FEIRÓN E APARCAMENTO INFERNIÑO.-

O Rosario esixe control municipal sobre

o Feirón do Inferniño .




Sábado, 09 de Xullo de 2011

A Asociación Veciñal O Rosario-Inferniño presentou onte no rexistro municipal do Concello dous escritos reclamando ao gobierno local que actúe ante a "ausencia de xestión" do mercadillo do Inferniño que se celebra os sábados e a que se cumpra a legalidade na concesión do aparcadoiro de Porta Nova.

A entidade veciñal invita aos concelleiros do novo goberno a "pasar revista" ao feirón co fin de observar directamente as deficiencias con que conta. Deste xeito, aluden ao caos que supón que os coches e furgóns invadan os accesos á praza, ás beirarrúas e ás terrazas de hostalería.

A A.Veciñal recorda que existe unha ordenanza reguladora de venda ambulante que establece que será o Concello o único responsable de controlar, fiscalizar, conceder licenzas e autorizar postos de venda, ao mesmo tempo que se encarga de fixar as taxas para o exercicio da actividade en dominio público.

Neste sentido, apunta que se produciron avances como o rescate por parte do Concello no cobro destas taxas pero non existe unha xestión municipal en canto ao control da sanidade e consumo así como de seguridade, por falta de Policía Local.

Ante esta situación, a entidade O Rosario esixe que se cumpra a normativa en vigor, que se eliminen os vehículos no feirón, que se fiscalicen os ingresos cobrados pola AVV Ensanche A durante estes últimos 11 anos mediante memorias económicas, ingresos e gastos, que pertencen ao Concello e que se dispoña de funcionarios para estudar os temas de sanidade e consumo e unha patrulla da Policía Local para vixiar a zona.

Ademais destas peticións, a aociación veciñal tamén insta á intervención do novo goberno local para que se faga cumprir a resolución de abril de 2011 relativo ao aparcamento soterrado de Porta Nova, na que se require á firma Portanova Park SA que retrotraiga as tarifas aplicadas aos usuarios.

 A entidade denuncia que se continúan cobrando as tarifas "de forma abusiva", desoindo o requerimento do goberno local.

Tamén pide que  vele polo cumprimento da legalidade desta concesión pública e se abra, en todo caso, unha investigación por se houbese algún exceso baixo aperceibimento de "rescate da concesión".

Diario de Ferrol.-

TARIFAS PARCAMENTO INFERNIÑO

COBRAMENTO TARIFAS APARCAMENTO INFERNIÑO

A Asociación O Rosario- Inferniño, relembramos que o pasado 12 de xaneiro e 7 de Febreiro do presente ano, presentamos un ESCRITO no Rexistro Xeral Municipal do Concello de Ferrol para denunciar o abusivo cobramento nas TARIFAS da Empresa concesionaria PORTANOVA PARK S.A. – lugar do Centro Comercial do Inferniño.

Nesta queixa informábavos que o cobramento destas TARIFAS presentaban un encarecemento do 12, 5 %  na modalidade mensual e  56 % na tarifa diurna, o cal está moi lonxe do IPC anual.

Con data de Abril -2011 adopta unha RESOLUCIÓN da Concellaría de Facenda e Patrimonio onde establece a SUBSANACIÓN ODS ERROS COMETIDOS POLA EMPRESA ADXUDICATARIA DA CONCESIÓNe con anterioridade de data 4 de Marzo requírese a entidade Portanova Park S.A. RETROTRAER AS TARIFAS APLICADAS AOS USUARIOS.

 Esta Asociación Veciñal, presenta esta nova QUEIXA PARA DENUNCIAR QUE SE CONTINÚA COBRANDO AS TARIFAS AOS USUARIOS DE FORMA ABUSIVA POR PARTE DESTA EMPRESA PORTANOVA PARK S.A., obviando e desoíndo o REQUIRIMENTO do Goberno Municipal.

