS :

   Estamos CONVOCADOS a celebrar unha ASEMBLEA EXTRAORDINARIA para o día 26 de MARZO,(a continuación da Asemblea Ordinaria), ás 19 45 horas,  no noso LOCAL SOCIAL co obxecto de renovar e ampliar os membros da Xunta directiva.

                                Orde do día

    1 .- Lectura e aprobación, se procede, da Acta anterior.

    

     2 .- Renovación directivos/as da Xunta directiva. Artigo nº 19.      

                   

                        - SECRETARIO/A          

                        - VICE-PRESIDENTE/A.

                        - TESOUREIRO/A.

                        - VOGAIS PARES

                 

                Ferrol a 12 de Marzo de 2012.

           

           A Presidenta                                    O Secretario

 

 

             Asdo.  Ana J. LÓPEZ DÍAZ               Asdo. Xosé M. SANXOAN CAAMAÑO        

- Feirón do Inferniño.- Problemas Feiróns- J. Polo-Responsable de Mercados-

 Problemas no feirón do Inferniño


17 de marzo de 2012.

 Os conflitos non son patrimonio exclusivo do mercadillo de Recimil.

A pasada semana no feirón do Inferniño, tamén houbo problemas. A asociación veciñal do Rosario-O Inferniño denunciou ameazas por parte dun grupo de comerciantes a un dos seus directivos. A entidade leva anos reclamando ao goberno local que aplique a ordenanza reguladora de mercados, prohibindo os aparcadoiros irregulares e incrementando o control policial. O novo responsable de Mercados, José Polo, asegura non recibir aínda as queixas deste colectivo???.

O edil mantivo xa contactos cos operadores do mercado central, onde está pendente a recolocación dos negocios da nave provisional.

-------------------------

Os veciños de Recimil piden o traslado ou peche do mercadillo



A asociación suxire ao Concello recolocalo na praza de España

 17 de marzo de 2012.

 Os últimos altercados ocorridos esta semana no mercadillo de Recimil esgotaron a paciencia dos veciños. A asociación do barrio asegura sentirse «farta» das molestias dunha feira «masificada» e sobre a que denuncian a «falta de control» municipal. Ata tal punto, que a entidade xa transmitiu ao Concello que o que quere é que se suprima definitivamente a súa celebración. «Cremos que o barrio xa está a sufrir bastante», sinalou o seu presidente, Jesús Casalas. Despois de «varias reunións co Concello nos últimos anos todos os acordos que se alcanzaron incumpríronse». E por iso, defende, «a única solución é a desaparición. Queremos a supresión do mercadillo», sinala tallante.

Iso ou o seu traslado a unha localización alternativa. A entidade xa comunicou ao Concello a súa proposta, case un órdago: a praza de España. Unha opción que, segundo Caselas, non atopou boa acollida no seo do goberno local. «Vese que aquí hai rúas de primeira e de segunda», espetou.

José Polo, novo edil de Mercados


17 de marzo de 2012:

O ata agora concelleiro de zona rural, José Polo, fíxose cargo tamén de forma oficiosa da delegación de Mercados, competencia ata este momento do edil de Servizos Pablo Cal. Segundo fontes municipais, débese á maior dispoñibilidade de Polo, aínda que sempre baixo a supervisión do responsable da área de Medio Ambiente, Guillermo Evia.

 
 
La Voz de Galicia.-



Consello Sectorial de Muller

Esta Asociación Veciñal O Rosario- Inferniño, expresamos a nosa preocupación e queixa motivada a tardanza en non recibir respista a nosa petición para estar neste consello sectorial da Muller.

Esta Asociación ten solicitada a súa participación por representación de entidades,  segundo artigo 27.d) do Regulamento de Participación Cidadá no rexistro xeral municipal dende hai tres meses sen que esta Concellaría dea contestación, incumprindo o establecido no Regulamento de Participación Cidadá.

Esperamos que se dea cumprimento a nosa petición e ao propio Regulamento de Participación Cidadá.

Ferrol, a 27 de Febreiro de 2012

- A directiva.-

www : orosario-inferninho.blogspot.com

Biblioteca Municipal do Inferniño.-

BIBLIOTECA INFERNIÑO –

C.C. MUNICIPAL CARVALHO CALERO

       A Xunta directiva desta Asociación Veciñal O Rosario- Inferniño, queremos expresar, unha vez máis, a nosa preocupación polo PECHE PROVISIONAL dende hai dúas semanas da BIBLIOTECA MUNICIPAL do Centro Cultural Municipal CARVALHO CALERO.

Expresamos a nosa queixa e decepción ante a falta de dilixencia e resposta municipal cara a un bo funcionamento e apertura diaria da BIBLIOTECA do Centro Cultural Municipal CARVALHO CALERO, sabendo que se trata dun tema sensible de máxima prioridade cultural e dun lugar de uso e consulta para estudantes.

Parécenos moi grave a falta de resposta das concellarías municipais de Cultura e Persoal ante a obriga de dar solución a este servizo co fin de que a cidadanía poda usar este referente cultural.

Continuaremos denunciando a falta de implicación do goberno local con este Centro Cultural por nos privar dunha Programación Cultural  estable e permanente os fins de semana. O goberno terá que decidir se este Centro Cultural Municipal CARVALHO CALERO, continuará a ser una sede veciñal para realizar actividades privadas o poderá ser utilizado como referente CULTURAL para a cidadanía.

Esta A. Veciñal O Rosario –Inferniño, reivindica a APERTURA PERMANETE  da BIBLIOTECA con horarios de fin de semana e poder facilitar este servizo aos estudantes e lectores/as.

