ENTREVISTA CONCELLEIRO DE FACENDA

REUNION CONCELLEIRO DE FACENDA

29 xullo de 2008.

A Xunta Directiva desta Asociación Veciñal O ROSARIO- INFERNIÑO, comunicamos que no día de hoxe a mañá, mantivemos unha xunta co Concelleiro de Facenda para achegarlle varias demandas veciñais e sociais do barrio do Inferniño.

LOCAL SOCIAL

En primeiro lugar a XUNTA DIRECTIVA, despois de varios anos de reclamacións e xestións, por fin !! COMPRACENOS COMUNICAR QUE O GOBERNO VAINOS CEDER UN LOCAL SOCIAL, SITO NA AVENIDA DE VIVEIRO COA ESTRADA DE CASTELA, (Parada de Taxis).

Queremos convidar e compartir cos veciños e veciñas do barrio do Inferniño para que sexan participes neste proxecto común na consecución dun barrio mellor.

Expresamos os nosos agradecementos aos membros do goberno local por nos facilitar estas instalacións necesarias para desenvolver o noso traballo social coa veciñanza.

CENTRO COMERCIAL

Demandamos do goberno local que continúe realizando todas as xestións necesarias para sacar adiante certos problemas do CENTRO COMERCIAL, aínda que nos din que son moi particulares e obedecen a circunstancias económicas e complexas.

Trasladamos ao goberno a preocupación dos comerciantes que como ultimo responsable destas instalacións están a denunciar unha situación incerta ou irregular que esixe moita xestión na busca dunha solución.
Denunciamos o aumento de peches de establecementos comerciais e cales son as súas as causas reais.

Pídennos tempo e unha confianza razoable nas xestións, esperando que todos estes pasos e requirimentos na xestión dean resultados nun tempo razoable para comezar a sacar conclusións máis concretas.

APARCAMENTO

O Concelleiro de Facenda continúa informando que a situación do APARCAMENTO DA PRAZA DO INFERNIÑO, se está actualizando e poñendo ao día aínda que con certos retrasos de caracter legal.
Informamos xa con anterioridade que este aparcamento presenta moitas carencias de carácter sanitario, de homologación e un certo abandono no seu mantemento.
O Concelleiro comunícanos que o concesionario vai realizar un importante INVESTIMENTO para adecuar o aparcamento as súas necesidades e normativas, seguindo os trámites necesarios.

PARQUE URBANO–EXPROPIACION ANTIGAS VIVENDAS

Comunica que as casas situadas no Palco de Animas están expropiadas e pagadas aos seus antigos propietarios.

Significa que continúan os trámites necesarios para a consecución dun PARQUE URBANO, ( PU-14 ), nunha antiga aspiración e reivindicación desta asociación veciñal para o cal pediremos proximamente máis información ao Concelleiro de Urbanismo.

FEIRON DO INFERNIÑO

Comunica o Concelleiro que por fin a XESTIÓN DO FEIRON no INFERNIÑO VAI MUDAR no senso de que se vai facer unha nova ORDENANZA para regularizar o funcionamento, venda e xestión deste Feirón.
Segundo nos informa o Concelleiro de Facenda a xestión do Feirón vai retomala directamente o Concello para finais deste ano.
Tamén a Concelleira de Mercados e Servizos nos ratifica os cambios que se van producir no Feirón posto que xa está o Concello catalogando os postos de venda, decidindo o método de cobramento, reforzando o control sanitario. Asegúranos que se está avanzando nas conversacións coas partes; comerciantes, vendedores e asociacións, para comunicarlles os mencionados cambios na xestión que se levará a cabo directamente desde o Concello.

Expresamos a nosa satisfacción polo ben do barrio e os usuarios do Feirón posto que existen moitas queixas da hostalería e veciñanza, lembrándolle que a xestión do Feirón vai a peor debido a invasión de toda clase de vehículos dos feirantes nas beirarrúas, Praza do Inferniño, accesos...etc., denunciando que existe un pasotísmo total.