  

Instamos a INTERVENCIÓN DO NOVO GOBERNO LOCAL PARA QUE FAGA CUMPRIR ESTA RESOLUCIÓN NO COBRAMENTO DESTAS TARIFAS CON EFECTOS RETROACTIVOS E O CUMPRIMENTO DA LEGALIDADE NESTA CONCESIÓN PÚBLICA E ABRIR UNHA INVESTIGACIÓN POR SE HOUBERA ALGÚN EXCESO BAIXO APERCIBIMENTO DE "RESCATE DA CONCESIÓN"

Ferrol, a 7 de Xullo de 2011.

           A PRESIDENTA                                      O SECRETARIO

- Asdo. Ana J. LÓPEZ DÍAZ-             -asdo. Xosé M.SANXOÁN CAAMAÑO-

  

-         SR. ALCALDE –PRESIDENTE – CONCELLO DE FERROL .-

FEIRÓN INFERNIÑO- INVITACIÓN GOBERNO MUNICIPAL

DEMANDAS FEIRÓN INFERNIÑO

A Asociación Veciñal O Rosario- Inferniño, CONVIDAMOS  aos CONCELLEIROS/AS do Goberno Municipal a "visitar" e "pasar revista " a este Feirón do Inferniño este vindeiro SÁBADO, 9 de Xullo-11 pola mañá, co fin de observar, in situ as deficiencias e algún caos que producida ante a AUSENCIA DE XESTIÓN.

Comprobarán o caos de coches e fungóns invadindo os accesos a Praza do Inferniño e as beirarrúas da zona e terrazas co conseguinte  malestar deste sector da hostalería.

Queremos manifestar que nosas continuadas reivindicacións, en canto a  XESTION  deste Feirón do Inferniño están inspiradas na normativa e Ordenanza reguladora de venda ambulante no concello de Ferrol, aprobada polo Pleno do Concello de Ferrol o día 25 de xaneiro de 2001, e publicado no DOP de data 1 de Marzo de 2001.

Dita normativa establece que o Concello de Ferrol será o único responsable de controlar, fiscalizar, conceder licenzas,  autorizar os postos de venda ambulante  na vía pública e correspondéndolle o Concello de Ferrol o exercicio de todas estas competencias, así mesmo fixará as TAXAS que terán que aboar polo exercicio da actividade en Dominio Público.

Será o concello quen controle as persoas autorizadas a realizar a  venda ambulante previa Alta de Seguridade Social, estar ao día nas obrigas fiscais ou Facenda Pública, Póliza de responsabilidade civil, cumprimento nos requisitos sanitarios, rexistro de comerciantes ambulantes do Concello de Ferrol e a definitiva AUTORIZACIÓN MUNICIPAL.

Os feirantes exporán en lugar público e visible unha TARXETA que conterá a foto e identidade do Titular, modalidade de comercio ambulante e tipo de venda autorizada, selo do negociado de Sanidade e Consumo.

Feitas todas estas observacións, pensamos que se realizaron certos avances importantes como foi o RESCATE por parte do concello no COBRAMENTO das taxas deste feirón do Inferniño.

Tamén expresamos o noso descontento afirmando que a día de hoxe NON EXISTE UNHA XESTIÓN POR PARTE DESTA INSTITUCIÓN no que se refire ao control da SANIDADE E CONSUMO así como a falla de dotar dunha PATRULLA DE POLICÍA co fin de preservar a súa SEGURIDADE.

 Por todo isto:

1 .- Esiximos o cumprimento da normativa e Ordenanza en vigor en canto a XESTIÓN e CONTROL do Feirón.

2 .- A ausencia total de vehículos e furgóns durante o Feirón.

3 .- Investigar e fiscalizar os ingresos cobrados pola A.VV. Ensanche A durante estes últimos 11 anos mediante a comprobación e presentación de memorias económicas, ingresos e gastos. Estes ingresos pertencen ao Concello de Ferrol.

4 .- Os CARTEIS informativos deben conter publicidade do Concello de Ferrol, cesando os carteis e publicidade do Ensanche A.

5.- Funcionarios do concello en temas de SANIDADE e CONSUMO.

6 .- Patrulla de Policía Municipal.