Por todo isto, esiximos se dea a máxima PRIORIDADE Á INMEDIATA APERTURA DESTA BIBLIOTECA MUNICIPAL e unha PROGRAMACIÓN CULTURAL ESTABLE a ESTE EDIFICIO CULTURAL.

Ferrol, a 27 de Febreiro de 2012

- A directiva.-

Petición apertura da biblioteca.-

A Asociación Veciñal O Rosario critica o peche

da biblioteca do Centro Carvalho Calero.

Martes, 28 de Febreiro de 2012.

 redacción > ferrol .

A xunta directiva da Asociación Veciñal O Rosario do Inferniño emitiu un comunicado no que expresa a súa preocupación polo peche, que se fixo efectivo fai xa dúas semanas, da biblioteca municipal do Centro Cultural Carvalho Calero do Inferniño. Esta medida, que na nota é cualificada de provisional, é considerada como moi grave pola entidade, que esixe do Concello "que se dea a máxima prioridade á inmediata apertura desta biblioteca e unha programación estable a este edificio cultural".

O Rosario mostra desta forma a súa "queixa e decepción ante a falta de dilixencia e resposta municipal" en retomar a normalidade no funcionamento dun recinto xa que, afirman, "trátase dun tema sensible de máxima prioridade cultural e dun lugar de uso e consulta para estudantes". Segundo a organización veciñal, tanto as concellarías de Cultura como as de Persoal estanse mostrando incapaces para dar resposta á situación creada, o que é considerado así mesmo como moi grave.

Ademais de retomar a actividade normal da biblioteca, esta entidade volve insistir na necesidade de que o centro cultural do Inferniño conte cunha programación estable e permanente que inclúa así mesmo as xornadas de fin de semana, horarios en sábado e domingo que esperan incorpórense á biblioteca cando esta volva abrirse.

Convocatoria Asemblea de Barrio- 8 Febreiro

                    

                              - Asemblea de barrio -

Ferrol a 3 de Febreiro de 2012.    

     A xunta directiva desta Asociación Veciñal O Rosario-Inferniño, informa que para este vindeiro MÉRCORES, día 8 ás 19, 30 horas, vaise celebrar un ASEMBLEA DE BARRIO no salón de actos do Centro Cultural Municipal CARVALHO CALERO, convocada pola concellaría de Participación Cidadá.

   Animamos a toda a veciñanza deste barrio do Inferniño a participar neste importante evento participativo a título individual así como a todas as entidades veciñais, culturais, deportivas e colectivos sociais co obxectivo de aportar as súas reivindicacións sociais co fin de facer barrio.

   Lembramos que, como outras entidades sociais da cidade, estivemos  traballando dende o ano 2008 na antiga Comisión- GAP (Grupo de Análise e Propostas) no desenvolvemento do novo Regulamento de Participación Cidadá co fin de que a nosa cidade dispuxera desta ferramenta cidadá. Podemos dicir sen ningún reparo que este Regulamento foi cualificado por diferentes especialistas como un dos máis avanzados, vangardistas, horizontais e ambicioso do Estado español polo seu caracter transversal e vinculante nos diferentes procesos e Orzamentos Participativos.

  Corresponde a cidadanía a título individual, maiores de 16 anos, e as entidades sociais do barrio do EnsancheA-Inferniño CONSTITUIR esta ASEMBLEA DE BARRIO e os seus representantes .  Lembramos que segundo o artigo 31 do Regulamento de Participación Cidadá, presidirá esta Asemblea de Barrio o Alcalde ou Concelleiro de Participación Cidadá;  dúas Vice-presidencias, unha nomearase a un representante de asociacións e outra vice presidencia a unha persoa individual elixida democraticamente.

Estas vice- presidencias renovaranse cada dous anos.

- Estas Asembleas terán varias funcións e competencias co fin de fomentar a participación directa na xestión municipal do barrio.

- Promover a colaboración entre as organizacións do barrio e a veciñanza.

- Participar na toma de decisións sobre actuacións e investimentos no barrio, ben debatendo e valorando estas actuacións.

- Informando ao concello do funcionamento efectivo e seguimento dos servizos municipais e necesidades do territorio seleccionando prioridades..

-Elaborando PROPOPOSTAS para implementar proxectos e programas públicos, servizos...

 Solicitar información do Concello dos temas de interese para a Asemblea.

- Reuniranse catro veces ao ano.

- A Presidencia- vice-presidencias prepararán as Convocatorias e Orde do Día.

 - Publicitaranse por todos os medios e web do concello as datas de reunión co fin de que a cidadanía poda presentar propostas.

- Remitiranse ACTAS de todas as reunións as persoas e entidades participantes nun prazo máximo de 1 mes.

- O Concello deberá informar a cada Asemblea das actuacións relevantes no seu ámbito territorial.

- A Asemblea de Barrio elaborará o seu propio Regulamento Interno de Funcionamento, decidido democraticamente.

Como se pode observar o Regulamento de Participación Cidadá permite a plena participación activa da cidadanía na xestión municipal. Esta Asociación veciñal fai un chamamento a toda a veciñanza a participar nesta primeira Asemblea de Barrio do vindeiro MERCORES-8 ás 19,30 h no Carvalho Calero e así fomentar a Participación Cidadá na DEMOCRACIA PARTICIPATIVA a cal debe camiñar en paralelo coa Representación Política.

Esperabamos máis publicidade, cartelería,  prensa  para publicitar este asemblea de barrio ao marxe das convocatorias personais as cales valoramos.

Saúdos veciñais.

-         A Directiva.-

--