Desexamos e esperamos que a xestión do Feirón se normalice e se aplique de verdade a normativa municipal para unha mellor convivencia veciñal. Desde a nosa asociación levamos reclamando como necesaria e urxente esta implicación directa do concello na xestión e control da actividade do Feirón así como a erradicación definitiva de certas prácticas de xestión e cobramento que se poderían cualificar, como mínimo, de irregulares e bastante discutibles. E por iso nos alegramos de que por fin vaia ser o Concello quen realice esas funcións que entendemos lle corresponde.

Ferrol a 29 de Xullo de 2008.


A PRESIDENTA / O SECRETARIO


Asdo. Ana J. LÓPEZ DÍAZ / Asdo. Xosé M. SANXOÁN

URBANIZACION DA RUA RIO XUBIA.

Urbanismo contratará de inmediato as obras de urbanización da rúa Río Xubia por 110.000 euros.

Mércores, 30 de xullo de 2008

O edil Ángel Mato prevé que as obras, cun prazo de execución de dous meses e medio, se inicien en setembro.

A Xunta de Goberno Local deu luz verde ao proxecto, que reordeará a mobilidade de peóns e vehículos no entorno.

O concelleiro de Urbanismo, Ángel Mato, informou da aprobación en Xunta de Goberno Local do proxecto de urbanización da rúa Río Xubia, entre Seselle e Inferniño. Deste xeito e tras calificar a actuación como prioritaria para o executivo municipal, Ángel Mato anunciou que o departamento que dirixe dará traslado do proxecto ás oficinas administrativas competentes para a súa contratación inmediata.

O obxectivo, segundo o concelleiro, pasa por iniciar as obras no mes de setembro.
Cumprindo estes prazos, estarían rematadas antes de acabar o ano, xa que o prazo de execución é de dous meses e medio.

Nesta liña, Ángel Mato explicou que o orzamento de execución de contrata ascende a 110.000 euros, ao marxe do pago das tres vivendas emprazadas á beira do pavillón polideportivo que foi preciso expropiar.

Un pago que xa se fixo efectivo no mes de febreiro.

Ao respecto, o concelleiro engadiu que o proxecto contempla tamén a incorporación de todos os servizos precisos. O responsable de Urbanismo do Concello de Ferrol lembrou que a actuación constitúe unha demanda veciñal con tintes históricos pendente de resolver dende hai anos.

Ángel Mato tamén quixo aproveitar a ocasión para agradecer a paciencia amosada polos veciños e veciñas da zona nos últimos meses, dende que tomara posesión a nova corporación, xa que a tramitación da actuación se dilatou de máis no tempo dada a complexidade que ten dende o punto de vista técnico.

Apuntou que, dado que a documentación que obraba no Concello databa de 1982, Urbanismo tamén se viu obrigado a facer un proxecto completamente novo.

En todo caso, Ángel Mato subraiou que a actuación prevista agora encaixa no proxecto de cidade do actual goberno municipal, que pretende un desenvolvemento urbanístico sostible e racional. De feito, a urbanización da rúa Río Xubia entre Seselle e Inferniño permitirá reordear de forma clara a mobilidade de peóns e vehículos na zona, mellorando de xeito substancial a calidade de vida dos residentes.

C. Urbanismo-Ferrol

XUNTANZA REIVINDICATIVA EN DEFENSA DO TRANSPORTE PUBLICO

Asociacións das zonas urbana e rural piden melloras en tódalas liñas.

Aconvocatoria de asamblea feita con urxencia pola Asociación de Veciños de Ferrol Vello ante a supresión de servizos levada a cabo de forma unilateral por Rialsa tivo un grande éxito de convocatoria.

A pesares da premura con que se artellou a cita, máis dunha ducia de representantes de entidades veciñais, tanto da zona urbana coma do rural, asistiron a este encontro.
Desta cita saiu un primeiro documento no que este colectiva manifesta o seu desacordo coa “reducción drástica de liñas” adoptada por Rialsa.