Ferrol,  a 7 de Xullo de 2011

          A Presidenta                       O Secretario

 Ana J. LÓPEZ DÍAZ      Xosé M. SANXOÁN CAAMAÑO

Concentración Edif. Xunta

MANIFESTO DA COMUNIDADE EDUCATIVA DO ENSINO PÚBLICO DE FERROLTERRA

  Diante das medidas tomadas pola Conmsellería de Educación e O. U. desde que o PP está no governo, e máis concretamente as últimas sobre a reestructuración da oferta educativa no Ensino Secundario e a F.P., xunto cos agrupamentos e a reducción de prazas en Ed. Infantil e Primaria, que afectan de xeito moi especial á nosa comarca, todos os colectivos afectados (persoal dos centros, alumnado, peis/nais, organizacións sindicais, etc.) que suscribimos este escrito queremos manifestar o seguinte:

O noso rexeitamento contra este tipo de decisións, tanto na forma, como no fondo, polas consecuencias que orixinan e que supoñen un grave deterioro do ensino público. Dase a coñecer esta proposta (a través da prensa), sen previo diálogo coas comunidades educativas afectadas nin nos organos legalmente establecidos para levar a cabo este tipo de negociacións ; tratando ao persoal docente e ao alumnado como meras mercadurías que se poden transportar dun lugar a outro, sen saber moi ben a onde, en que condicións e saltándose as propias regras da Consellería, tanto no que tén que ver coa reserva de prazas, como co Concurso de Traslados . Evidenciase pois que o único obxectivo claro destas medidas é facer unha profunda recorvensión sen dar tempo á contestación social, polas datas nas que se comunica.

Non aceptaremos máis ataques contra o Ensino Público nin medidas que supoñan unha drástica reducción da oferta educativa e dos recursos humanos, coa eliminación dun importante número de unidades, postos de traballo e prazas escolares, incremento das rateos e masificación das aulas ; mentres se manteñan os concertos aos centros privados, incluso en ensinanzas non obrigatorias.

    POR TODO ISTO RECLAMAMOS A CONSELLARÍA DE EDUCACIÓN :

         A inmediata retirada do borrador do Decreto de creación dos CIFP e de modificación de determinadas ensinanzas nos centros educativos e que se abra durante o vindeiro curso un período de consultas, debate e negociación cos colectivos afectados e os/as representantes lexitimados para facelo na Mesa Sectorial de Ensino non Universitario, adecuando a Rede de Centros e a oferta educativa ás necesidades reais da nosa comarca.

         O mantenemento da oferta educativa no ensino público cos medios e recursos necesarios , como única vía de garantir a igualdade de oportunidades.

O cumplimento do acordo de agrupamentos asinado por esa consellaría en xullo do 2009 e que polo tanto non se permita agruar alumnado que sobrepase as ratios ali establecidas.

Unha explicación , por escrito, de cales son os motivos e o obxectivo desta reforma feita con tanta premura a finais de curso, e non de xeito progresivo e negociada.

Os colectivos aquí representados levaremos a cabo todo tipo de medidas e mobilizacións, ata que sexan atendidas as nosas demandas , chegando á posibilidade, se fose necesario , de dar inicio ao próximo curso.

As Organizacións sindicais CIG-ENSINO , C.C.O.O. , FETE-UGT , STEGA , a Federación de ANPAS de Ferrolterra, a ASOCIACIÓN VECIÑAL O Rosario-Inferniño , CENTROS EDUCATIVOS PÚBLICOS DA COMARCA.

Ferrol, a 22 de Xuño de 2011.

Convocatoria Mobilización Ensino

A Xunta directiva desta Asociación Veciñal O Rosario- Inferniño, convida a toda a veciñanza a participar nunha CONCENTRACIÓN para este MÉRCORES-22 ás 8h. da tarde, diante do Edificio da Xunta de Galicia.

Os colectivos de Pais e Nais, profesores, alumnado de Ferrol e comarca declaran o seu malestar polas formas en que a Dirección Xeral de Educación, Formación Profesional e Innovación Educativa anuncian unha serie de cambios que afectan a varios centros educativos desta comarca de Ferrol.

Un dos cambios que sorprendente para os pais e nais así como ao profesorado é o  traslado de alumnado dos Centros de Formación Profesional de diferentes localidades como é o caso do IES Ferrol Terra a Centros Públicos da ESO como é o caso do IES Sofía Casanova. Somos conscientes da calidade deste último Centro Educativo,  pero o que non se pode aceptar é a masificación de alumnos/as e a limitada capacidade de instalacións para acoller a 135 alumnos da ESO e outros 40 alumnos/as máis de bacharelato. Os diferentes equipos directivos anunciaron aos pais-nais a súas dimisións a esa dirección de Ensino da Xunta de Galicia.

Esta mobilización está secundada por toda a comunidade educativa,  conformada polos Centros de Ensino Públicos da Comarca de Ferrol, Directores, claustros de profesores, Federación de ANPAS, sindicatos, algúns partidos..etc.

Pedimos a AHDESIÓN das diferentes entidades sociais para pedir o máximo APOIO ao ENSINO PÚBLICO DE CALIDADE, apoiar esta CONCENTRACIÓN e a anulación deste posible Decreto nas condicións que explica esta consellaría de Ensino.

Saúdos veciñais.

          Ferrol, a 21 de Xuño de 2011.

        - A Directiva .- 

correo-e: avvorosario@gmail.com
www : orosario-inferninho.blogspot.com

LETRAS GALEGAS-2011

LETRAS GALEGAS-2011

LECTURA EN GALEGO

Varias persoas subiron ao Palco da Música para aportar a súa lectura galega...

Homenaxeamos a LOIS PEREIRO.

Tocamos o Antiga marcha do Reino de Galiza en homenaxe a LUIS PEREIRO nestas LETRAS GALEGAS-20

FOTOS LETRAS GALEGAS-2011 -

LETRAS GALEGAS- 2011

     

16 de maio de 2011



Lectura en galego no Palco da Música da Praza do Inferniño, homenaxeando a LOIS PEREIRO.

Actuación do Grupo de música tradicional galega "TERRA MEIGA".

 

Lectura da presidenta , Ana J., no Palco da Música.





LETRAS GALEGAS-2011

LETRAS GALEGAS-2011

A Xunta Directiva desta Asociación Veciñal O Rosario- Inferniño esperamos celebrar este vindeiro LUNS-16 de Maio a partir das 6 h da tarde, na Praza do Inferniño, as LETRAS GALEGAS-2011 con varios actos culturais públicos que consistirá nunha LECTURA GALEGA.

Contaremos cunha actuación de música –galega da agrupación "TERRA MEIGA".

CONVIDAMOS a participar a toda a veciñanza que desexe participar neste acto reivindicativo cultural co fin de facer a nosa homenaxe a LOIS PEREIRO mediante a correspondente lectura galega e amosar parte da súa obra e o seu compromiso cultural.

Saúdos veciñais.

          Ferrol, a 11 de Maio de 2011.

Visita Sr. Alcalde- Concello de Ferrol.-

Apertura da  FEIRA DE ARTESANÍA E

COMERCIO por parte do Alcalde de Ferrol.-

Apertura da Feira o venres,  día 6 de maio ás 19 horas.

 

Fotos música folk

Actuación do Grupo de música Folk "Alén de Ancos"

na Feira de Artesanía e Comercio.



Noite escura con algunha chuvia...

Boa música e divertimento

Fotos Feira Artesanía

Pasarrúas do cuarteto de gaitas de Vitor Agulló.



Gastronomía d´o Cabazo e boa comida

Fotos Gaiteiros1ª Feira Artesania

Grupo de gaiteiros de Vitor Agulló, durante a Feira de Artesanía e Comercio na Praza do Inferniño.

Animación da Feira de Artesanía -Comercio este fin de semana 6. 7 e 8 de maio-2011.

Animación da Feira Artesanía e comercio pola Praza do Inferniño.