Os colectivos veciñais cuestionaron, neste senso, as cifras dadas pola compañía nas que xustificaba esta medida na falta de pasaxeiros. “Se á empresa non lle interesa atender este servizo, que se recupere a concesión e se convoque un novo concurso”, dixo Alberto Saavedra, presidente da AVV Ferrol Vello.
Pero non se quedaron soamente nesta problemática, senón que ademais reclaman melloras nos servizos que prestan as compañías concesionarias das liñas de transporte de viaxeiros na área metropolitana.

Neste senso, expuxeron a necesidade de aumentar as liñas existentes, facendo fincapé en mellorar os desprazamentos a puntos clave, como os centros de saúde ou colexios, entre outros.
Ao respecto, Alberto Saavedra sinalou que “o descontento é xeralizado, por esta razón queremos que se conte coa opinión dos usuarios e participar con empresa, Xunta e Concello nas conversas que se poidan levar a cabo ao respecto do transporte de viaxeiros”, engadiu.
Este colectivo chama a sumarse ás súas demandas a novas asociacións de veciños e sociais.

En vindeiras datas entregarán un escrito oficial con elas ás administracións autonómica e local.

Diario de Ferrol.-

SERVIZO DE PRESTAMO DE BICICLETAS NO BARRIO DO INFERNIÑO.

O Concello creará a cuarta base para alugar bicis no Inferniño, con 21.000 euros de investimento .

Unha nova base para o aluguer gratuíto de bicicletas en Ferrol instalarase antes de fin de ano no barrio do Ensanche A, na zona do Inferniño, segundo confirmaron onte fontes municipais.

O departamento de Medio Ambiente que dirixe a socialista María López abrira fai uns meses unha enquisa en Internet para saber que lugar era o preferido polos usuarios para situar ese servizo.

Por máis do 50% dos votos, o lugar escollido é O Inferniño, medida que aplaudiron entidades sociais como a organización veciñal O Rosario.

Será a cuarta zona para rentar, de forma gratuíta, unha bicicleta e poder desprazarse pola cidade.

O Concello ten xa un orzamento de 21.000 euros para habilitar 12 bicicletas, cun soporte idéntico ao xa colocado no campus de Esteiro, no porto e en Caranza.

Máis de 3.300 usuarios.

O aluguer de bicicletas revelouse como un dos servizos cun maior poder de convocatoria entre os cidadáns. Conforme aos últimos datos que manexa o Concello, hai xa máis de 3.300 usuarios inscritos para poder acceder ao servizo, cun tempo de utilización medio de 50 minutos.

A estación con máis gancho é a do peirao, cunha media de 20 bicis usadas por xornada; séguenlle Caranza (17,3) e Esteiro (16).
Un 84% dos usuarios son de Ferrol. O resto dos inscritos, case 600, doutros municipios da comarca e Galicia (A Coruña ou Santiago).
Para mellorar o uso da bici está previsto incrementar a extensión do carril bici.

La Voz de Galicia.-

SERVIZO DE PRESTAMO DE BICICLETAS NO INFERNIÑO

O barrio do Inferniño acollerá a nova estación do servizo de aluguer de bicicletas.

CARLOS CARBALLEIRA

O barrio do Inferniño resultou seleccionado por votación popular como o mellor emprazamento para albergar a nova estación de aluguer de bicicletas.

Así, a edil de Medio Ambiente, a socialista María López, subliñou a alta participación rexistrada: máis de 40.000 persoas votaron na enquisa que o Concello poñía en marcha o 28 de maio.

Tratábase de escoller entre os tres emprazamentos posibles que resultaban do estudo inicial de mobilidade elaborado polo departamento que dirixe a edil de Medio Ambiente, e que eran a estación de autobuses, a praza de Galicia e a que resultou finalmente seleccionada.
As porcentaxes: casi o 60% dos internautas votou a favor do Inferniño; o 38% por situala na praza de Galicia e tan só un 3% por que a nova estación dispensadora se localizase na Estación de Autobuses.

Así as cousas, María López destacou a implicación da cidadanía ferrolá a prol do uso de medios de transporte ecolóxicos. Nesta liña a concelleira recordaba que dende que se puxera en marcha esta iniciativa pioneira en Galicia, a mediados do mes de setembro, máis de 3.000 persoas se deran de alta no servizo.
Para isto, tan só é necesario achegar a folla de inscrición debidamente cumprimentada e fotocopia do DNI ou documento acreditativo da persona solicitante na oficina de turismo.

Asemade, a entrada en funcionamento da web municipal www.ferrol.es/ferrolenbici facilitou aínda máis os xa de por sí sinxelos trámites para acceder a este servizo gratuito.

Requisitos .-

Respecto dos requisitos, a responsable da política medioambiental recordou que se deben superar os 18 anos ou os 16 e contar con autorización do pai, nai ou titor. En todo caso, tamén aceptar as normas de uso.

Unha vez inscrito, se lle facilita ao usuario unha tarxeta identificativa de acceso ao servizo, con carácter persoal e intransferible. Tarxeta coa que o usuario pode desprender a bicicleta da estación.
Por último, e dentro das obrigas do usuario, caben destacar as seguintes: facer uso do servizo e da bicicleta coa máxima dilixencia, non cedela a terceiras persoas, e utilizala exclusivamente para o transporte personal e dentro do casco urbano do termo municipal.

A nova estación que se emprazará no barrio do Inferniño se sumará ás tres existentes: Caranza, Esteiro e o peirao de Curuxeiras.

Por último, María López destacou que, coa posta en marcha deste servizo, os usuarios van ter a oportunidade de coñecer a cidade dende outra perspectiva, máis amable e tranquila e lonxe das présas e os agobios do tráfico rodado.

Diario de Ferrol.-

OBRIGACIÓNS COS ANIMAIS DE COMPAÑÍA- CANS E GATOS

O Concello repartirá gratis 81.000 bolsas para a recollida de excrementos de animais de compañía.

Mércores, 9 de xullo de 2008

A edil María López apuntou que as bolsas entregaranse en todo os barrios do Concello polas entidades veciñais.

Recordou que a ordenanza municipal establece a obligatoriedade de recoller as deposicións da vía pública.

A concelleira de Sanidade e Mercados, María López, anunciou onte a posta en marcha dunha campaña para concienciar aos propietarios de animais de compañía da necesidade de recoller da vía pública vos excrementos dás súas mascotas.

Para iso, López explicou que o Concello iniciará a repartición de 81.000 bolsas hixiénicas.

A concellería entregará as unidades ás entidades veciñais de todo ou termo municipal, apuntou a edil, para que sexan estas as encargadas de repartilas entre vos residentes dous distintos barrios.

Nesta liña, María López apuntou que a medida permitirá que os cidadáns e cidadás de Ferrol cumpran coas ordenanzas municipais de tenencia de animais domésticos e de parques e xardíns, e eviten así as posibles sancións por incumprila.

Así as cousas, a concelleira de Sanidade apuntou que nas mesmas indícase que son os propietarios de cans e gatos os responsables de recoller convintemente os excrementos mediante o emprego de bolsas de plástico ou papel ou recolledor especialmente indicado.

Tamén de depositalo nos colectores.

A dita norma establece así mesmo a prohibición de deixar as deposicións fecais nas vías públicas, en zonas verdes e en xeral, en calquera lugar destinado ao tránsito de peóns, engadiu a concelleira.

Nesta liña, María López recordou que a ordenanza contempla sancións para aqueles que a infrinxan: unha multa económica que podería oscilar entre os 30 € e os 300 euros.

A responsable en materia sanitaria do Concello ferrolán explicou que se da cumprimento así ás numerosas queixas recibidas no departamento que dirixe respecto a proliferación deste tipo de suciedade en numerosas zonas da cidade.