FEIRA DE ARTESANIA E COMERCIO-INFERNIÑO

        

A Asociación Veciñal O Rosario- Inferniño  e  o  Grupo de Diversidade Funcional, organizan unha FEIRA DE ARTESANÍA E COMERCIO para os vindeiros días 6, 7 e 8 de Maio na PRAZA DO INFERNIÑO.

Esperamos contar cuns 30 postos de diferentes temáticas e materiais, ademais de diversas actuacións música folk, malabarismos,  animación , gaitas, etc...

Celebraremos este evento dentro da Praza do Inferniño, arredor do Palco da Música e rúa de Viveiro.

Convertiremos esta Rúa de Viveiro en zona PEONIL a partir do mediodía destes días disfrute da veciñanza.

Convidamos a toda a cidadanía a disfrutar desta feira a partir deste venres, sábado e domingo durante as mañás, tardes e noites con diversas animacións e postos de gastronomía típica.

Este Venres-6 contaremos coa actuación do Grupo de música folk " ALÉN DE ANCOS" a partir das 10 h da noite.

Haberá espectáculos de malabares que actuarán en varios pases diarios de tarde e noite.

A gastronomía correrá a cargo do coñecido hosteleiro O´Cabazo e unha Haima para os postres e té , na beirarrúa peonil da rúa Viveiro.

Por outros motivos, consideramos necesario  informar que contamos cos correspondentes PERMISOS  e informes favorables de medio ambiente- bombeiros, policía e o pagamento das conseguintes TAXAS MUNICIPAIS.

Convidamos a toda a corporación municipal, no acto  de apertura deste VENRES a partir das 6 h da tarde e a toda a veciñanza de Ferrol, movemento asociativo, para disfrutar desta Feira de Artesanía este fin de semana na Praza do Inferniño.

Saúdos veciñais.

-A Directiva.-

correo-e: avvorosario@gmail.com

www : orosario-inferninho.blogspot.com

ORZAMENTOS PARTICIPATIVOS_ CULTIcipando Inauguración- Sábado 30 Abril 2011

Achégase información da INAUGURACIÓN DO PROGRAMA "CULTICIPANDO 2011"

( proceso de Orzamentos Participativos)

Se non desexa recibir máis información desta lista, envíe unha mensaxe de baixa.
Por favor, pensa no medio ambiente antes de imprimir este correo.

---

--Participación Cídadá.-

Demolición inmoble RIO MIÑO

urbanismo

ferrol

Comeza o proceso para derrubar

dúas casas no Ensanche

12/4/2011 -

 O Concello de Ferrol iniciou onte as tarefas previas á demolición dos dous inmobles que forman un tapón urbanístico na intersección da rúa Río Miño con Fontemoura, no barrio do Ensanche A. Traballadores da empresa Comsa, adxudicataria das obras, retiraron as uralitas do danado teitume dunhas vivendas unifamiliares abandonadas desde hai anos. Durante a xornada de hoxe está previsto o comezo da demolición dos muros. O alcalde, Vicente Irisarri, e o concelleiro de Urbanismo, Ángel Mato, teñen programada unha visita oficial a estas obras ás once desta mañá.

Os traballos teñen unha duración estimada de catro semanas, período durante o cal permanecerá cortado ao tráfico ese tramo. A intervención, que responde a unha demanda veciñal histórica, está orzada en máis de 62.000 euros. Os propietarios dos inmobles cederon os seus dereitos a cambio de que o Concello executase a derriba duns edificios fóra de aliñación. Con iso, conseguirase máis espazo para urbanizar a zona.

- La Voz de Galicia.-
 
 
------------------------------------------------------------------
 
O Concello traballa na eliminación
 
de dous tapóns urbanísticos no Ensanche A
 
 Martes, 12 de Abril de 2011

david ruibal garcía > ferrol

O Concello de Ferrol iniciou onte os traballos de demolición das dúas vivendas de planta baixa, abandonadas e en estado ruinoso, que están situadas na confluencia da rúa Río Miño con Fontemoura, no Ensanche A, e que que dende hai anos supón un tapón urbanístico que frea o desenvolvemento do barrio. A actuación arrincou á primeira hora da mañá coa retirada da cuberta destes inmobles, en cuxa construción empregar uralita con fibrocemento, material altamente contaminante.

Os traballos, orzados en 62.687 euros e dos que se ocupa a empresa Comsa -a mesma que executou o proxecto do parque urbano do Palco dás Ánimas, recentemente inaugurado-, non estarán concluídos ata mediados do próximo mes de maio, segundo as estimacións do goberno local.

Durante o tempo que estes duren permanecerá cortado o tráfico rodado e peonil na zona, concretamente, entre os números 15 e 21 da rúa Río Miño e do 45 ao 55 de Fontemoura.

Ademais da derriba destas dúas edificacións fóra de aliñación, a intervención inclúe dar continuidade ás beirarrúas, instalar os servizos básicos urbanos -de augas fecais, pluviais e canalización da rede de gas e eléctrica- e delimitar adecuadamente os solares que resulten da demolición. Posibilitará, por outra banda, a reposición a ambas as marxes da rúa Río Miño da lousa de formigón hidráulico das beirarrúas, adaptando os pasos de peóns para facelas perfectamente accesibles e marcando os espazos de aparcadoiro. Tamén se colocará un novo punto de luz -na esquina entre Río Miño e Fontemoura- para completar o sistema de alumado público na zona.

A urbanización desta contorna pódese levar a cabo despois de que o Concello alcanzase un acordo cos propietarios dos inmobles para a cesión gratuíta das mesmas, posto que, en caso contrario, terían que acometer obras de mantemento urxentes.

A eliminación do tapón urbanístico no cruzamento de Río Miño con Fontemoura non é o único no que está traballando o goberno local no Ensanche A. O responsable de Urbanismo, Anxo Mato, recordou onte que o seu departamento negocia a adquisición dos terreos lindeiros entre as rúas Río Xuvia e Cabalo Branco, para urbanizar esta zona. Para o edil, estas dúas actuacións son fundamentais para "suturar este barrio co de San Xoán" e, ao mesmo tempo, completar a mellora das comunicacións desta contorna.

"Son dous proxectos nos que o Concello non deixou de traballar ao longo deste mandato", asegurou.

Nesta liña, recordou que a demolición das vivendas da rúa Río Miño con Fontemoura estaba pendente desde hai anos e que constitúe unha demanda formulada polos veciños do barrio dende hai décadas. Así, o gobieno local leva máis dun ano traballando neste proxecto que agora se materializa, e que enmarca na súa aposta por mellorar as condicións urbanas dos ensanches da cidade, dotándoos de servizos necesarios, mellorando a súa accesibilidade e o estado dos viarios urbanos.

Diario de Ferrol.-

ENTREVISTA COMISARIO POLICÍA NACIONAL FERROL-NARÓN.-

  A Xunta Directiva desta Asociacón Veciañl O Rosario- Inferniño, informamos que para este vindeiro LUNS, día 4 de Abril pola tarde, manteremos unha xuntanza co Sr. Comisario e responsables de Seguridade Cidadá da policía nacional de Ferrol-Narón.

  A consideración desta asociación en canto a seguridade cidadá durante os últimos tempos, podemos valorar como un barrio tranquilo e de moi boa convivencia, onde residen traballadores,  familias con fillos/as pequenos e maiores, onde todos conflúen na Praza do Inferniño, polo que pedimos máxima atención a esta zona e rúas anexas.

  Temos un incremento de persoas de varias nacionalidades onde observamos un absoluto respecto por parte de todos/as.

  Tamén sabemos dun pequeno repunte de "trapicheo" en zonas públicas que debemos valorar na súa medida e estar atentos a esta circuntancia.

 Todo isto, será tema de debate e análise entre a xunta directiva e os máximos responsables policiais, co fin de intercambiar información e melloras para o barrio do Inferniño en tema de seguridade cidadá.

Saúdos veciñais.