Asemade, explicou que se decidiu o seu repartición a través das Asociación de Veciños porque están en permanente contacto cos residentes dous diferentes barrios e porque moitas das queixas tramitáronse de feito a través das propias entidades.

Así mesmo, María López avanzou a súa intención de converter esta iniciativa nunha campaña permanente no tempo, a través do subministración periódica das bolsas entre a cidadanía.

Ter un animal doméstico entraña responsabilidades e facerse cargo do seu coidado, alimentación e hixiene, declarou a edil, quen engadiu que co repartición facilítase o desenvolvemento deste deber dos donos de animais de compañía.

Finalmente, María López recordou que a mesma ordenanza establece a obligatoriedade de levar aos cans con correa, colar e debidamente identificados nos seus desplazamentos pola vía pública.

Tamén deberán circular con buceira todos aqueles cans potencialmente perigosos, dacordo coa súa natureza e características.

Concellaría de Servizos

A CUARTA TERMINAL DE BICIS : O INFERNIÑO

A cuarta terminal de bicicletas de aluguer, que o Concello habilitará tras o verán, xa ten localización:

O Inferniño.

A Concellaría de Medio Ambiente e Servizos, responsable do programa Ferrol en bicicleta, respectará a vontade das persoas que maioritariamente se decantaron por este emprazamento fronte aos outros dous propostos desde este departamento: a praza de Galicia e a estación de autobuses.

O departamento que dirixe María López (PSOE), deu a opción de que fosen os propios veciños os que determinasen o lugar deste equipamento, abrindo unha votación na páxina web do Concello durante o pasado mes.

Dos máis de 40.600 sufraxios emitidos, case o 60% decantouse polo Inferniño, un 38% pola praza de Galicia e apenas un 3% pola estación de autobuses.

Do que se trata agora é de determinar o sitio exacto deste barrio no que se porá a terminal de bicicletas, cuestión que María López pechará cos representantes veciñais.

Desde o Concello considérase que O Inferniño é un emprazamento adecuado para esta instalación, debido a que se trata dunha zona de tránsito e cun elevado número de residentes.

O compromiso do goberno municipal é colocar a nova terminal a partir de setembro.

Con esta serán xa catro as existentes noutros tantos puntos da cidade: Caranza, as inmediacións da dársena de Curuxeiras, o campus universitario de Esteiro e a mencionada do Inferniño.

Así mesmo, hai que sinalar o compromiso da edila delegada de Medio Ambiente e Servizos de dotar ás praias do municipio de parking para bicicletas, co obxectivo de fomentar o uso deste medio de transporte alternativo ao coche.

O programa de Ferrol en bicicleta posto en marcha fai nove meses tivo unha gran aceptación.

Na actualidade, conta con máis de 3.000 inscritos, cifra que desde o Concello crese que aumentará considerablemente nos próximos meses, coa chegada do bo tempo.

Diario de Ferrol.-

PETICION REUNION COA C. CULTURA

SOLICITUDE DE XUNTANZA



A Nova Xunta Directiva da Asociación Veciñal O ROSARIO-INFERNIÑO, solicita unha REUNIÓN coa TTE. ALCALDE - CONCELLEIRA DE CULTURA.

Esta directiva quere demandarlle a Concelleira de Cultura a consecución dunha AULA no Centro Cultural CARVALHO CALERO, para poder exercer nosas futuras actividades culturais e poder comezar no vindeiro curso.

A Asociación Veciñal O ROSARIO- INFERNIÑO, sempre está disposta a compartir os espazos en concesión coa veciñanza e as distintas entidades na consecución real do exercicio democrático dunha maior PARTICIPACIÓN CIDADÁ.


Ferrol a 18 de XUÑO de 2008.


A Presidenta O Secretario




asdo. Ana J. LÓPEZ DÍAZ asdo. Xosé M. SANXOÁN CAAMAÑO




- SRA. TENIENTE ALCALDE- CONCELLEIRA CULTURA- CONCELLO DE FERROL.