-  A directiva.-



DIFERENTES ENTREVISTAS CO PSOE E BNG.-



Este pasado LUNS- 14, e o LUNS -28,  mantivemos no LOCAL SOCIAL da Avda. Viveiro,  unha reunión co Grupo Municipal do PSOE e o Grupo Municipal do BNG,  a petición destes, para expresar os principais demandais deste barrio do Inferniño e debater as súas principais necesidades sociais.

Foron varias horas de debate, análise e conclusións, onde fixemos especial referencia na posta en marcha de varios programas de apoio as persoas maiores, infancia, cultura, participación cidadá, inmigración e integración social, xuventude, muller...etc

Coincidimos que temos un barrio con unha grande presenza de persoas de varias nacionalidades polo que demandamos das diferentes area municipais a realización de plans e programas dirixidas a inmigración.

Criticamos a forma con que se está levando a cabo a ESCOLARIZACIÓN e a  escasa implicación de certos colexios polo que demandamos a todos os organismos sociais que se realice un reparto das becas e bolsas que a día de hoxe sabemos da concesión de máis de 100 persoas becadas a diferenza doutros colexios concertados e públicos. Chamamos a atención do perigo de que se formen guetos.

Esiximos a implicación de entidades, ANPAS, Consello Municipal Escolar, Inspección da Xunta de Galicia para inspirar programas dirixidas a prevención de guetos.

GARDERÍA INFANTIL –LUDOTECA-

Comezaremos unha Campaña para reivindicar a construción dunha GARDERÍA ou Ludoteca pública neste barrio, reclamando unha antiga reivindicación contemplada no PREGO DE CONDICIÓNS do Centro Comercial, onde indica textualmente na súa cláusula 1.2 - ...engadir un mínimo de 250 m2 de superficie edificable sobre rasante para destinala a un Centro de ensino, Preescolar- Gardería.

Manifestamos outros programas de PREVENCIÓN DA DELINCUENCIA  e atender aparente repunte de puntos de consumo de drogas asi como alcoholismo.

- Outros temas son as infraestruturas do barrio como a REXENERACIÓN da Praza do Inferniño.

- O desaloxo de Asociacións do Centro Cultural Municipal CARVALHO CALERO e posterior ubicación destas asociacións. Reclamamos unha PROGRAMACIÓN CULTURAL permanente para este espazo público.

- Resolver o problema do Centro Comercial, onde existen demasiados locais baleiros e falta de actividade comercial.

- Resolución do abusivo cobramento nas TARIFAS do APARCAMENTO que subiron un 12,5 % as mensuais e un 56 % as tarifas diurnas por parte da empresa concesionaria PORTANOVA PARK S.L.

Grazas a nosas continuas denuncias, expresamos a nosa satisfacción pola decisión do Goberno Municipal en RESCATAR o COBRAMENTO das TAXAS deste FEIRÓN DO INFERNIÑO, aínda que non sabemos o destino deste diñeiro dende o ano 1.999 que calculamos nuns 6.000 € anuais.

- Continuamos denunciando a nula xestión municipal do Feirón, permitindo de forma permanente a ocupación das beirarrúas e accesos a Praza do Inferniño por máis de 50 -60 vehículos.

- Esta Asociación Veciñal O Rosario- Inferniño, tiña o compromiso da Concelleira de Seguridade, Sandra Ríos, manter unha PATRULLA de Policía municipal permanente neste feirón.

 Tamén esperamos o cumprimento da Ordenanza para implantar a TARXETA IDENTIFICATIVA dos postos, indicando o tipo de venda, mercadoría, foto propietario e sinatura concellaría municipal.

- Continuaremos reivindicando do Concello a XESTIÓN e cumprimento da Ordenanza Municipal Mercados, co fin de preservar todas as garantías de calidade, sanitarias e unha óptima xestión ao servizo dos usuarios/as.

De non contar coas garantías sanitarias e seguridade, pediremos a REVOGACIÓN deste Feirón.

- Aprobaríamos o TRASLADO DO FEIRÓN a Rúa Río Mera e parte traseira do Centro Comercial –Cultural a partir da ENTRADA e SAÍDA do APARCAMENTO Porta Nova Park.

Tratamos outros temas de interese para o barrio.